Кичә “Казан-Арена”да дөнья футбол чемпионатының егерменче уены узды. Испания белән Иран командаларының стадиондагы бәрелеше европалыларның җиңүе белән тәмамланды. Испания, Европаның Азиягә караганда футболда көчле икәнен исбатлап, 1:0 исәбе белән Иранны отты.

1997 елда ачылган татарның беренче музыкаль радиосы «Курай»ның алып баручысы Алтынайны хәтерлисезме? Башкортстанның Кыргыз-Миякә районындагы башкорт авылында туган Айгөл 90 нчы еллар азагында, 2000 еллар башындататар мәгълүмат чараларындагы иң танылган журналистларның берсе булды. "Татар-информ"га интервьюсында ул 90 еллар азагы журналистикасы турында сөйләде.

Бер шәһәрдә ике Сабан туе уздырган татарлар дөрес эшлиме? Суүлчәр белән безнең халыкның нинди уртаклыгы бар? Әдәби телне нинди сүз ясалма итә? "Татар-информ" мәгълүмат агентлыгының баш редакторы Рәмис Латыйпов атналык күзәтү ясый.

КФУның журналистика һәм медиакоммуникацияләр югары мәктәбе составындагы дүрт кафедраны берләштереп ике зур кафедра төзиләр. Шул исәптән,»Татар журналистикасы кафедрасы» башка кафедралар белән берләшә һәм бу атама кулланылмый башлаячак. “Татар-информ” агентлыгы татар журналистикасы кафедрасының юкка чыгуының нәтиҗәләрен тикшерде.

"Татар-информ" агентлыгына интервьюда Татарстан Республикасының Санкт-Петербург шәһәрендә һәм Ленинград өлкәсендәге вәкиле Ренат Вәлиуллин төньяк башкаладагы татарлар тормышы, татар теле, мәдәнияте, милләт турында фикерләре уртаклашты.

Татар теле укытучыларының Дәүләт Советы рәисенә хатын укыгач та язасы килгән иде бу хакта. Вакыты ул түгел дип туктап калдым. Әмма татар телен яклар өчен оештырылган төркемнәрнең берсендә татар теле укытучылары рецептлар урнаштыра башлагач, түзеп кала алмадым. Урыс әйтмешли, держите меня четверо!

Татарстан Язучылар берлеге рәисе Данил Салихов "Татар-информ"га интервьюда берлек, татар әдәбияты, язучыларның татар теленә кагылышлы вәзгыятькә мөнәсәбәте, Зифа Кадыйрованы берлеккә алу, Тукай премиясен бирү һәм башкалар турындагы фикерләрен уртаклашты.

25 апрельдә узган Дәүләт Советы сессиясендә Бөтендөнья татар конгрессы башкарма комитеты рәисе Ринат Закиров Дәүләт Думасы депутатларының туган телне ата-аналар теләге белән генә укыту турындагы закон проектына каршы кискен чыгыш ясады. "Татар-информ" агентлыгына интервьюсында ул туган телне укытуга кагылышлы вәзгыятьтә артка чигенү һәм йомшаклык күрсәтү нәрсәгә китергәнен әйтте.

Татарстан Республикасының Премьер-министры урынбасары - Авыл хуҗалыгы һәм азык-төлек министры Марат Әхмәтов "Татар-информ" агентлыгына биргән интервьюсында язгы кыр эшләренә әзерлек, сөт бәясе, татар көрәше һәм татар теле турында сөйләде.

Татарстанның халык язучысы, Г.Тукай исемендәге Татарстан дәүләт премиясе лауреаты Марсель Галиев "Татар-информ" агентлыгына интервьюсында бүгенге әдәбият, язучыларга дәүләт ярдәме, татар теле, Тукай премиясе, заманча җырлар һәм ни өчен социаль челтәрләрдә булмавы турында сөйләде.

