1 октябрь - урман хуҗалыгы өчен әһәмиятле даталарның берсе. “Урман амнистиясе” нигезендә, шушы датага урман фонды җирләрен үзләштерү, аларда коттеджлар, йортлар салуга кагылышлы бәхәсле мәсьәләләргә бәйле мәгълүмат Интернет челтәрендә урнаштырылырга тиеш. Белгечләр урманнарны саклау максаты белән кабул ителгән "Урман амнистиясе" урман фондын үзләштерергә китерергә мөмкин дип саный.

Бөтендөнья татар конгрессы Башкарма комитетының беренче рәисе булган күренекле татар галиме, тарих фәннәре докторы, профессор, сәясәтче, Татарстан Фәннәр академиясе академигы, җәмәгать эшлеклесе, Татарстанның һәм Россиянең атказанган фән эшлеклесе, Татарстан Республикасы Дәүләт премиясе лауреаты Индус Ризак улы Таһиров "Татар-информ" агентлыгына интервьюсында 1990 елларда Татарстан белән Россия арасында барган сөйләшүләр, татар теленең язмышы, ни өчен татар халкында бердәмлек булмавы хакында сөйләде.

Татарстан китап нәшрияты директоры Илдар Сәгъдәтшин "Татар-информ" агентлыгына биргән интервьюда нәшриятның сайты - tatkniga.ru порталыннан китапларны ничек укырга һәм сатып алырга мөмкин булуы, кайсы язучыларның китаплары укучылар арасында популяр булуы, китапның татар милләтен саклаудагы әһәмияте турында сөйләде.

 Илдар Гыйльметдинов, Дәүләт Думасының Милләтләр эше комитеты рәисе, Федераль татар милли-мәдәни автономиясе советы рәисе “Татар-информ” агентлыгына интервьюсында Татарстан мәктәпләрендә татар теле ничек итеп укытылырга тиешлеге хакындагы фикерләре белән уртаклашты.

Музыкант, автор-башкаручы Альберт Исмаил татар милли хәрәкәтенең актив вәкиле, күп телләр белүче зыялы шәхес. Иҗатында сәяси, социаль проблемалар күтәрә, татар музыкасының алдынгы стильләрен таныту юнәлешендә эшли. Күп очракта үз карашын протест аша белдерә. Мәсәлән, “Интертат” электрон газетасына биргән интервьюсында Альберт Исмаил татар моңлы итеп җырларга тиеш дигән фикер белән килешмәвен белдерде. «Сандугачны гомерендә дә ишетмәгән шәһәр баласы моңлы итеп җырлый алмый, шуңа өлкән буын җырчылары яшьләр заманча татарча җырлаганга шөкер кылырга тиеш», - ди ул.

Марат Кәбиров "Татар-информ" агентлыгына интервьюсында татар әдәбияты начар хәлдә дигән сүзләр белән килешмәвен белдерде. Язучы фикеренчә, бүтән өлкәләр белән чагыштырганда әдәбияттагы хәлләр аяныч дип әйтерлек түгел. Марат Кәбиров язучыларны ничек танытырга, телне ничек сакларга һәм ни өчен әсәрләр халыкка барып җитми икәнлеге турындагы фикерләре белән дә уртаклашты.

Татар әдәбиятында антиутопия жанрындагы әсәрләр бик аз. Аларның иң мәшһүре – Гаяз Исхакыйның “200 елдан соң инкыйраз” әсәре. Анда татарларның XXII гасырда юкка чыгулары сурәтләнә. Марат Кәбировның “Китап” романы антиутопия жанрындагы татар романы. “Интертат” укучыларын шушы китап белән таныштыра.

Бер-берсе белән "Юлдаш" сайты аша танышып, бүгенге көндә Ригада яшәүче Ләйсән Билалова һәм Ринат Ахунов: татар телен өйрәнү өчен, татарның бөек халык булуын күрергә һәм үзеңне дә шул бөек халыкның бер өлеше итеп тоярга кирәклеге турында сөйләде. Ринат Ахунов – Латвия татарларының “Идел” оешмасы рәисе.

