Баланы балалар бакчасына ничә яшьтә бирергә, бала ОРВИ белән никадәр еш авырырга тиеш, йөткерүдән сироплар нәрсәсе белән куркыныч? Әлеге һәм башка сорауларга республика балалар клиник хастаханәсенең яшь табибы Камилә Насыйбуллина җавап бирде.

Микоплазма үпкә ялкынсынуы аркасында Казанда берьюлы 2 мәктәпне карантинга япканнар. Ә Питрәч районы Көек бистәсендәге «Алгоритм» лицеенда бер сыйныф дистант укуга күчерелгән. Әмма курыккан ата-аналар сәламәт балаларын да мәктәпкә йөртүдән баш тарта һәм барысын да читтән торып укытуга күчерүне таләп итә.

Дөнья сулагайларга, уңагайларга һәм амбидекстрларга бүленә. Ни өчен балалар каләм белән кашыкны сул куллары белән тоталар? Әгәр әнисе яки әтисе сулагай булса, бала да һичшиксез сулайгай буламы? Ни өчен сулагайны уң белән тотарга өйрәтү сәламәтлек өчен куркыныч? Невролог Резеда Шиһабетдинова бу һәм башка сорауларга җавап бирде.

Табиб-дерматолог Гөлйөзем Кәлимуллина сүзләренчә, соңгы вакытта косметологларга ир-атлар күп йөри икән. Аларның да матур буласы килә, ди ул. Гөлйөзем Кәлимуллина белән салкын вакытта бит тиресен ничек итеп дөрес тәрбияләү турында, хатын-кызлар көндәлек куллана торган чараларда очрый торган зарарлы матдәләр турында сөйләштек.

Салкын тию, бронхит һәм үпкә ялкынсынуы: еш кына аларны вируслы инфекцияләр китереп чыгара. Татарстанда сезонлы ОРВИ белән авыручылар саны, нинди инфекцияләр күбрәк булуы, республикада яшәүчеләрнең күпмесе грипп белән очрашуга әзер булуы турында санитария табиблары һәм инфекционистлар сөйләде.

Ир-атлар өчен йөрәк авыруларыннан үлем куркынычының төп факторы – хатыны булмау, ә хатын-кызлар өчен – балалары булмау, дип кисәтте ТР Сәламәтлек саклау министрлыгының баш кардиологы Зөлфия Ким. Аның сүзләренчә, бүген республикада яшәүче һәр икенче кеше гипертония, ягъни югары кан басымы белән интегә.

Шизофрениклар – авыру булуларын аңлаган бердәнбер психик авырулар, дигән сүз дөресме? Шизофрения бүген чыннан да бик киң таралганмы? Авыру һәрвакыт нәселдән күчәме? Бөтендөнья психик сәламәтлек көнендә шизофрения турындагы бу һәм башка сорауларга психиатр-психотерапевт Ольга Башмакова җавап бирде.

Хәзер йөткерүче һәм томаудан интегүчеләрнең күбесе коронавирус һәм риновирус белән авырый, дип хәбәр итте табиблар. Шул ук вакытта бу атнада республикада гриппның беренче очраклары да теркәлгән.

Татарстан грипп сезоны алдында тора. Быел әлеге вирусның нинди штаммнары көтелә, грипп нинди авыруларга сәбәпче булырга мөмкин һәм, иң мөһиме, боларны ничек булдырмый калырга? Болар хакында республика Сәламәтлек саклау министрлыгының баш эпидемиологы һәм иммунопрофилактика буенча белгече Дмитрий Лопушов сөйләде.

Быел Татарстанда гриппка каршы вакцинация 1 ай алданрак башланды. Җәйнең соңгы аенда салкын булу сәбәпле ОРВИ баш калкытты – август башыннан алып, табиблар атна саен авыручыларның 10 процентка үсүен теркәде. Прививкаларны, гадәттәгечә, поликлиникаларда һәм метро станцияләре янында ясатырга мөмкин.

Ковидтан соң климакс ничек үзгәргән, һәм СССР медицинасын күргән пациентлар зумер-пациентлардан нәрсә белән аерыла? Бу хакта табиб-гинеколог, репродуктив медицина үзәге мөдире Марина Корепанова сөйләде.

Республика балалар клиник хастаханәсе табиблары кечкенә балаларның эченнән энәләр, флешкалар, кадаклар, магнитлар, күз тиюдән саклаучы амулетлар һәм сувенир тәңкәләр чыгара. Иң еш ярамаган әйберләрне 3-6 яшьлек балалар йота. Табиблар, магнит һәм батареяларны йоту аеруча куркыныч, дип кисәтә.