Дәүләт Думасы депутаты, күпсанлы китаплар авторы Фатих Сибагатуллин татар мәктәбен ачарга кирәк түгел дип саный. «Татар-информ» агентлыгына интервьюсында ул татар әдәбияты, матбугаты, эстрадасы турындагы фикерләре белән уртаклашты, нинди көрәш төрен үстерергә кирәклеге турында әйтте.

Продюсер, музыкант, композитор, җырчы Бари Алибасов Россиядәге демократия, сайлаулар, милли музыка турындагы фикерләре белән уртаклашты. "На-На" төркемен оештырган музыкант "Татар-информ" агентлыгына интервьюсында татар җырын ни рәвешле дөньяга чыгарып булачагы, Грудинин исеме язылган бюллетеньне нинди максатта кулланачагы һәм порнода төшәргә нияте барлыгы турында да сөйләде.

Февраль аенда Фәннәр академиясенең Ш.Мәрҗани исемендәге Тарих институтының бухгалтериясен берьюлы өч ведомство тикшерде. Бу хәлне җәмәгатьчелек татар тарихын өйрәнгән ведомствога сәяси һөҗүм итеп кабул итте. Институтның директоры, тарих фәннәре докторы Рафаил Хәкимов "Татар-информ"га тикшеренүләрнең сәбәбе татар менталитетына хас гадәт - көнчелек һәм аяк чалу икәнен сөйләде.

Санкт-Петербургта татарлар шәһәргә нигез салынган вакыттан - XVIII гасыр башыннан бирле яши, шәһәрдә 31 меңләп татар бар. "Татар-информ" Санкт-Петербургтагы билгеле шәхесләрнең - җырчы, рәссам, эшмәкәр, җәмәгать эшлеклеләренең Татарстан, татарлар турындагы фикерләре белән кызыксынды.

Февраль аенда Төркиянең Казандагы Генераль консулы итеп Әхмәт Садык Доган билгеләнде. Ул Татарстанда беренче интервьюсын “Татар-информ” мәгълүмат агентлыгына бирде. Әхмәт бәй Татарстан белән Төркия арасындагы икътисади, мәдәни элемтәләр, татар телен һәм музыкасын ничек кабул итүе турында сөйләде.

Филология фәннәре кандидаты, КФУ доценты Миләүшә Хәбетдинова "Татар-информ"га интервьюсында Аяз Гыйләҗев иҗаты мисалында татар әдәбиятын дөньяга ничек танытырга икәне турында сөйләде. Ул шулай ук бүгенге язучыларның әсәрләренә рецензия ясап, аларга бәя бирде.

“Русский Стандарт” холдингы хуҗасы, тумышы белән Минзәлә шәһәреннән булган Рөстәм Тарико “Татар-информ” мәгълүмат агентлыгына интервьюсында Буа спирт заводы буенча планнары, Татарстандагы бизнесы һәм татар милләтенә хас үзенчәлекләр турында сөйләде.

"Гел бер хата кабатлана, ә без һаман "Алга!" дибез; Җир шары түгәрәк булгач, барыбер шул урынга кире әйләнеп кайтабыз..." Татарстан Фермерлары һәм крестьян хуҗалыклары ассоциациясе җитәкчесе Камияр Байтемеров республикада фермерларның уңышлары һәм уңышсызлыклары, аларның нинди каршылыклар белән очрашуы һәм дәүләттән нинди ярдәм алулары хакында "Татар-информ" мәгълүмат агентлыгына биргән әңгәмәсендә сөйләде.

Татарстанның һәм Башкортстанның халык артисты Айдар Галимов “Татар-информ” агентлыгына интервьюсында бүгенге татар эстрадасына бәя бирде. Җырчы шулай ук ни өчен соңгы елларда хит булырлык җырлары юклыгы, кызларының ни өчен татар әдәби телендә сөйләшә алмавы, Элвин Грейга нинди мөнәсәбәттә булуы, Хәния Фәрхинең вафатын әле дә кабул итә алмавы турында сөйләде.

