«Татмедиа» Республика матбугат һәм массакүләм коммуникацияләр агентлыгы 2024 елга нәтиҗә ясады. Сәфәров чын журналистиканың сенсацияләр артыннан куу түгел, ә җаваплылык булганлыгын әйтте, Мөхәммәтшин төбәктәге тормышны гадел яктыртырга кушты, Әминов яңадан журналистларга хезмәт хакын күтәрүне сорады.

«Тәртип» радиосы баш мөхәррире Ризәлә Исмәгыйлеваның «Көз дә матур, без дә матур әле» дип аталган зур иҗат кичәсе-юбилей бенефисы узды. Юбилей кичәсендә безнең журналист Юлай Низаев, фотохәбәрче Салават Камалетдинов һәм оператор Руслан Гафиятуллиннан торган иҗат төркемебез дә булып кайтты.

Моннан өч ел элек «Татмедиа» акционерлык җәмгыятенең Tatmedia junior проектлары старт алган иде. Шуңа өстәп, тагын бер проект – блогерлар мәктәбе дә барлыкка килде. «Ялкын» журналы баш мөхәррире, проектның җитәкчесе Илназ Фазуллин «Шәп блогер» медиа мәктәбе белән таныштырды.

Татарстан Республикасы Президенты каршындагы Татар телен саклау һәм үстерү мәсьәләләре комиссиясенең икенче утырышында татар телен саклауга юнәлдерелгән программалар тәкъдим ителде. Шуларның берсе — «Татмедиа» акционерлык җәмгыятенең Tatmedia junior проектлары. «Интертат» бу проектларга күзәтү ясады.