“Ералаш”тан ук яратылып, кино сөючеләргә “Невеста”, “Кадетство”, “Кремлевские курсанты”, “Папины дочки” һәм, ниһаять, “Елки” фильмнары аша таныш булган Александр Головин күптән түгел Казанга килеп, журналистлар белән очрашты. Ул ябык ишекләр артында “Елки.Последние” фильмын тәкъдим итте. Яңа ел рухы бирүче “Елки” фильмын көтеп алучылар өчен шактый ук күңелсез яңалык бар: фильмның быел соңгы кисәге күрсәтелә. 27 декабрьдә киң прокатка чыгачак “Елки.Последние” – блокбастерның соңгы өлеше.

Бәйрәм-фәлән көтелсә, кеше табын ясап азапланмый, кафе-ресторанга заказ бирә. Ә инде үз өендә кунак җыясы килсә дә, баш бәласе түгел. Хәзер мәҗлес табынын “под ключ” ясап бирүчеләр бар.

Күптән түгел Казанда Чаллы татар дәүләт драма театры артистлары Зифа Кадыйрованың “Сагынырсың – мин булмам” әсәре буенча язылган спектакльне күрсәтте. “Татар-информ” хәбәрчесе, спектакль башланганчы, безнең заман герое – китапларын халыкны елатырлык итеп яза белгән язучы Зифа Кадыйрова белән сөйләшеп утырды.

Соңгы арада артистларга “Атказанган артист” исеме еш бирелде. Журналистларга еш кына: “Атказанган” исеменең дәрәҗәсе китте, этенә дә, бетенә дә бирәләр” дигән сүзләр ишетергә туры килә.

Әле кичә генә дуэт буларак чыгыш ясап йөргән кызлар аерым җырларга дигән карарга килгән.

“Ярдәм итегез, базардан куалар!” Аксубай сатучылары әнә шундый мөрәҗәгать белән чыкты. Сатучыларга ике дистә елдан артык сәүдә иткән базар урынын калдырып китәргә кушканнар.

Эстраданың иң матур парларының берсе Алсу һәм Азат Фазлыевлар гаиләсен борчу җиле шакый. Азатның әнисе Зөлфирә ханымга терелеп аякка басу өчен 10 млн сум акча кирәк.

Авылларда елга бер тапкыр, җиргә кар яткач кына була торган тагын бер күмәк эш – сугым чоры якынлаша. Кышлатылган үгезләр, симертелгән таналар, үз чиратларын, зур өмәләрне көтеп тора. Ит хәләл булсын өчен малны ничек бугазларга? Бу эштә ничә кеше катнашырга тиеш? Ит сатканда сатулашырга ярыймы? Мөселманнарга терлекнең барлык әгъзаларын да ашарга ярыймы? Бу хакта “Гаилә” мәчетенең имам-хатыйбы, “Татар-информ”ның якын дусты Рөстәм хәзрәт Хәйруллин белән сөйләштек.

Татар дөньясы, эстрада тирәсендәге шау-шу тынып тормый. Берничә көн элек кенә Рәшит Ваһапов фонды рәисе Рифат Фәттахов, “Болгар радиосы”ның “Кайнар хит” хитлар парадының ноябрь ае нәтиҗәләре түгел дигән тәкъдим белән чыкты. Сүз Гөлсирин Абдуллина белән Азат Абитовның “Аккошлы күл” җыры турында бара. Төгәлрәк әйтсәк, җанатарларның әлеге пар өчен биргән тавышлары килеп җитмәгән. Шуның аркасында, әлеге җыр абсолют җиңүче була алмады.

“Сөембикә – сезнең журнал, туташлар һәм ханымнар!” дигән бик тә популяр рекламаны ишетмәгән кеше юктыр. Без кечкенә чакта еш әйләнә иде ул телевизордан. Әле әнидән “туташ” белән “ханым” кем ул дип сораганым да истә. Күр әле, рекламасы ук белемгә өндәп торган бит!

Табиблар хатын-кызларга зур миссия йөкли. Хатын-кыз нәфис җилкәләренә төшкән мең дә бер эше өстенә, ирләренең сәламәтлеген кайгыртырга, аларны даими табибка күрсәтеп торырга тиеш. Юкса, эшләр хөрти. Ир-атлар хроник авырулар, йогышлы чирләр, баласызлык кебек проблемалар нәтиҗәсендә Кызыл китапка керергә мөмкин.

