Кайбычтан сыер савучы Тамара Шулаева «Һөнәре буенча иң яхшы» һөнәри осталык республика конкурсында катнашып, Германиянең Мюнхен шәһәрендә стажировка үтү мөмкинлегенә ия була.

Бер сыер саву да авыр, ә әллә никадәр маллары булган кешеләр ничек эшли икән? Иртәнге иң татлы йокыларын калдырып, 4 тә торып, маллар карауның - файдасы бармы? Моның өчен үзмәшгуль булып теркәлергә кирәкме? Бу хакта Чүпрәле районындагы Сафиннар гаиләсе "Татар-информ"га сөйләде.

Аграр тармакта эшләүче яшь белгечләрнең иң осталарын белдек. Күптән түгел “Һөнәре буенча иң яхшысы-2019” бәйгесе җиңүчеләре бүләкләнде. Беренче урын ияләре бер елдан Германиягә ике атналык стажировкага барачак. Алар “Татар-информ” хәбәрчесенә җиңүдән тәэсирләре белән уртаклашты.

Чирмешән һәм Югары Ослан районнарында узган җирле референдумнарда 4,7 мең кеше тавыш бирүдә катнашты.

Татар халкы гореф-гадәтләренең берсе - каз өмәсе. Иске Чүпрәледә бу йоланы китапларда сурәтләгәнчә уздыралар. Бәйрәмне үз күзем белән күрергә дә насыйп булды.

“Ак калфак” Бөтендөнья татар хатын-кызлары иҗтимагый оешмасы бу көннәрдә Самара өлкәсендә, данлыклы Гали авылында булды. 

Авыл хуҗалыгы министры Марат Җәббаров үзенең яңа урынбасарларын халыкка тәкъдим итте. Кемдер яхшыга өметләнеп, урынбасарларның эш кылганын көтеп утыра, кемдер министрлыкны бөтенләй ябып куяр иде. «Татар-информ» хәбәрчесе министрлыкның «яңа йөзләре»н барлады, аларның һәм башка белгечләрнең фикерләрен белеште.

Казанның “Корстон” комплексында авыл хуҗалыгы хезмәтчәннәре Уңыш бәйрәмен билгеләп үтте. Җәйге-көзге эшләр әле бетеп үк җитмәсә дә, октябрьнең һәр икенче якшәмбесендә авыл хуҗалыгы һәм эшкәртү сәнәгате хезмәтчәннәренең һөнәри бәйрәме үткәрелә. Быел тармакка килгән яңа министр Марат Җәббаров беренче нотыгы белән чыгыш ясаса, экс-министр Марат Әхмәтов 20 ел эшләү дәверендә үзенә түзгән Президентларга рәхмәтен җиткерде. 

“Татарга ат тәүге мәхәббәте кебек кадерле”. Бу мәкальне ишеткәнегез бардыр. Татарның милли уены булган Аударышны ат кадерле булган өчен кире кайтардылар. Татар токымлы атларны да юкка үрчетә башламадылар. Татар атлы, ә ат татарлы булырга тиеш. Лениногорск районы Югары Каран авылында Аударыш буенча беренче Республика чемпионаты үтте. Башлам бар, татарның тагын бер тарихы яңадан языла башлады. "Татар-информ" хәбәрчесе бәйгене үз күзләре белән күреп кайтты.

Металлга милли бизәк төшереп тәрәзә, капка йөзлекләре ясаучы Ришат Якупов "Татар-информ"га үз һөнәре турында сөйләде. 

Авыл хуҗалыгы продукциясен җитештерүче кече предприятиеләрнең үз продукциясен сата алмавы күптәнге проблема. Татарстан Авыл хуҗалыгы һәм азык-төлек министрлыгы шушы мәсьәләне хәл итү өчен “Туган як” проектын башлап җибәрде. “Эффектив үсеш һәм кооперация атналыгы” дип аталган утырышның беренчесе Балтачта, шушы төбәктәге авыл хуҗалыгы җитештерүчеләре катнашында узды.

