Туфан Миңнуллинның “Мулла” пьесасы буенча тулы метражлы нәфис фильм Татарстанның Әтнә районы Күәм авылында 5 августта төшерелә башлады һәм беренче кадрларны “бисмилла” әйтеп, Россия күләмендә танылган киноактер Марат Башаров башлап җибәрде.

Татар язучылары арасында 37 ел рәттән үткәрелүче “Фәйзуллин йөзүләре” быел Бөтендөнья татар конгрессының VI съездына багышланды. “Татар язучыларының шушында берләшүе иртәгә бөтендөнья татарларының берләшеп фикер алышуы булып дәвам итәчәк. Бу мәҗлесне шушы берләшүнең бер өлгесе дип саныйм, - диде Равил Фәйзуллин. - Без болай җыела алабыз икән – димәк, әле без яшибез”.

Озак еллар «Ялкын» үсмерләр журналын җитәкләгән, хәзерге вакытта «Сөембикә» журналының әдәби бүлек мөхәррире булган Эльмира Закирова повесть һәм хикәяләрдән торган «Иясез шатлык» исемле китап чыгарды. Бөтен гомерен журналистикага багышлаган, «Алтын каләм» республика фестиваленең жюри әгъзасы буларак, бүгенге күп яшь талантлы журналистларның «рухи анасы» булган ханым әдәби әсәрләр тупланган китап чыгаруы белән дә журналистикага бәйле булып чыкты. Яңа китап турында башланган әңгәмә татар журналистикасының бүгенге торышы һәм киләчәге турында сөйләшүгә эверелде.

Татар мәгърифәтчесе Шиһабетдин Мәрҗани үзенең фәнни хезмәтләрен, дөнья күләмендә танылу өчен, гарәп телендә язган. Аның нибары ике хезмәте татар телендә язылган. Шул ук вакытта татар халкына алгарыш өчен рус теле кирәклеген дә таныган галим. Казан дәүләт университетының Ислам мәгарифен һәм исламиятне үстерү ресурс үзәгендә Шиһабетдин Мәрҗани мирасына багышланган лекциясендә философия фәннәре докторы, профессор Айдар Юзеев Мәрҗаниның фәлсәфи-дини карашлары иң югары дәрәҗәдә булуын, аның мәгърифәтчелек идеяләре, татар этнонимына карашы, миссионер Ильменский белән фикер каршылыгы һәм ни өчен мөфти була алмавы турында сөйләде.

Көзгә Татарстанда “Байгал” исемле яңа тулы метражлы татар нәфис фильмы чыгачак.

Татарстанның атказанган артисты Айрат Арслановка 50 яшь тулды. Айрат Арсланов белән әңгәмә адашлык темасыннан башланды - Татарстанның атказанган артисты, Г.Камал театры артисты Айрат Арсланов - Татарстанның һәм Россиянең халык артисты, күренекле нәфис сүз остасы Айрат Арслановның (1928-2010) адашы. Әңгәмә морзалык темасы белән дәвам итте, журналистлар “бакчасына” таш атып тәмамланды.

Балаларыгызга Казан күрсәтәсегез киләме? Безнең киңәшләрне укыгыз.

Татарның профессиональ театр дөньясы зур түгел. Казанда – өч, Татарстан районнарында – алты, Башкортстанда – ике, Оренбургта бер дәүләт театры. Шушы унике театр форматына сыя алмаганнарга башка халык театрларының ишеге ачык. Рус театрына хезмәт иткән татар артистлары аз түгел. Иң элек Искәндәр Сакаев, Туфан Имаметдинов, Рифкать Исрафилов, Рамил Төхфәтуллиннар күз алдына килә.

Сүз дәвере бетте. Сүзсез дәвердә Тукаебызны югалтмас өчен, без аны моңга һәм пластикага трансформацияли башладык.

“Агач күрке – яфрак, адәм күрке – чүпрәк”, ди халык. Шул чүпрәк адәмнең күрке генә түгел, бар булмышының күрсәткеченә дә әверелеп бара түгелме? Кием аша дөньяга карашыбызны чагылдырабыз. Хиҗап темасына бәхәсләр әледән-әле күтәрелеп торган заманда Татарстанда Мәрҗани исемендәге Тарих институтының өлкән фәнни хезмәткәре, Казан дәүләт мәдәният һәм сәнгать институты профессоры, сәнгать фәннәре докторы Гүзәл Вәлиева-Сөләйманова “Татарларның милли костюмы: төрки һәм мөселман традицияләренең үзара бәйләнеше” дип аталган лекциясе бик актуаль иде, әлбәттә.