Авыл халкы мал-туар өчен үтә җаваплы чорга керде. Терлекләрнең ничек кышлавы, язга ничек чыгуы хуҗа һәм хуҗабикәнең тәрбиясеннән тора. “Татар-информ” хәбәрчесе Теләче районы баш ветеринары Ирек Нуруллин һәм районның баш эпизоотологы Азат Гаялиев белән малларны кышлату үзенчәлекләре; ашату кагыйдәләре; бозаулыйсы сыерга тәрбия; тәмле, йомшак ит алу өчен бозауларны ничек карарга кирәклеге хакында сөйләште. 

Чувашиянең атказанган мәдәният хезмәткәре Фәридә Фәйзуллина Казан тамашачысы каршында икенче тапкыр имтихан тотты. Узган ел ул концертын “Ак барс” яшьләр үзәгендә куйган булса, быел иҗатын яратучыларны Татарстан Милли китапханәсенә җыйды.

19 ноябрь - Мәүлид бәйрәме, Пәйгамбәребез Мөхәммәд (с.г.с.) дөньяга килгән көн. Бу көн - мөселманнар өчен Корбан һәм Ураза гаетләре кебек үк зур бәйрәм. Аны ничек үткәрергә? Мәүлид ашын бәйрәм көнендә уздыра алмасаң, ни була? Нинди догалар укырга? Таба ашлары пешерергәме? Бу хакта Казанның “Гаилә” мәчете имам-хатыйбы, “Татар-информ”ның якын дусты Рөстәм хәзрәт Хәйруллин белән сөйләштек.

Сәкинә Шәймиева – татар хатыннарына гына хас булганча, һәрвакыт иренең күләгәсендә яшәде. Без аны Татарстан Президентының беренче хатыны, ышанычлы тылы буларак беләбез. ТНВ каналы генераль директоры Илшат Әминов 2009 елда Сәкинә Шакир кызы Шәймиева турында "Сәкинәнең 4 ел фасылы" (Четыре времени года Сакины) документаль фильмын төшергән иде. Анда Сәкинә ханым үзе дә катнаша. "Интертат" шушы фильмда әйтелгән кызыклы фикерләрне барлады.

Бүген, озакка сузылган каты авырудан соң, Татарстанның беренче Президенты, Татарстанның Дәүләт киңәшчесе Минтимер Шәймиевның сөекле хатыны Сәкинә Шәймиева мәңгелеккә күзләрен йомды.

Быел көз гадәттәгедән коры һәм матур килде. Алтынга тиң мондый көннәрне диванда ятып үткәрергә теләми кеше. Арча районы Түбән Курса авылының тынгысыз ирләре дә 12 ноябрь - дүшәмбе көнне өмә ясап, авыл янындагы буаны җибәрергә җыела. Әмма игелекле эшләре фаҗига белән тәмамланыр дип кем уйлаган! Кондызлар ега башлаган агачны кискәндә, 35 яшьлек Алмаз Зәйнетдинов харап була.

Элек артист белән бер авыз сүз алышыр өчен аның концертын көтеп, запискалар язып, сәхнә артларына керергә җан талашсалар, хәзер рәхәт замана килде. Әйтәсе сүзеңне җырчының “Инстаграм”ына гына элеп куясың. Күлмәге ошамыймы, җырымы, әллә макияжымы – рәхим ит, фикереңне белдер. Артистлар үзләре дә җавапсыз калдырмый тамашачыларын. Кемдер аларга акыл белән уйлап җавап бирсә, икенчеләре кызулык белән генә “тондыра”. “Интертат” атказанган исемен йөртүче эстрада җырчыларының “Инстаграм”да ничек аралашуын тикшерде.

