Татарстан Диния нәзарәте чыгарган фәтвада мәчеләрнең селәгәе нәҗесме икәнен аңлатылган.
Әссәламү галәйкүм! Белүемчә, ерткыч хайваннарның селәгәе, нәҗесе — авыр нәҗесләрдән. Мәче дә ерткыч хайваннар төренә карый бит, димәк, аның дә селәгәе нәҗес була? Ә өйдә мәче тоту ярый, диләр. Аңлатыгыз әле.
Үә галәйкүм әссәлам! Мәче — ерткыч хайван, димәк, аның селәгәе нәҗес санала, әмма хәнәфи мәзһәбендә шундый кагыйдә бар: теге яки бу мәсьәлә буенча карар чыгарганда, ачык дәлил — аять, хәдис яисә сәхабәләрнең фәтвәсе булганда, мантыйк (логика) һәм кыяс (аналогия) исәпкә алынмый.
Бу очракта галимнәребез Пәйгамбәребезнең (сәлләллаһу галәйһи вә сәлләм) түбәндәге хәдисенә таяналар:
«Ул (мәче) — нәҗес түгел, ул бит сезнең белән бергә яши» (Тирмизи, Әхмәд һ.б.).
Үзенең «Әл-Мәбсүт» хезмәтендә имам Әс-Сәрахси бу хәдисне түбәндәгечә шәрехли:
«Ул (хәдис) — сәбәпкә (мәченең чиста хайван булуына) ишарә».
Шулай итеп, мәче, аның селәгәе, йоны чиста санала. Бары тик мәче эчкән суны гына тәһарәт өчен куллану ярамый, чөнки мәче чиста булмаган ризык ашаган булырга мөмкин. Ә Аллаһ — яхшырак белүче, диелә бу хәбәрдә.
Татарстан Диния нәзарәте түбәндәге сораулар буенча фәтва чыгарган иде:
- «Әгузү билләһи мин әш-шәйтани-р-раҗим» (истигаза) гыйбарәсе турында аңлатма
- Хатын-кызга кагылу тәһарәтне бозамы?
- Инстаграмда бәйгедә уйнау ялганда катнашу булмыймы?
- Намазны нәрсә боза?
- Кемнәр намаз укырга тиеш?
- Намаз укыганда Коръәнне кулда тотып, Китапка карап уку рөхсәт ителәме?
- Су хайваннары хәләлме?
- Нәҗес келәмгә эләксә, ничек чистартырга?
- Тәһарәт ала торган су нинди булырга тиеш?
- Мөселман кызларына кедалар, кроссовкилар киеп йөрергә ярыймы?
- Инстаграмда бәйгедә уйнау ялганда катнашу булмыймы?