Режиссер Илгиз Зәйниев Әби патша - Екатерина II либреттосы буенча курчак спектакле куйды.

Тинчурин театрының киләчәге һәм ребрендингы турында җәмәгатьчелектә актив бәхәсләр барган көннәрдә театр үзенең 85 еллыгын сәхнә уртасына кара пианино чыгарып каршылады.

Кариев театры яңа сезондагы беренче премьерасын чыгарды һәм яңа драматург ачты.

Ваһапов фестивале унбишенче концерт сезонын ачты. Рәшит Ваһаповның 110 еллыгына багышланган гала-концертлар Казанда, Мәскәүдә һәм Уфада узды. Мәскәү концертын безнең хәбәрчебез дә күреп кайтты.

Роберт Миңнуллин белән Әмирхан Еникинең әңгәмәсе 1999 елны "Ватаным Татарстан" газетасында басылып чыккан. Әңгәмәдә Әмирхан Еникинең рус язучысы Александр Куприн белән шәҗәрәләре тоташуы, "чабаталы морзалар" тарихы һәм милләтебезнең киләчәге турында фикерләр бүгенге көн өчен дә кызыклы. Язманы укучыларыбызга да тәкъдим итәбез.

Татар яшьләре, дәүләт биргән ярдәм белән, TAT CULT LAB мәдәни белем бирү проекты эскизларын тәкъдим итте. Эскиз ясаучылар арасында яшьләр кумирлары Нурбәк Батулла, Йолдыз Миңнуллина да бар иде. Алар бу эшләре белән тагын да ачылды һәм тамашачыны кызыксындырып калды. Тик эскизларга бәя бирүчеләр арасында кайчандыр маэстро Фуат Мансуровны белмәмешкә салышкан эксперт та булуын ничек аңларга? Һәм Фатыйх Әмирханның "Тигезсезләр" драмасын "начар" дип бәяләгән экспертка кем каршы җавап бирер?

Хәбәрчеләребез Камал театры артистлары белән бергә Нәҗибә Ихсанова янында кунакта булды.

"Шәһәрчеләр" циклының тагын бер кунагы - кинорежиссер Илшат Рәхимбай.

Күптән түгел Татарстанның Муса Җәлил исемендәге опера һәм балет театрында композитор Резедә Ахиярованың шагыйрь Ренат Харис либреттосына язган “Сөембикә” операсының премьерасы булды. Халык операдагы Сөембикә образы белән килешмәде. Бигрәк тә ханбикәнең Кошчак морза сөяркәсе булуы белән...

Керәшеннәрнең “Бәрмәнчек” дәүләт фольклор ансамбле 27 октябрь көнне Татар дәүләт филармония сәхнәсендә үзенең беренче юбилеен уздырды. Ун ел эчендә, коллектив үз йөзен булдырып, "Бәрмәнчек" исемен танытты.

Легендар артист Шәүкәт Биктимеровның 28 октябрьдә туган көне. Аңа, исән булса, 90 яшь тулган булыр иде. 1998 елның 31 октябрендә "Мәгърифәт" газетасында басылып чыккан әлеге язманы укучыларыбызга да тәкъдим итәбез. Артист чордашлары, яшьлеге, остазлары турында сөйли, артист һөнәренең авырлыгы, театр тормышы турында уйлана.

Күренекле шагыйрә Гөлшат Зәйнашева 1960-1990 елларда татар җыр сәнгатен тулысынча биләп ала. Һәр җырчы аның иҗатыннан үзенең репертуарын баета, концерт программасын бизи. Шагыйрәнең шигырьләре, җырлары бүген дә әле халык күңелендә яши. Гөлшат Зәйнашеваның тууына 90 ел тулуга багышланган концертта аның халыкчан җырлары яңгырады, аңа багышланган яңа китап та тәкъдим ителде. “Татар-информ” хәбәрчесе әлеге кичәдә Гөлшат Зәйнашева белән аралашкан, бергә эшләгән кешеләр белән сөйләште һәм аларның истәлекләрен барлады.

Әлмәт татар дәүләт драма театрында шагыйрә Саҗидә Сөләйманова исемендәге XIII әдәби премия лауреатларын һәм стипендиатларын бүләкләделәр. Һәр елдагы традициягә тугры калып, шагыйрәнең һәйкәле янында шигърият бәйрәме оештырылды һәм быелгы яңалык - Әлмәттә уникаль фото-шигъри күргәзмә ачылды.

Камал театры Татарстанның атказанган артисты Олег Фазылҗановның 50 яшьлек юбилеен уздырды. Аны Камал театрында бер зал халык, онлайннан тагын ике зал кадәр халык карады.

Динар Хөснетдинов – Әлмәт театрының йолдызы. “Хәтта уйнап торырга да кирәкми, ул чыккач тамашачы болай да риза инде”, - диләр аның турында.

Татар җәмәгатьчелеге музыкаль театр булдыру турында хыяллана. Аны Тинчурин театры нигезендә хәл итәргә уйлыйлар. "Татар-информ" ачыклаганча, бу труппа Тинчурин театрында оештырылырга тиеш булган һәм Хөкүмәт труппаның 17 штат берәмлеге өчен акча да түләп торган. Ни өчен музыкаль-драма театр төзелмәгән? Тинчурин театрын музыкаль театр итеп үзгәртү өчен нәрсә эшләргә кирәк?

Музыкант, гитарачы Илнар Фатыйхов "Алканат" рок-төркеме аша танылды. Төркем таркалгач, Илнар үз проектын булдырды. Аның "Һава торышы" дигән исем белән чыга торган композицияләре бүген социаль челтәрләрдә һәм мессенджерларда тарала.

