Спас районының Кожаевка авылында бер йортта янгын чыккан. Йорт янып беткән, ә хуҗасы һәлак булган.
Бу йорт авылда яшәүче 70 яшьлек хатын-кыз исемендә булган. Спас районы Дәүләт янгын күзәтчелеге җитәкчесе Сергей Деманов хәбәр иткәнчә, Клубная урамындагы йортта янгын 10 мартта 10:16 сәгатьтә башланган. Йорт һәм йорттагы бөтен милек янып беткән. Анда яшәүче 70 яшьлек ир-ат һәлак булган.
Күршеләргә һәм башка корылмаларга зыян килмәгән. Фаразлар буенча, янгын тәмәке тартканда ут белән сак булмау нәтиҗәсендә чыккан. Йорт һәм милек иминиятләштерелгән булган, дип хәбәр итә районның «Новая жизнь» сайты.
