Мөселманнарга дини һәм дөньяви белем бирү мәсьәләләре кайвакыт терроризм һәм экстремизм идеяләренә каршы көрәш буларак карала. Моны көч структуралары вәкилләренең ялкынлы чыгышлары да раслый. Бигрәк тә Татарстан Эчке эшләр министры Артем Хохоринның мөселманнарның өйдә укыту формасын сайлау белән бәйле рәвештә “икенче буын сәләфитлар” оешу куркынычы турындагы чыгышы моны дәлилли.

Компаниянең хәзерге өстенлекләре, Татарстан җитәкчелеге белән хезмәттәшлек планнары, кадрлар политикасы һәм оешманың хәзерге казанышларында профессионалларның роле турында журналистлар белән аралашкан вакытта ООО “Газпром трансгаз Казан” генераль директоры Рөстәм Усманов сөйләде.

Күптән түгел генә Казанда танылган галим Юлай Шамилуглы булып китте. Без аның белән очрашып, тарихчының тормышы, фәнни тикшеренүләре, татар язмышы турында фикерләштек. Юлай әфәнде безгә үзенең яңа гына басылып чыккан китабы турында да сөйләде. Ул Алтын Урда тарихының аз билгеле битләренә багышланган.

Кредит алу ул элек кенә бик сәер күренеш иде. Бу хакта кешеләр пышылдашып кына сөйләшә иде, әйтерсең урланган акча турында сүз бара. Хәзер кредитка фатир, машина гына түгел, арттырып әйткәндә, хәтта пирожки алучылар да бар. Интертат кредит чоңгылына эләккән гаиләләрнең берсе белән сөйләште һәм икътисад белгеченең киңәшләрен тыңлады.

Уңган, булган татар ханымнары кайда да яши. Бүген без сезне Омскида яшәүче милләттәшебез белән таныштырып китәбез. Диана Единякова Омски өлкәсенең Үләнкүл авылында туып үсә. Ул Казанның гуманитар институтын тәмамлый. Диана Омскида яши, “Татар дөньясы” гәзитендә эшли.

Атна вакыйгалары (+ТВ-программа) №27/2019

“Үлем ширбәте ачы булса да, һәркем эчәр”. Бу сүзләр ачы хакыйкатькә ия. Үлем, без туганнан ук, артыбыздан йөгерә башлый. Җырчы Иркә әтисе Миндәр абыйның вафаты турында хәбәр итте. 9 июль көнне аны җирләделәр. Без җырчы гаиләсенең кайгысын уртаклашабыз. 

Россиядә күп балалы гаиләләргә ярдәм итүнең яңа чарасы кабул ителде. Башта вакыты чикләнмәгән 6 процентлы ипотека ставкасы билгеләделәр. Ә хәзер ипотеканы түләү өчен ана капиталы белән чагыштырырдай сумма бирәләр. Әлеге өстәмә 450 меңгә кемнәр өметләнә ала һәм аны алу өчен нәрсә эшләргә кирәк? Бу хакта тулырак “Татар-информ” репортажында.

Татарстанда 3 мең бал корты оясы үлүе теркәлгән. Интернет челтәрләрендә җирдә өемнәре белән ятучы бал кортларының фотолары һәм видеолары артканнан арта бара. Күпчелек умартачылар фикеренчә, проблема агулы химикатларны көндезен кояшлы яки көчле җил вакытында, умартачыларга хәбәр итмичә генә кертү белән бәйле. “Татар-информ” хәбәрчесе белгечләр һәм зыян күрүчеләр белән бу проблемага ачыклык кертте.

Дөрес туклану турындагы бәхәсләр тынып тормый. Сәламәт яшәү рәвеше тарафдарлары хәтта үзара да уртак фикергә килә алмый: көненә күпме су эчәргә, кайсы диетаны тотарга һәм калорияләрне дөрес итеп ничек санарга. “Татар-информ” агентлыгы диетолог һәм спорт табибының фикерен белеште.

Чувашлар – Татарстан Республикасында сан буенча өченче милләт. Чуваш телендәге беренче газета Казанда чыккан, беренче чуваш спектакле дә Казанда куелган. Республикабызның күп кенә районнарда чувашлар яши. Татарстан башкаласында инде 25 ел дәвамында “Сувар” чуваш газетасы басылып килә. Басма  турында аның баш мөхәррире Константин Малышев белән сөйләштек.

