Бүген Татарстан Республикасының беренче Президенты, Дәүләт Киңәшчесе Минтимер Шәймиев Казан Кремлендә ТР Президенты каршындагы Милләтара һәм конфессияара мөнәсәбәтләр буенча совет утырышында дөрес милли сәясәт алып бару әһәмияте турында уйлануларын җиткерде.

Биектау районы Березовка бистәсенең Үзәк урамында урнашкан 7 нче йортта капиталь ремонт башкарылган. Тик халык канәгать түгел, элеккегә караганда начаррак булып калды, диләр. "Татар-информ" хәбәрчесе ремонтның сыйфатын үз күзләре белән күреп кайтты.

Аграр тармакта эшләүче яшь белгечләрнең иң осталарын белдек. Күптән түгел “Һөнәре буенча иң яхшысы-2019” бәйгесе җиңүчеләре бүләкләнде. Беренче урын ияләре бер елдан Германиягә ике атналык стажировкага барачак. Алар “Татар-информ” хәбәрчесенә җиңүдән тәэсирләре белән уртаклашты.

Зәй шәһәре балалар бакчаларында эшләүче музыка җитәкчеләре хезмәт шартлары начарланудан зарлана. Алар, ставкалары кыскартылып та, эш күләменең артуы турында чаң суга. Район мәгариф идарәсе башлыгы бу дәгъваны нигезсез дип саный. Сигез музыкаль хезмәткәр мәгариф идарәсен судка биргән.

Ватылган самолетны кырга утырткан Дамир Йосыпов очучылар училищесына соңлап кына кергән, ә режиссер Рамил Сабитов театр институтына укырга керә алмый интегеп йөргән. Мәскәүдә узган “Мәскәү-Татарстан күпере” бишенче яшьләр форумында танылган шәхесләр уңышка ирешү юллары хакында сөйләде. Очрашуны Татарстан Республикасының Россия Федерациясендәге Тулы вәкаләтле вәкиллеге оештырды. 

8 ноябрь көнне төнге 23 сәгать тирәсендә М-7 (Мәскәү – Уфа) трассасының 924нче километрында коточкыч фаҗига була. Казаннан Чаллыга «Фольксваген» машинасында Татар КВН лигасының ярымфиналыннан кайтып баручылар авариягә эләгә. 

Бүген Татарстан Республикасы Конституциясенә 27 ел. 126 маддәдән торган төп законыбыз 1992 елның 6 ноябрендә кабул ителде. 

Күрәчәге булгандырмы, Лениногорск шәһәреннән Динә Мингалиева быел зур хәсрәт кичерә. Яздан бирле хастаханә сукмагын таптарга туры килә аңа. Әллә чарасызлыктан, әллә ялгышлык белән апрель аенда уксус кислотасы эчеп, үңәчен яндыра. Октябрь ае башында Республика клиник хастаханәсенең торакаль хирургия бүлеге табиблары, аның үңәчен алып, аурынына юан эчәк сузып операция ясый. Операция биш сәгать дәвам итә.  

Татар интернетындагы файдалы сайтларны, соцчелтәрләр пабликларын, татарча аккаунтларны барлап, анализ ясап, мактап һәм тәнкытьләп торучы бәйге бар - ул да булса "Белем җәүһәрләре" конкурсы. Бәйгене гамәлгә куйган Раил Гатауллин инде ул ел дәвамында бу эзлекле эшне энтузиазм белән башкарып килә. Быел бәйгенең унынычысы узган. Финалистлар билгеле.

Бөтендөнья татар яшьләре форумының бу арада эше тыгыз булды. 19 октябрь - “Татарча диктант” узган көнне форум вәкиле Якуп Мамлиев Татарстанда элмә такталарда икетеллелекне тикшерү максатыннан, Теләче, Саба районнарына барды. Рейд барышын “Татар-информ” хәбәрчесе дә күзәтте.

“Йөкле булуым турында белгәч, мин балама йогар дип курыктым да, тизрәк табибларга бардым”, – дип сөйли башлады үз тарихын ВИЧ йоктырган ханым. 