Мәскәү татарлары "Штабы" координаторы Рөстәм Ямалеев, Татарстан Президенты белән очрашкач, башкаладагы татарларның туган телгә мөнәсәбәтләре үзгәрүе турында сөйләде. "Татар-информ"га интервьюсында ул шулай ук Татарстанда һәм Мәскәүдә татар теленең язмышы, милли хәрәкәт турындагы фикерләре белән уртаклашты.

«Казан утлары» журналына яңа баш мөхәррир билгеләнде. 31 яшьлек Рөстәм Галиуллин - басманың 95 еллык тарихындагы иң яшь баш мөхәррир. «Татар-информ» агентлыгына интервьюсында баш мөхәррир журналның татар дөньясында тоткан урыны, кайсы яхшырак - басма журналмы, Интернет сәхифәме, әдәбиятка ничек яшьләрне китерергә һәм татар язучыларының ни өчен пессимистик рухта иҗат итүе турында сөйләде.

Википедиянең татар телле бүлеге китапханәчесе Фәрһад Фаткуллин "Татар-информ" агентлыгына интервьюсында халыкара энциклопедиянең әһәмияте турындагы фикерләре белән уртаклашты. Википедия волонтеры, социаль челтәрләргә язмалар урнаштырасы вакытыңны Википедиягә материаллар язуга сарыф итеп, татар телен үстерүгә өлешеңне кертергә була дип саный.

Безнең данлыклы һәм мәшһүр ансамблебезне нинди сүз белән бәяләргә икән дигән фикер башта күптән йөри иде. Ниһаять, таптым. Татар Дәүләт Җыр һәм бию ансамбленең юбилей концертын карарга дип театр бинасына кереп залга күз салуга, башыма шушы сүзтезмә килде. “Танылмаган танылганнар”.

Танылган конферансье, юмор һәм сатира остасы Алмаз Хәмзин "Татар-информ" мәгълүмат агентлыгына биргән интервьюсында татар халкындагы куркаклыкны бары тик юмор һәм сатира аша бетереп була, диде.

Татар матбугатында ни өчен укырлык әйбер юк? «Татар-информ» агентлыгы журналисты Рәмис Латыйпов әлеге сорауга карата фикерләре белән уртаклаша.

Әнкарада "Төркия авазы" радиосы ачылганнан бирле, ягъни 1998 елдан, аның татар бүлеген Сәгыйть Хәйри җитәкли. "Татар-информ" агентлыгына биргән интервьюсында ул бүгенге көн Төркия татарларының яшәеше, Төркия-Татарстан мәдәни багланышлары турында фикерләре белән уртаклашты.

Халыклар дуслыгы йорты директоры, Татарстанның атказанган мәдәният хезмәткәре, Татарстан Дәүләт Советы депутаты Ирек Шәрипов "Татар-информ" агентлыгына интервьюсында татар теле мәсьәләсе буенча Халыклар дуслыгы йортында бер төркем белгечләрнең республика күләмендә җыелыш уздыруы, милли телләрне өйрәнү рус теленә зыян китерә алмавы турында һәм татар теле укытучыларының бүгенге халәте турында фикерләре белән уртаклашты.

Татарстан Дәүләт Советының экология, табигатьтән файдалану, агросәнәгать һәм азык-төлек сәясәте комитеты рәисе Таһир Һадиев "Татар-информ" агентлыгына интервьюсында Президент Рөстәм Миңнеханов юлламасында искәртелеп үтелгән авыл хуҗалыгы һәм эшкәртү сәнагәтенең бүгенге торышына үзенең фикерләрен белдерде. Авыл кешесенә авылда калу өчен нинди шартлар һәм мөмкинлекләр кирәклеген дә әйтеп үтте. Шулай ук бүгенге көн татар театры, әдәбияты, теленә кагылышлы актуаль мәсьәләләргә кагылышлы фикерләре белән дә уртаклашты.

Татар телен укыту методикасы чыннан да катлаулымы? Аннан баш тарткан ата-аналарны нәрсә көтә? Аларның балалары татар теле дәресе урынына нәрсә укырга мөмкин? Әлеге сорауларга җавапларны өч бала анасы, филология фәннәре кандидаты Айсылу Галиева белән эзләдек.