Хәвеф-хәтәр килгәндә югалып, каушап калмау өстен сыйфатларның берседер, мөгаен. Кукмара районы Тырыш авылында яшәүче Рамил Хисамов һәм Гөлфинур Мифтахова әнә шул күркәм сыйфатка ия кешеләр булуларын күрсәтте. Аларның тиз реакциясе нәтиҗәсендә өч кеше исән кала. 

Лаеш районы Кече Елга авылында 5 июль көнне зур янгын чыга. Бертуган Әсәтулла белән Хәйдәр Вәлиуллиннарның йорт-җирләре янып, көлгә әйләнә. "Татар-информ" хәбәрчесенә янгынның ничек килеп чыгуы турында Әсәтулла мөәзиннең улы Алмаз сөйләде һәм ярдәм итүчеләргә рәхмәтләрен җиткерде. 

Меңләгән башкала халкын һәм кунакларын бер мәйданга җыеп, Мәскәү Сабан туе узды. Иртәдән башланган бәйрәм чаралары төнгә кадәр дәвам итте. “Коломенское” музей-тыюлыгында балалар, яшьләр, эшмәкәрләр өчен, тагын мәдәни, тарихи, спорт, тамак ялгау, сату-алу зоналары оештырылган иде. Һәрберсендә халык кайнашты, үз күңеленә хуш килгән шөгыль табып, рәхәтләнеп күңел ачты, бәйрәм итте.

“Вконтакте”, “Инстаграм” челтәрендә еш кына тал чыбыгыдай ябык кызларны очратам. Кызыксынып, анорексия дип аталган төркемнәрне карап чыгарга булдым. Мае түгел, ите дә калмаган кызларның фотолары астына язылган комментарийлардан чәчләрем үрә катты. “Таза. Кара үзеңә! Ябык әзрәк!” дигән язмаларны күргәч, ул комментарий авторларына “Үз акылыгыздамы сез?” дип, бик нык кычкырасым килде. 

Казанның Совет районы судында Росгвардиянең ОМОН хезмәткәре Марат Сәхаповка карата ачылган эшне тикшерә башладылар. Тикшерү фаразы буенча, 1 сентябрьгә каршы төндә ул, көнләшеп, 21 яшьлек сөйгән кызын алтынчы кат тәрәзәсеннән этеп төшергән. Ир моны бәхетсезлек очрагы дип ышандыра. Фаҗига версияләре турында - “Татар-информ” репортажында.

Америка математика җәмгыятенең беренче дәрәҗәдәге премиясен беренче мәртәбә Россиянең яшь галиме алды. Ул - Петербургта яшәүче 17 яшьлек Руслан Мәһдиев. “Бүләкләү вакытында минем исемемне әйткәч, мин нишләргә белмәдем, бик нык сөендем. Әйтерсең лә мин Евровидениедә җиңү яуладым”, - ди Руслан.

Нефть - дөнья икътисадында мөһим роль уйнаган, кайчандыр ярлы булган илләрне цивилизациягә китергән, акча кыйммәтенә турыдан-туры тәэсир иткән җир асты казылмасы. Россиядә нефть ХХнче гасыр башында зур күләмдә Баку районында гына чыгарылган. Хәзер ул Россиянең дә, Татарстанның да икътисадында иң әһәмиятле роль уйный. 

“Сагындым мин сезне, кызлар” видеосы таралганнан соң популярлашкан блогер Рәфис Атаказов белән без татар блогерлары, халкыбызның киләчәге, бүгенге журналистика турында сөйләштек.

Казанда тагын бер җәяүле кызны бәрдерделәр. 1 майда Җиңү проспекты һәм Мәүлетов урамнары чатындагы авариядә 18 яшьлек кыз һәлак булды. Кызны бәрдереп авария урыннан качып киткән шофер бернәрсә дә хәтерләмәвен әйтә. Аны Казанның Идел буе районының җәмәгать суды участогына алып килделәр. Әмма судья административ эшне туктатты. Суд залыннан “Татар-информ” репортажы.

