Бөек Илһам Шакировка 82 яшь. Ул Казан шәһәре үзәгендә - Апанай мәчете янындагы йортта яшәп ята һәм аны бары тик кайгыртучанлык яшәтә.

Татарстанның һәм Башкортстанның атказанган артисты, Уфа дәүләт опера театры солисты, “Алтын битлек” театр премиясе лауераты Илһам Вәлиев Казанда классик концерт куйды.

Татарстанның атказанган артисты Таһир Якупов яшәгән йорт диварына мемориаль такта урнаштырылды һәм әлеге истәлек тактасы тантаналы төстә ачылды. Исән булса, быел Таһир Якуповка нибары 71 яшь булган булыр иде. Безнең хәбәрчебез Таһир Якуповның истәлеген мәңгеләштерү белән бәйле кайбер мизгелләрне искә төшерә.

Татарстан Язучылар берлегендә узган бүгенге татар прозасы турындагы сөйләшүнең саллы гына бер өлеше язучы Зифа Кадыйрованың иҗатын анализлауга кайтып калды.

Камал театры яңа сезондагы икенче премьерасын чыгарды. Нәкый Исәнбәт пьесасы буенча куелган “Миркәй белән Айсылу” спектакле, театрның һәр премьерасы кебек, зур аншлаг белән узды. “Миркәй белән Айсылу” әсәренең Илгиз Зәйниев укылышындагы заманча версиясе тамашачыга нәрсәләр ача - безнең журналистыбыз карашы.

Саҗидә Сөләйманова исемендәге премия – Татарстанда татар шагыйрәсе исемен йөрткән бердәнбер әдәби премия һәм иң абруйлы әдәби премияләрнең берсе. Әлеге премиянең стипендиясе дә булуы һәм лауреатлар белән стипендиатларның тантаналы шартларда игълан ителүе аның дәрәҗәсен тагын да күтәрә. “Язын бездә Тукай шигърияте көне, көзен – Саҗидә Сөләйманова”, - диләр әлмәтлеләр горурланып.

Татарстанның атказанган артисты, Кариев театры актеры Илфат Камалиев “Егет сүзе бер булыр!” исемле беренче татар балалар фильмы төшергән. Әлеге фильм нигезендә, кызыксынучы продюсерлар булса, фэнтези сериал ясап була алыр иде.

Габдулла Тукай исемендәге Әтнә татар дәүләт драма театры үзенең кырык ел элек популяр булган әсәрен торгызды - театр 100нче юбилей сезонын Сәет Шәкүровның “Туган-туфрак” пьесасы буенча куелган спектакль белән ачты.

Татарстанда "Кече шәһәр театрлары” федераль проектында катнашучы театрларда “премьералар сезоны” башланды. Өч ай эчендә Татарстанның биш дәүләт һәм ике муниципаль театры егерме спектакльне чыгарып бетерергә тиеш.

Күренекле вокал педагогы, профессор, Татарстанның атказанган сәнгать эшлеклесе Валентина Лазькога тагын дүрт айдан – 2018 елның 23 февралендә 100 яшь туласы иде. Бүген укучылары аны соңгы юлга озатты. Бер гасырга якын гомер яшәгән педагогны озатырга нибарысы унбиш-егерме кеше – нигездә аның укучылары булган, аны белгән өлкән буын килгән иде.

Дөньякүләм танылган театр һәм кино режиссеры, “Алтын битлек” милли театр премиясе лауреаты Сергей Потапов бер ай дәвамында Минзәлә шәһәрендә яшәп, театр коллективы белән азәрбәйҗан классигы Хөсәен Җәвиднең “Иблис” драмасын чыгарды. Шушы көннәрдә Сабир Өметбаев исемендәге Минзәлә татар дәүләт драма театры спектакльне премьера алдыннан күрсәтте.

Балаң акыллы, тәрбияле булып үссен дисәң, аны карында йөрткәндә Моцартны, Чайковскийны һәм... татар белән япон милли көйләрен тыңларга кирәк. Профессор, Казан дәүләт медицина университетының 1нче Акушерлык һәм гинекология кафедрасы мөдире Албир Хәсәнов татар көйләрен теләсә кайсы милләт анасына тыңларга киңәш итә.

Башкортстанның тугыз татар шагыйрәсе өч сәгатькә якын “Казан” милли-мәдәни үзәгендә сәхнә тотты. Әлеге тугыз ханым арасында укытучылар да, журналистлар да, табиблар да, психологлар да, эшкуарлар да бар иде. “Интертат” үз укучыларын әлеге көчле рухлы шигъри җанлы хатын-кызлар белән таныштыра. "Ялгыз башым ятам - ирем китте эшкә Себергә"

СССРның халык артисты, Совет, Россия һәм Әзәрбәйҗан опера һәм эстрада җырчысы Мөслим Магомаев тууына 75 ел тулу уңаеннан Казанда аны искә алу концерты оештырылды. Концертка данлыклы җырчының тормыш иптәше, опера җырчысы Тамара Синявская да килгән иде. Тамара Ильинична концерт алдыннан матбугат чаралары вәкилләре белән очрашып, Мөслим Магомаев турындагы хәтирәләрен яңартты.

30 сентябрьдә Казанның Спорт сараенда дүрт сәгать дәвамында Татарстанның халык артисты Зәйнәб Фәрхетдинованың юбилей концерты барды. "Татар-информ" хәбәрчеләре сәхнә алдында да артында да эшләделәр.