Көз җитте, димәк ярминкәләр башланды дигән сүз. Авыл шәһәр халкын ите, мае, сөте, йомыркасы, бәрәңгесе, балыгы белән «сыйлый». «Татар-информ» хәбәрчесе дә ярминкәдә нәрсәләр бар, аларның бәясе, сатучыларның һәм сатып алучыларның фикерләрен, теләкләрен белеп кайтты.

XI нче Авыл яшьләре уеннарын карап кайттым. Быел аны Актанышта уздырырга уйлаганнар. Өч сүз белән "Республика Олимпия уеннары" дип әйтеп була. 

Еламаган балага имезлек каптырмыйлар. Авылда яшәп көн күрүчеләргә дә булмаганын сорап, ошамаганына зарланырга, ирешкәне белән мактанырга мөмкинлекләр туды. Татарстанның Дәүләт Советы Рәисе Фәрит Мөхәммәтшин авыл халкының эшлеклелек активлыгын күтәрү буенча киңәшмәләрне доклад тыңлау гына түгел, ә сорау-җаваплар форматында үткәрү кулай диде. Сайлау алдыннан республиканың бөтен районнары катнашында авыл халкының эшлеклелек активлыгын арттыру темасына семинар-киңәшмәләр үтте.

Җәй азагында яңгырлар күп яуды, бу урып-җыю эшләрендә кыенлыклар тудыра. Әмма игенчеләрнең тырышлыгы белән, урак инде тәмамланып килә. "Татар-информ" хәбәрчесе шундый районнарның берсендә - Лаешта булды. 

Татарстанда урак өстенең иң кызган мәле. Уракка керешкәндә яңгыр комачаулаган булса, хәзер игенчеләр, тәүлекнең һәр минутын файдаланып калырга ашыга. Комбайнчыларны кызыксындыру максатыннан Татарстанда "Иң яхшы комбайнчы" бәйгесе башланды. Анда 918 механизатор катнаша.

Кеше туган җиренең туфрагына кендек каны белән бәйләнгән дип яза шагыйрьләр. Шулайдыр. Юкса, картлык көзенә кергәндә җир-су тартуы, туган нигез чакыруы булыр иде микән?

Биектауның “Элита” нәселле эре терлек оешмасында 41нче тапкыр ясалма орлыкландыру операторлының конкурсы узды. Икенче кат зоотехник-селекционерлар - осеменаторлар арасында иң яхшы һөнәр иясен дә ачыкладылар. “Татар-информ” хәбәрчесе катнашучылар белән аралашып, гадәттә мәзәк итеп телгә алынган профессия вәкилләренең конкурсы ничек узуын үз күзләре белән күреп кайтты. 

«Там гора, тут гора, уртасында Кукмара» дигән сүзне һаман кабатлап йөрим әле. Кайсы якка карама - тау тау. Үземне Урал тауларына сәяхәт итеп кайткан кешедәй хис итәм. Аннары тагын Кукмара киез итеге, Кукмара шәле, Кукмара табасы дигән нәрсә дә бар бит әле. Данлыклы Вахит авылы, данлыклы Вахит колхозы турында да ишеткән бар иде. Йөз кат тыңлаганчы, бер тапкыр күрүең яхшы диләр бит. Кукмараның гына түгел, Татарстанның да бренды була алырлык Вахит җирлегендә күргәннәремне язып китәргә булдым.

Кукмара районы “Восток” хуҗалыгында яңа азык эшкәртү проектын башлап җибәргәннәр. Шул рәвешчә, бер сыердан 30 литр сөт савып алалар. “Татар-информ” хәбәрчесе “Восток” хуҗалыгында сенаж әзерләү һәм азык җитештерү эшләре ничек барганын күреп һәм салам белән печән заманы үткәнен күзәтеп кайтты. 

Лениногорск районының Мичурин авылы терлекчесе Роза ханым Гафиятуллина турында “Ферманы саклап калучы”, диләр. Вак хуҗалыкларны берләштерү, үзәкләштерү чорында Мичурин авылы фермасын да ябырга карар кылган булганнар. Ләкин орчык кадәрле генә гәүдәле Роза апаның тынгысызлынып бөтерелүе, барысын да эшкә күтәрүе җитәкчелекне ул уйдан кире кайтырга мәҗбүр иткән.