Россия Фәннәр академиясе Көнчыгышны өйрәнү институтының фәнни хезмәткәре, сәясәт фәннәре кандидаты Илшат Сәетов татарларның масса буларак телне югалта баруын, халыкның кечкенә генә бер өлеше милли үзаңлы булуын белдерде. Бөтендөнья татар яшьләре форумы рәисе булып эшләгән, "Мин татарча сөйләшәм" акциясенең башлангычында торган Илшат Сәетов "Татар-информ" агентлыгына интервьюсында телне ничек итеп саклап булырга мөмкинлеге хакында сөйләде.

19 августта Черек күл паркында "Печән базары" фестивале узачак. Чараның ни сәбәпле яңа урында - Черек күлдә үткәрелүе, кунакларга нинди яңа үзенчәлекләр тәкъдим ителәчәге хакында проектны оештыручыларның берсе - Бөтендөнья татар яшьләре форумы рәисе Тәбрис Яруллин сөйләде.

Татарстанның халык шагыйре Роберт Миңнуллин “Татар-информ” агентлыгы хәбәрчесенә биргән интервьюсында хәзерге вакытта җырларга бары тик җырчылар гына хуҗа булуы турында белдерде.

Төркиядә 2016 елгы фетнәнең бер еллыгына багышланган чаралар узды. Вакыйгада катнашкан “Татар-информ” хәбәрчесе, фетнәнең ни өчен милли бәйрәм рәвешенә әйләнүен ачыкларга тырышты.

Язучы, шагыйрь һәм драматург, «Гаилә һәм мәктәп» журналының баш мөхәррире Ркаил Зәйдулла бүген татар әдәбиятын югарыга күтәрерлек юллар эзләргә кирәк

Intertat.ru электрон газетасында ВИЧ-инфекция йоктырган авыл кызы Гөлназ турында интервью чыккан иде. Татарстан Республикасы СПИД үзәге табиб-психотерапевты Роза Мөхәммәтова республикада бу авыруның ни дәрәҗәдә таралганын, вирусны кемнәр һәм ни рәвешчә йоктырганын, бу авыруның куркыныч эпидемия дип атарлык рәвешчә җәелгәнен сөйләде.

Гөлназ 13 ел буе ВИЧ диагнозы белән яши. 22 яшендә бу куркыныч авыруны йоктырган кыз фикеренчә, ВИЧны наркоманнар, фахишәләр авыруы дип санау дөрес түгел. Бу авыруны йоктыргач, үзе кебек ВИЧ-инфекциялеләргә ярдәм итү фондында эшли башлаган кыз әйтүенчә, куркыныч диагноз хәтта 60-70 яшьлек кешеләр, яулыклы мөселман хатын-кызларына да еш куела.

Радик Юльякшинның үзе белән сөйләшкәнче үк мин шушы фикердә идем. Сөйләшкәч, бу фикерем ныгыды гына.

Казан режиссеры, продюсер Тимур Садыйков “Время кино” Бөтенроссия фестивалендә “Казан феномены” – “группировкалар”, яшьләр бандалары турында киносценарий тәкъдим итте. Intertat электрон газетасына Тимур Садыйков ни өчен бу темага алынуын һәм Казан тарихындагы бу чорны истә тотарга кирәк икәнлеге хакындагы фикерләре белән уртаклашты.

Мансур Гыйләҗев бүгенге татар театрына күзәтү ясап, аның проблемалы яклары турында сөйләде. Драматург театрларның режиссер кулына калуын “куркыныч күренеш” дип бәяли.

Үз парын таба алмый йөрүчеләр ялгызлыктан котылу өчен нәрсә эшләргә тиеш? Бу эштә алар яучыларга таяна аламы? Яучылык белән шөгыльләнеп, кешеләрне бәхетле итүче Гөлназ Мөхәммәд “Яучыга килергә оялмагыз!” - ди.

Бу шигырьне Габдулла Тукай язган дигән фараз бар