“Күп һәм төгәл белүенә шакката идек” ди туганнары, хезмәттәшләре аның турында. Булса да булыр икән тарихка шулкадәр мөкиббәнлек, дип әйтеп була аның турында. Тарих фәннәре кандидаты, КФУның Халыкара мөнәсәбәтләр институтының тарихи һәм иҗтимагый мәгариф кафедрасы доценты Җәүдәт Миңнуллин кичә, йөрәге тотып, кинәт вафат булды. Бүген үзе яшәгән йорты янында аның белән хушлашу чарасы узды.

Әгәр бу тормышта күңелендә явызлык булмаган кешеләрне табарга теләсәң, аларны кан донорлары арасында эзләргә кирәктер кебек тоела миңа. Ниндидер изге җаннар кебек алар. Һәрхәлдә тәүлегенә бирелә торган 700 сумга кызыгып бармыйлар анда. Ул кан тамырын тиштереп ике сәгать вакыт уздыру гына түгел бит әле, сәламәт яшәү рәвеше алып барып, табиблардан шуның белешмәсен китереп тору да. Алар белән танышкач, "Татар-информ" хәбәрчесе актив кан донорлары үзләренә бер тормыш белән яши икән дигән фикергә килде. 

Казанның “Корстон” комплексында авыл хуҗалыгы хезмәтчәннәре Уңыш бәйрәмен билгеләп үтте. Җәйге-көзге эшләр әле бетеп үк җитмәсә дә, октябрьнең һәр икенче якшәмбесендә авыл хуҗалыгы һәм эшкәртү сәнәгате хезмәтчәннәренең һөнәри бәйрәме үткәрелә. Быел тармакка килгән яңа министр Марат Җәббаров беренче нотыгы белән чыгыш ясаса, экс-министр Марат Әхмәтов 20 ел эшләү дәверендә үзенә түзгән Президентларга рәхмәтен җиткерде. 

Кичә Төмән шәһәре Татар мәдәнияте үзәге директоры Лилия Кәримова 45 яшьтә кинәт вафат булган. Бүген мәрхүмәне Тубыл шәһәре зиратында җирләделәр. 

Еламаган балага имезлек каптырмыйлар. Авылда яшәп көн күрүчеләргә дә булмаганын сорап, ошамаганына зарланырга, ирешкәне белән мактанырга мөмкинлекләр туды. Татарстанның Дәүләт Советы Рәисе Фәрит Мөхәммәтшин авыл халкының эшлеклелек активлыгын күтәрү буенча киңәшмәләрне доклад тыңлау гына түгел, ә сорау-җаваплар форматында үткәрү кулай диде. Сайлау алдыннан республиканың бөтен районнары катнашында авыл халкының эшлеклелек активлыгын арттыру темасына семинар-киңәшмәләр үтте.

3 сентябрьдә Чирмешәндә кибет янында пакет эчендә яңа туган ир баланы табып алдылар. Полиция баланың әнисе кем булуын ачыклады. Ул шул ук кибеттә эшләүче 36 яшьлек сатучы.

Грипп дигән афәткә каршы көрәш - көзге темаларның берсе. Табиблар ел саен грипптан саклануның иң ышанычлы юлы булган вакцинация әһәмиятен аңлата. Россиядә гриппка каршы Бөтенроссия прививка кампаниясенә старт бирелде. “Татар-информ” агентлыгындагы матбугат конференциясендә прививка кампаниясе турында сөйләделәр.

1981 елда Америка Кушма Штатларында кешеләрдә яңа чир ачыклана. Яшьләр, гомерләренең чәчәк аткан чорында сәер халәттән - иммунитет булмаудан кинәт үлә башлый. Күпмедер вакыттан бу чирне СПИД - синдром приобретенного иммунодефицита дип атыйлар. Чирне кузгатучы вирус -ВИЧ башка илләргә дә үтеп керә. “Татар-информ” хәбәрчесе Республиканың СПИД һәм йогышлы авыруларга каршы көрәш һәм профилактика үзәгенә барып, ВИЧ диагнозы белән яшәүче авырулар белән сөйләште. 

Ни кызганыч, быелгы уңыш Буа районы Яңа Тинчәле авылында Фәргать Сибгатуллов крестьян-фермер хуҗалыгы өчен күңелсез бер фаҗига белән истә калачак. 22 августта 1 Май урамында ашлык киптергеч бинасы янында 53 яшьлек ир бункерга егылып төшеп, игенгә тончыгып һәлак була.