Авыл кешеснең күңелен ел саен шомландыра торган нәрсә - кош гриппы быел да яный. Кош-кортларыгыз әлеге вирусны эләктермәсен өчен нәрсә эшләргә? "Татар-информ" мәгълүмат агентлыгында белгечләр шул хакта бәян итте. 

Мал табибы Илдус Хатыйпов “Татар-информ”га интервьюсында бүгенге авыл хуҗалыгына анализ бирде, сөтне ничек арттырырга, ничек итеп ашатырга, авылга кадрларны ничек кайтарырга кирәклеге турында сөйләде.

Татарстан Республикасы Премьер-министры урынбасары-Авыл хуҗалыгы һәм азык-төлек министры Марат Әхмәтов "Татар-информ" агентлыгына интервьюсында язгы кыр эшләренең торышы турында сөйләде һәм һава торышы шартларына фаразлары белән уртаклашты. Сыерлары аз сөт биргән хуҗалыкларны киләчәктә дә өстерәү кирәкме-юкмы икәнлеге, авыл җирендә торак төзелешен арттыру һәм Габдулла Тукай хакында фикерләре белән уртаклашты.

Авыл яшьләренә ни кирәк? Торак, тәҗрибәле фермерлардан остазлык, авылда өч балалы, пособиегә өмет итә алучы әниләрнең яшен 29 дан 35 кә кадәр арттыру, эш башлаучы фермерларга ярдәм, модульле кош абзарлары... Бүген алар шушыларны сорый. Авыл хуҗалыгы һәм азык-төлек министры яшьләр белән эшләү үрнәген күрсәтте, Яшьләр эшләре министры кимчелекләрен танырга мәҗбүр булды.

Календарьдә апрель ае булса да, һава торышы бер дә яз уртасындагы кебек түгел соңгы көннәрдә. Быел яз соңга кала. Басу-болыннарда кар ята, үзәккә үтә торган салкын язгы кыр эшләрен тоткарлый. Үзе белән мең төрле мәшәкать алып килгән язның бер көне ел туйдыра. Шуңа күрә дә башкарылган эшләр уң булсын, һава шартлары уңай килеп, басулардан мул уңыш җыеп алырга язсын. “Уңыш мул булырмы?” дигән сорауга җавап табу максатыннан без Лаеш районының “Хәерби” хуҗалыгының язгы кыр эшләрен карарга киттек.

Авыл хатын-кызлары атнасына 36 сәгать эшләргә хокуклы, тик тора-бара аларга артыграк эшләргә туры килмәгәе. Россия Хезмәт министрлыгы авылда эшләүче хатын-кызларга эш көнен атнага 40 сәгатькә кадәр арттырырга ниятли. Ни өчен икәнен төгәл аңлатучы әлегә юк. Ә сез ничек уйлыйсыз: авыл җирендә эшләүче хатын-кызлар ничә сәгать эшләргә тиеш? Авыл хатын-кызлары бу яңалыкны ничек кабул иткән? “Татар-информ” сораштыру үткәрде. 

Бу атнада илнең 39 төбәгендәге татар авылларыннан 800 дән артык эшмәкәр Казанга VIII Бөтенроссия татар авыллары эшмәкәрләре җыенына килде. Бүген “Корстон” комплексында Татарстан Президенты Рөстәм Миңнеханов катнашында җыенның пленар утырышы узды. "Татар-информ"пленар утырышта яңгыраган иң мөһим фикерләрне җиткерә. 

Бизнес белән шөгыльләнергә теләүчеләр үзләренең нинди ярдәмгә хокуклары бар икәнен кайчак үзләре дә белми. Ярдәм программалары шактый, “Лизинг-грант” - шуларның иң киң таралганы. "Татар-информ" 2009 елда гамәлгә кергән бу программадан уңышлы файдаланган эшмәкәрләрнең тәҗрибәләрен өйрәнде.

Шундый заманда яшибез: үзең турында дөньяга җиткерү яки танылу өчен хәзер мөмкинлекләр күп. Мәсәлән, шул ук Интернет. Аның кызык ягы бар: ул танылам дигән максат куймаган кешеләрдән дә йолдыз ясый ала. Кукмара районы Иске Чура авылында яшәүче Василий Иванов шундыйлардан.