Атна вакыйгалары (+ТВ-программа) №26/2019

Хөкүмәт тарафыннан Казан читендәге Каймар авылы янында күп балалы 1830 гаиләгә 300 га җир бүленеп биргән иде. "Цивилизациядән читтә" булган басуга кешеләр күчәргә теләмәде. Әмма ялан кырда йорт төзегән берән-сәрән гаиләләр дә бар. Кемнәр соң алар? "Татар-информ" Казан читендәге күп балалы гаиләләрнең тормышлары белән кызыксынды. 

Җәйнең иң рәхәт һәм җиләкле чоры килеп җитте. Кая карама җиләк саталар, алалар, җыялар. Тик җиләк җыю сезоны артыннан елан чагу сезоны да ияреп йөри. Безнең территориядә нинди еланнар бар? Алар куркынычмы? Елан чагудан ничек сакланырга? Чаккан очракта нәрсә эшләргә һәм нәрсә эшләмәскә? Мондый очраклар инде күпме булган? Гомумән, еланнар турында нәрсәне һичшиксез белергә кирәк? “Татар-информ” хәбәрчесе шушы өлкә белгечләре белән әлеге сорауларга җавап эзләде.

29 июнь көнне Арча тимер юлы станциясендә “Тукай юлы” дип аталган яңа җәяүле туристик маршрут ачылды. Проектның логотибында Габдулла Тукайның “Кәҗә белән сарык” әкиятенең төп геройлары. Символик мәгънә - җәяүлеләр Тукай геройларына ияреп юлга чыга... Кәҗә белән сарык артыннан барган туристлар белән "Татар-информ" хәбәрчесе дә атлады. 

“Минем фацелия чәчәге басуында фотога төшәсе килә!” Бу сүзләрне хәзер еш ишетергә була. Лаеш районының Сокура авылы янында урнашкан фацелия чәчәге басуында ял көннәрендә генә түгел, эш көнендә дә халык тулган була. Монда фотога төшү өчен махсус киләләр. Биш-алты кием алыштырып, серияле фотосессияләр ясаган кешеләрне дә күрдем бер көнне. 

Бердәм дәүләт имтиханын тапшырасым бар дип мәктәп укучыларының күбесе көне-төне укый, борчыла. Әлеге имтиханның нәтиҗәләреннән кая укырга керүең тора бит. Аз балл җыйган очракта югары уку йортына керә алмый калуың да мөмкин бит. Һәр гаиләнең, уртача алганда, елына 80-100 мең сум түләп, баланы укытырлык мөмкинлекләре юк. Ә менә Шиһабетдин Мәрҗәни исемендәге 2 нче татар гимназиясе укучысы Рамил Баһавиевка уку йортына ничек керермен дип баш ватасы юк. Ул дүрт фәннән имтихан тапшырып, 399 балл җыйган. “Татар-информ” хәбәрчесе Рамил белән әңгәмә корды.

Бүген ТНВ “Рәхәт яшибез!” дип аталган беренче татарча ситкомны төшерә башлады. "Сериал төшерү тәҗрибәсе бар, инде ситкомы ничек булыр икән?" - дигән сорауга бер артист “татарча “Санта-Барбара” була инде диде. Ситком төшерүнең үзенчәлекләре белән “Татар-информ” хәбәрчесе дә танышып кайтты.

Бөтендөнья татар яшьләре форумы яшьләренең форум өстеннән Попечительләр шурасы төзү турындагы тәкъдиме җәмәгатьчелектә төрле фикерләр тудырды. Форумдагылар фикеренчә, советта яше "яшьләр" дип атаудан чыгып барган кешеләр керергә тиеш иде. Бөтендөнья татар яшьләре форумы рәисе урынбасары Айрат Фәйзрахманов "Татар-информ" журналистына Татфорум белән бәйле бүгенге вазгыятьне аңлата.

Ачыктан-ачык үзләре турында сөйләмәсәләр дә, Татарстанда күп хатынлы гаиләләр арта бара. Исемен әйтергә теләмәгән бер ханым "Интертат"ка үзенең икенче хатын статусындагы тормышы хакында сөйләде. Аның ике баласы бар, беренчесенә ун, икенчесенә бер яшь.

Җир кешесе, авыл тормышын 100 процент оста чагылдыра белүче шәхес, киңкырлы талант иясе... Аманулла псевдонимы белән иҗат иткән драматург Әмир Камалиев турында якыннары, иҗатташ дуслары, курсташлары шулай ди. Бүген Г.Кариев исемендәге Яшь тамашачы театрында аның белән бәхилләштеләр.