Камал театрының Татарстан урамындагы бинасында Таҗи Гыйззәт либреттосы һәм Җәүдәт Фәйзи музыкасына «Башмагым» музыкаль комедиясенең премьерасы булды. Бәлкем, театрның бу бинада соңгы премьерасыдыр – алай булса кызганыч, ә бәлки, алга таба яңа премьералар да булыр. Алдагысын бер Аллаһ белә, әмма ул безнең бу бина белән хушлашасы килмәвен күрәдер.

Татар эстрадасы сәхнәсендә иң тыныч, гаугасыз парларның берсе – Зинира һәм Ризат Рамазановлар, дисәм, берәү дә каршы килмәс. Алар берничә ел элек эстрадага килеп кереп, үз урыннарын яулап алдылар. Күптән түгел генә әле «Татарстанның атказанган артистлары» исеменә дә лаек булдылар.