Мәскәүнең Малый театр актрисасы, кинематографиядә танылып килгән татар кызы Дарья Минһаҗетдинова татар дөньясы өчен таныш түгел иде әле. Мәскәү актрисасы үзенең татар тамырлары турында Малый театр труппасы Казанга гастрольләр белән килгәч сөйләде.

Татарстанның халык артисткасы Хәния Фәрхи вафатыннан соң тамашачыларны "Бәйрәм" ансамбленең язмышы да борчый. Шушы көннәрдә “Бәйрәм" ансамбле егетләре Хәния Фәрхи истәлегенә оештырылган “Истә калсын!” дип аталган концертларда, яраткан җырчысын сагынып килгән тамашачы алдында беренче имтиханын тотты.

"Бәйрәм" төркеме алга таба эшләячәк, әмма хәзер аның башка солисты була алмый. Бу хакта "Татар-информ" хәбәрчесенә "Бәйрәм" төркеме алып баручысы Ленар Насыйров әйтте.

Бүген танылган татар галиме һәм җәмәгать эшлеклесе Азат Зыятдиновның йөрәге тибүдән туктады. Иртәгә татар җәмәгатьчелеге үзенең милләтпәрвәр улын соңгы юлга озата. Без бүген Азат Зыятдиновның замандашлары, фикердәшләре белән аралаштык.

Татар халкы гомер-гомергә сәүдә белән шөгыльләнгән, моңа аның үзенчәлекле менталитеты сәбәпчедер. Татар халкы аңында товарыңны яки хезмәтеңне тәкъдим итүнең үз законнары формалашкан. Татарларны матур сүз белән генә алдый алмассың. Безнең җирлектә ачыктан-ачык реклама түгел, ә кемнеңнер тәкъдимнамәсе яки яшерен реклама яхшырак эшли, дип саный танылган журналист, сценарист Айсылу Хафизова.

Бу атнада Казанда "Әби патша" татар рок операсының бер өзеге тамашачыларга тәкъдим ителде.Әсәр 1762-1796 елларда Россия империясендә идарә иткән патшабикә Екатерина Втораяга багышлана. Татар халкы аны "Әби патша" дип йөрткән. Татар рок-операсы нигезенә шушы тема сайлануы татар җәмәгатьчелегендә бәхәс тудырды - социаль челтәрләрдә идеягә һәм әсәргә каршы килүчеләр бар.

Танылган Америка спортчысы Джефф Монсон тиздән Төмән янында урнашкан татар авылында яши башларга мөмкин. Ямбаево авылында янындагы көтүлек җирләрендә джиу-джитсу һәм катнаш көрәш төрләре буенча танылган спорт йолдызы Джефф Монсонга йорт салынып ята.

Моннан бер ел элек “Татар-информ”га интервью биргәндә Татарстанның атказанган артисты Илтөзәр Мөхәммәтгалиев рус теллеләр арасында татар теле укытуга ризасызлык арта баруының безнең файдага булмавы турында ачынып әйткән һәм моның кайчан да булса “тишелеп чыгу” куркынычы турында да кисәткән иде. “Интертат” электрон газетасында Илтөзәр Мөхәммәтгалиев проблеманы ничек хәл итеп булырга мөмкинлеге хакында әйтте.

Казан халыкара мөселман киносы фестиваленең тамашачысы кем ул? Ни өчен Казан кинофестивале 13 ел эчендә үзенең затлы тамашачысын әзерли алмады? Фестивальне яктыртуда актив катнашкан "Татар-информ" журналисты Рузилә Мөхәммәтованың бу хакта үз фикер-тәкъдимнәре бар.

2017 елда Казан халыкара мөселман киносы фестиваленең конкурс программасына 27 илдән 60 фильм кертелде. Ә барлыгы 61 илдән 782 гариза кабул ителгән. Конкурс программасына бер генә татар фильмы керде.

Продюсер Рифат Фәттаховтан ”дөрес татар эстрадасы” рецепты. "Татар-информ" агентлыгына интервьюсында Рифат Фәттахов Филүс Каһиров, Ришат Төхвәтуллиннар белән ни өчен судлашырга җыенганы, теләсә кемнән популяр җырчы әзерләп буламы-юкмы икәнлеге, Илфак Шиһаповның идеяләре һәм татар эстрадасын хокук органнары тикшерә башлавы турында сөйләде.

Республика прокатына "Айсылу" фильмы чыкты. "Татар-информ" журналисты Рузилә Мөхәммәтова чираттагы татар фильмының язмышы турындагы фикерләре белән уртаклаша.

Бүген, 16 август - композиторның туган көнендә, Казанның Зур Кызыл урамында – Казан дәүләт консерваториясе каршындагы скверда Татарстан Республикасы гимны авторы Рөстәм Яхинга һәйкәл ачылды.

Бүген композитор, Татарстан гимны авторы Рөстәм Яхинның туган көне. Шул уңайдан "Интертат" электрон газетасы Рөстәм Яхинга бәйле 15 фактны тәкъдим итә.

Азнакайда "Чатыр тауда җыен" Төрки халыклар иҗаты фестивале гөрләде. "Интертат" газетасы Чатыртауга багышлап, халыкчан җыр язарга тәкъдим итә.