Авыл халкы өчен көз – елга йомгак ясау чоры. Эш белән тагын да эсселәнгән җәй инде артта калды, алда чагыштырмача тыныч кыш көтә. Әмма аңа кадәр әле салымнар түлисе, җир пайлары өчен түләүләрне алып бетерәсе бар. Сер түгел, кайбер хуҗалыклар пай җире өчен үз вакытында түләсә, кайберләре ахырга кадәр суза. ТР Авыл хуҗалыгы һәм азык-төлек министрлыгының җир һәм милек мөнәсәбәтләре бүлеге башлыгы Александр Дружин белән быелгы пай җире түләүләре, пайчыларның һәм үз җирен аерып эшкәртергә теләгән милекчеләрнең хокуклары турында сөйләштек.

Татарстанның халык, Россиянең атказанган артисты Алсу (Сафина) берничә еллык тәнәфестән соң кабат сәхнәгә кайта. Үзенең беренче концертын ул бүген Казанның ун мең кеше сыйдырышлы “Татнефть-Арена” залында бирәчәк. “Татар-информ” хәбәрчесе кичә концертның генераль репетициясенә эләгеп, җырчы белән эксклюзив әңгәмә корды.

Сорауга Казанның “Гаилә” мәчете имам-хатыйбы Рөстәм хәзрәт Хәйруллин җавап бирә:

Заман шулкадәр тизлек белән алга бара ки, хәзер күпләрнең кулына китап тотып утырырга вакыты да, мөмкинлеге дә юк. Берәүләр социаль челтәрләр, гаджетлар тоткынлыгыннан ычкына алмаса, икенчеләр китап укыр өчен вакыт җиткерә алмый.

Бүген иң югары хезмәт хакы ала торган һөнәр ияләре кемнәр? Киләчәктә нинди белгечлекләр популяр булачак? Эшче кулларга ихтыяҗ артырмы? Эшкә ничек урнашырга? "Татар-информ"ның "Туры элемтә" проекты кысаларында, бу хакта "Нead Hunter – Идел буе" оешмасының маркетинг буенча һәм җәмәгатьчелек белән элемтә урнаштыруда әйдәп баручы белгече Александра Севостьянова сөйләде.

“Мин – башкорт. Телем дә, рухым да - башкорт” диде”, җырчы.

“Татар-информ” уздырган мтабугат конференциясенә килгәч, Радик Юльякшин үзенең хәле турында сөйләде.

Радик Юльякшин белән Гүзәл Уразова арасыннан кара мәче узганга әле бер ай да юк. Артистлар үзара “Красивая-хороший” җырына булган хокукларын бүлешүдән башланды ул. Әмма шул кыска вакыт эчендә бу низаг Уразовага да, Юльякшинга да шактый популярлык китерде.

Быел Казан кияү көткән кәләш кебек зур бәйгегә әзерләнә. 16 ноябрьдә Опера һәм балет театрында “Татар кызы” бәйгесе финалы узачак. Беренче тапкыр башкалада! Билгеле булганча, әлеге бәйгедә җиңгән кыз киләсе елга “Татар кызы”н үз төбәгендә уздыру хокукын яулый. Чирмешән районының Кармыш авылы кызы, булачак финансист Гөлназ Гатина узган ел Уфада “Татар кызы” данын яулады. Шулай итеп, эстафета таягын Татарстанга алып кайтты.

“Корал эшләр – кул мактаныр”, ди татар халык мәкале. Каен тузыннан эшләнмәләр ясаучы оста Арсений Амосов турында алай уйлап булмый. Эшләгән эше тел шартлатырлык булса да, мактанырга да, макталырга да теләми үзе.

Күптән түгел Татарстанның Муса Җәлил исемендәге опера һәм балет театрында композитор Резедә Ахиярованың шагыйрь Ренат Харис либреттосына язган “Сөембикә” операсының премьерасы булды. Халык операдагы Сөембикә образы белән килешмәде. Бигрәк тә ханбикәнең Кошчак морза сөяркәсе булуы белән...

27 октябрь киче безнең арадан татар җыр сәнгатенең легендасы, Салават Фәтхетдиновның беренче баянчысы Шәфәгать Салиховны алып китте. Баянчы, Казаннан Чаллыга кайтканда, утын төягән йөк машинасына бәрелеп һәлак була. Мәрхүмне кичә туган ягында – Азнакай районының Татар Шуганы авылында җирләделәр. “Татар-информ” хәбәрчесе бүген Шәфәгать әфәнденең якыннары, авылдашлары һәм аны соңгы мизгелдә күрүчеләр белән аралашты.