Россиялеләр иң еш йөрәк һәм кан тамырлары авырулары аркасында үлә. Татарстанның әйдәп баручы табиблары беркайчан да инфаркт яки инсульт белән хастаханәгә эләкмәс өчен 5 киңәш бирде.

Стоматолог пациент тешләрендәге кариесны гына түгел, бөтенләй башка органнардагы авыруларны да күрә ала. Тешләрнең сәламәтлеге ничек итеп бөтен организмга тәэсир итә, ни өчен теш булмау гәүдә торышын үзгәртергә мөмкин, һәм акыл тешләрен сәбәпсез алдырырга кирәкме?

Аллергия – ул хроник авыру. Ул иммун системасының тышкы һәм эчке тирәлектәге матдәләргә җавабы. Аллергия – Җир шарында иң киң таралган авыруларның берсе. Аллергия төрләре, билгеләре һәм аллергияне дәвалау турында Республика балалар клиник хастаханәсе аллерголог-иммунологы Гөлнара Рыжова сөйләде.

Югары температура, мускуллар һәм бил сызлау, ә соңрак тәнгә тимгелләр чыгу – Тимурда Көнбатыш Нил бизгәге менә шундый билгеләр белән башланган. Республика клиник йогышлы авырулар хастаханәсе пациенты бу авыруны ничек кичерүе турында сөйләде.

Баланың башы чыннан да авырта икәнен ничек аңларга? Баланың башы чыннан да авырткан очракта, нишләргә? «Мәктәп баш авыртулары» нәрсә ул, һәм ата-аналар кайчан табибка йөгерергә тиеш? Бу һәм башка сорауларга балалар неврологы Резеда Шиһабетдинова җавап бирде.

Ни өчен соңгы елларда күрү сәләте начар булган балалар саны 2 тапкыр арткан? Әти-әни баланың начар күрә башлавын ничек аңлый ала? Күрү сәләтен саклаучы витаминнар бармы? Гаджетлар балаларның күзләренә ничек тәэсир итә? Бу һәм башка сорауларга балалар офтальмологы Ленара Хәнифәтуллина җавап бирә.

Ботулизм Мәскәү, Мәскәү өлкәсе, Түбән Новгородтан соң Татарстанда да табылган. Казанның уннан артык кешесе куркыныч инфекция белән хастаханәгә эләгә, аларның яртысы авыр хәлдә. Нәрсә ул ботулизм? Ул кеше организмына ничек керә һәм аның симптомнары нинди? Бу сорауларга «Татар-информ»га санитар табиблар һәм инфекционистлар җавап бирде.

Яз килү белән психик авырулар да кискенләшә. Табиблар сүзләренчә, ел фасыллары алмашу бар кешегә дә тәэсир итә. Сәламәт кеше моны кәеф үзгәрешләре белән уздырып җибәрсә, психикалары зәгыйфь булган кешеләрдә шизофрения һәм биполяр авыру рецидивлары барлыкка килә. Ни өчен яз килү психикага бәрә, һәм мондый авыр вакытта сәламәтлекне ничек сакларга?

Татарстанда аллергияләре булучылар интегә торган чәчәк ату сезоны башланды. Күпләр, сезонлы аллергия яки поллиноз – җитди булмаган авыру, дип саный. Ләкин, табиблар, борындагы томау һәм күз яшьләре агу кебек симптомнарны санга сукмау җитди нәтиҗәләргә китерергә мөмкин, дип кисәтә.

Татарстанда парларның 17 проценты бала таба алмый, шул ук вакытта һәр икенче аборт медицина күрсәтмәләре буенча үткәрелми. Йөклелеккә кайчан һәм ничек әзерләнә башларга кирәк? Бу хакта «Татар-информ»да узган матбугат конференциясендә репродуктолог һәм акушер-гинеколог сөйләде.

«Онкология» диагнозы белән очрашкан, әмма үзендә яшәргә һәм дәваланырга көч тапкан Чаллы хатын-кызларының 16 фотопортреты «Тормыш энергиясе» берләшмәсе тарафыннан «Челнинские известия» редакциясе белән берлектә оештырылган күргәзмәдә (16+) тәкъдим ителә. Портретларны «Челнинские известия» корреспонденты Антон Катушенок ясаган.