Нинди дә булса татар проекты эшләргә кирәк булганда, аның логотибында, брендында миллилек ярылып ятарга тиеш, дигән бурыч куела. Татарлыкны ничек күрсәтергә? Нәрсә ул миллилек? Түбәтәй белән камзулмы? Яшел төсме? Тагын нәрсә?

3 апрельдә Казанда, Г.Камал театрында Татарстанның халык шагыйре Разил Вәлиевнең 70 яшьлегенә багышланган кичә булды. Бәйрәм котлауларга корылган юбилей кичәсе итеп түгел, җырчы-шагыйрьнең иҗат кичәсе буларак әзерләнгән иде. Тамашачыга 4 сәгать буена затлы шигырьләр һәм җыр тыңлап ләззәтләнергә мөмкинлек туды.

Татарстан студентлары арасындагы иң милли бәйгеләрнең берсе булган, соңгы елларда вузара статусын алган “Яз гүзәле” матурлык һәм талант конкурсына кичә Казан дәүләт энергетика университетының Актлар залында йомгак ясалды. “Яз гүзәле” бәйгесе финалын һәм сәхнәгә чыккан ун татар кызының җиңүгә омтылышын без дә күзәттек. Фото, видеорепортаж тәкъдим итәбез.

1958 елдан башлап җәмгысы 63 язучыга Габдулла Тукай исемендәге дәүләт премиясе тапшырылган. Бу җитмештән артык әсәр дигән сүз. Моңа карап фикер йөрткәндә, соңгы алтмыш ел дәвамында шушы кадәр әсәр татар әдәбиятының “алтын фондына” кергән дип уйлый алабызмы? Моңа җирлек бармы? Әдәбият галиме, тәнкыйтьче һәм педагог Әлфәт Закирҗанов белән әңгәмәбез шул хакта.

Төнге клубта альтернативщиклар чыгышы – минем формат түгел. Чөнки мин шактый консерватив кеше. Әмма Yummy Music лейблының биш еллык туган көн концертына, барыбер, бардым. Беренчедән, миңа музыканың бөтен төре кызык – чөнки мәдәният темасына язам; икенчедән, миңа яшьләргә кагылышлы бөтен әйбер кызык – чөнки мин үсмер кыз әнисе; өченчедән, анонсланган программада мин яраткан Мубай белән Илгиз Шәйхразиев бар иде. Дөрес, Мубай килмәде, ә Шәйхразиев мин көткәнчә җырламады.

“Yummy muziс” ирекле музыка лейблы үзенең биш еллык туган көнен Казанда бәйрәм итте.

Буа татар дәүләт театрының сәнгать җитәкчесе һәм артисты Раил Садриев белән театр, фестиваль, Буа, тамашачы һәм мишәрлек факторы турында фәлсәфи-шигъри әңгәмә.

Балык Бистәсе – урысча әйткәндә Рыбная Слобода оригиналь исем белән аерылып тормый. Интернетта актарынсаң, Кострома өлкәсенең Галич шәһәрендә дә Балык Бистәсе бар, Рыбинск шәһәре дә 1777 елга кадәр шулай аталган, Санкт-Петербургның Рыбацкое районының да тарихи исеме - Балык Бистәсе.

Ришат Төхфәтуллин - татар эстрадасының иң популяр җырчыларының берсе. Аның җырларын радионың сәнгать советы кабул итмәгән! Бетховенның бернинди сәләте юк дип уйлаганнар, Эйнштейнны акылга зәгыйфь дип санаганнар, Эдисонны надан дип мәктәптән куганнар дигән хәбәрләр белән янәшә куярлык яңалык түгелме соң бу? Ришат Төхфәтуллин бүгенге эстрада һәм сәнгать советлары турында уй-фикерләре белән бүлеште.

Теләк булса, һәр төбәкне кәттә туристик үзәк итергә буламы? Буадан башлыйбыз....