Шагыйрь юбилееннан соң эстрада һәм шигърият турында уйланулар.

Данил Салихов 2016 елның июнь аенда Татарстан язучыларының VIII корылтаенда каләмдәшләренә зур ышаныч белдерә – ул Татарстан Язучылар берлегенең рәисе итеп сайлана. Бүген исә Данил Салихов 337 язучыга җитәкче булып тора. Драматург, прозаик, Татарстанның атказанган сəнгать эшлеклесе Данил Салихов 15 октябрьдә Кәрим Тинчурин исемендәге театр бинасында үзенең 60 яшьлек юбилеен билгеләп узды. Әлеге күркәм чарада “Татар-информ” хәбәрчесе дә тамаша кылып кайтты.

Түбән Кама татар дәүләт драма театры кыю адым ясады: Әлмәндәр карт ролен башкарган Шәүкәт Биктимеров киткәннән соң кагылгысыз булып тоелган «Әлдермештән Әлмәндәр» спектаклен сәхнәләштерде. Спектакльнең беренче тамашачылары арасында безнең хәбәрчеләребез дә бар иде.

Шагыйрь Роберт Миңнуллинга 70 яшь. Татарстанның гына түгел, бөтен татарның халык шагыйрен хөрмәт иткән берничә буын тамашачы 12 октябрь көнне Тинчурин театры бинасына аның юбилей кичәсенә җыелды.  

Татарстанда әле кино күп төшерелми, аларның сыйфаты да гел сөендереп тормый. Профессиональләр да күп түгел. Ә артистның кинода төшәсе килә. Бу табигый. Кино - Мәскәү драма артистларының ипие дә, популярлык чыганагы да. Ә безнең драма артистлары өчен тегесе дә, монысы да бик елмаймый. Шундый вазгыятьтә кайбер татар артистларын Мәскәү проектыннан баш тартырга нинди хисләр этәрде икән?

Нияз Игъламов татар милләтен һәм аның сәнгатен глобаль фикерли ала торган милләтпәрвар татар яшьләре генә коткара ала, дип саный. Безнең буынга ышаныч юк, бигрәк тә өлкән буынга, ди. Яңа буын татар яшьләре татар мәдәниятенә, теленә, халыкка тугрылыклы булырга, әмма Сидней белән Нью-Йорк барлыгын, Сидни Поллак белән Чак Паланик барлыгын, Исхакыйның Достоевский белән Горькийдан өйрәнүен белергә тиеш. Дөнья культурасын белсәң генә, үз мәдәниятеңне этәрә аласың, дигән фикердә Нияз.

Татарстан журналистлары "Русское" кинокомпаниясе рөхсәте белән Казан университеты алдында "Зөләйха күзләрен ача" сериалын төшергәнне тамаша кылдылар.

Әлеге әңгәмә 1996 елның 20 декабрендә "Мәгърифәт" газетасында басылып чыккан. Яңа театраль сезон ачылу уңаеннан бу интервьюны хәзерге заман күзлегеннән карап, кабат укып чыгу файдалы булыр дип уйладык. Шамил Закировның театр тормышы турында уйланулырын укучыларыбызга тәкъдим итәбез.

5 октябрьдә Г.Камал исемендәге Татар дәүләт академия театрының 113 сезоны ачылды. Традиция буенча, яңа сезонның беренче спектакле һәрвакытта да Кәрим Тинчуринның “Зәңгәр шәл” мелодрамасы белән башланып китә. Бу уңайдан “Татар-информ” агентлыгы хәбәрчесе артистларның, театр җитәкчелегенең бәйрәм кәефен һәм яңа сезонга өметләрен белеште.

Татар театрына фестивальләрдә катнашу ни бирә, вакыт һәм акча әрәм итеп йөрү кирәкме икән? Мәдәният министрының татар театрларына булган мөнәсәбәте үзгәрерме? "Төркифест"лар чыннан да төркиме? Татар театрларының гастроль географиясен кем тарайта? Без хөрмәтле Президентыбыз Р.Н.Миңнеханов сүзләренә ни дәрәҗәдә колак салабыз? Язучы, "Сәхнә" журналының баш мөхәррире Зиннур Хөснияр шулар хакында уйлана.

Кичә Г.Кариев исемендәге татар дәүләт яшь тамашачы театры яңа сезонын "Алтын битлек" милли театр премиясе лауреаты Нурбәк Батулланың перформансы белән ачып җибәрде. Әмма бу перфоманс татар җәмәгатьчелеге вәкилләре арасында шау-шу куптарды: кайберәүләр аны милләтнең символларын бетерү фалы дип бәяләделәр. "Татар-информ" мәгълүмат агентлыгы тамашачыларның фикерләрен туплап, перфомансның чын идеясен ачыкларга тырышты.

Композитор Эльмир Низамов - соңгы ун елда музыка дөньясына гына түгел, гомумән, татарлар дөньясына ташкын булып килеп кергән иҗатчы. "Шәһәрчеләр" кавеменең иң нәтиҗәле эшләүче вәкиле, дияргә була.

“Зөләйха күзләрен ача” сериалында Мортаза нинди булачак? Татар ир-аты Мортаза Мәскәү күзлегеннән нинди булып тасвирланачак? Әлегә бу билгесез. Хәбәрчебез Мортаза ролен башкарачак актер Рамил Сабитов белән аралашып, Мортаза образын күзалларга тырышты.