28 август киче Буа районы Ырыңгы (Рунга) авылында яшәүче Скворцовлар гаиләсенә зур кайгы китерә. Төпчек кызлары, биш яшьлек Елена ике метр тирәнлектәге коега егылып төшеп, аянычлы һәлак була. Моңарчы гел су алган коедан баласын тартып чыгарасын гаилә башлыгы Олег Скворцов күз алдына да китермәгәндер, мөгаен.

Җәмәгать транспортында, вокзалларда аудиобелдерүләрне татарча ишетеп колак сөенә башласа дә, күзләрнең ләззәтләнеп туярлык көннәре һаман юк әле. Урам исемнәре, юл күрсәткеч билгеләр, оешма-учреждениеләрдә элмәләрдә, элмә такталарда русчасы белән беррәттән татарчасын язу ягыннан һаман аксыйбыз. Булган очракта да, әвеш-тәвеш, чалыш тәрҗемәләр дә күп.

Гөмбәчеләрнең тынгысыз вакыты. Тоташ яңгырлардан соң көннәр җылынып, ачылып китүен дүрт күз белән көтеп, кәрзин-чиләкләрен, нәфеслеләре капчыкларын тотып, урман-посадкаларга ашыга. Безнең халыкта ал гөмбә, яки свинушкага исе китүчеләр бар. Баксаң, сәламәтлеккә зыяннан битәр файдасы юк икән. Быел инде Татарстанда 30 дан артык, Казанда 16 кеше гөмбә белән агуланып, хастаханәдә дә ятарга өлгергән. Ә балаларга 14-15 яшькә кадәр бөтенләй бер төр гөмбә дә ашау ярамый икән.

Һава торышының бик кәҗәле елы әле быел. МЧСтан әледән әле я көчле җил, я давыл турында кисәтүләр килеп тора. Бүген кигән кием иртәгәгә туры килми: бер-ике көн җәйге күлмәк кисәк, аннан ун көнләп куртка-чалбардан “чыга” алмыйбыз. Җәйге җиңелчә киемгә бөтенләй “почет” юк. Аның каруы, Көнбатыш Европада челлә – температура 43 градуска кадәр күтәрелгән.

18 июль көнне Татарстанның Минзәлә районы Фионовка дача бистәсендә бик күңелсез хәл була. Казаннан кунакка кайткан дүрт яшьлек малайга эт һөҗүм итә. Баланың тәне шактый җәрәхәтләнә, иң авыры йөзенә туры килә, ярсыган эт баланың битен умырып тешләп ала. Хәзер бала Республика балалар клиник хастаханәсендә ята.

Сорауга аллергияне дәвалау өлкәсе белгечләре җавап бирә.

Сорауга Республика балалар клиник хастаханәсенең аллергология бүлеге табибы, КДМУның клиник иммунология кафедрасы профессоры Резеда Хәкимова җавап бирә. 

Нәкъ бер атна элек, 19 июль җомга көнне, Актаныш районында фаҗига була. Татар Суыксу авыл җирлегенә кергән Мари Суыксу авылында яшәүче Мандыкаевларның җиде яшьлек уллары ял итәргә киткән җиреннән әйләнеп кайтмый. Нәни Владислав элекке карьер җирендә күлдә батып үлә. Кичә без шалтыратканда, алар Владикның җидесен үткәрергә әзерләнә иде.

Юлдашларың белән ачуланышмаска, сабыр булырга, ярдәм итәргә – шушындыйрак киңәшләрне куен дәфтәрләренә теркәп, хаҗилар юлга кузгалды. Кичә Татарстаннан дүрт төркемгә бүленеп, барлыгы 196 кеше киткән. Алар Мәскәүдән Согуд Гарәбстанына оча. Бүген исә Казан аэропортыннан 49 кешелек төркем Хаҗ сәфәренә юл алды. Алар башта Мәскәүгә, аннары Дубайга оча. Дубайдан ике тәүлеккә якын Мәккәгә кадәр автобуста барачаклар. Аларны Татарстан мөфтиенең беренче урынбасары Рөстәм хәзрәт Вәлиуллин хәер-фатихасын биреп, киңәшләрен әйтеп озатып җибәрде. 

Сорауга Республика клиник хастаханәсенең клиник иммунология үзәге җитәкчесе Алексей Лунцов җавап бирә.