24 декабрь көнне махсус операциядә һәлак булган Питрәч районы Карповка авылы егете Алмаз Кәбировны соңгы юлга озаттылар. Яралы иптәшен коткарырга тырышканда һәлак булган Алмаз, һәлак булганнан соң, «Батырлык» ордены белән бүләкләнде.

Биектау районының Инеш бистәсендә яшәүче Резеда Шәрәфиева 24 ел элек бәби табу йортында кичергәннәрен мәңге оныта алмаячак. Көтеп алган кызы Регина имгәнеп туа. «Табиблар 9 ай буе баланы сәламәт, бар җире тулы, төгәл, диеп килделәр. Сау кыз туарга тиеш иде. Табиблар хатасымы, шулай язган булганмы... Нәтиҗәдә – инвалидлык».

Үзәк банк инфляция буенча мәгълүматны әйтте һәм иң кыйммәтләнгән товарларны ачыклады. Икътисадчылар 1 гыйнвардан кибетләрдә сатып алучыларны нәрсә көтәчәге турында сөйләде. Азык-төлек, техника, электроника, өй һәм көнкүреш товарларына бәяләр ничек үзгәрәчәге билгеле.

«Бер тапкыр зарланмыйча китеп барды, барыбыз да бик яхшы кешене югалттык», - диде әни кеше күз яшьләре аша улының кабере кызыл кәнәфер чәчәкләре белән күмелгәндә. Кичә махсус хәрби операциядә һәлак булган 37 яшьлек Руслан Семеновны «Курган» зиратында җирләделәр. «Интертат» хушлашу мәрасимендә булды.

Палестинадан, төгәлрәге, инде өченче ай сугыш барган Газзә секторыннан Казанга укырга килгән студентлар авыр хәлдә калган. Аларның кайберләренең әти-әниләре һәм барлык якыннары һәлак булган, нәтиҗәдә аларның уку һәм торак өчен түләргә акчалары юк. ТР мөселманнары Диния нәзарәте ятим калган студентларны үз канаты астына алды.

Ислам дине буенча, мөселман хатын-кызларына кашларны йолку катгый тыела. Әмма мөслимәләр арасында хәзер модада булган кашлар ясатырга теләүчеләр бар. Блогер Рәмилә Хәмидуллина «хәләл кашлар» ысулын уйлап тапкан. «Интертат» бу юнәлешнең ни дәрәҗәдә популяр һәм хәләл булуын ачыклады.

Бүген Татарстан Рәисе Рөстәм Миңнеханов журналистлар белән очрашты. «Интертат» әлеге очрашуда әйтелгән төп фикерләрне туплады.

Искәндәр абый турында: «легенда», «шәхес», «халык җырчысы» кебек сүзләр бүген еш яңгырады. Озакка сузылган каты авырудан соң, ул хатынын, ике улын, оныкларын, яраткан тамашачысын ташлап, мәңгелеккә китеп барды. Аның шулай кинәт китеп баруын җәмәгатьчелек бик авыр кабул итте.

«Интертат», үз карашыннан чыгып, татар кинематографиясенә кагылышлы төп вакыйгаларны барлады.

Азат Якупов – иске татар телен өйрәнү буенча онлайн курслар булдырган милли җанлы егет. 2023 елда КФУның Халыкара мөнәсәбәтләр институтын тәмамлаган. КФУның Филология һәм мәдәниятара багланышлар институты студенты Зөлфия Шәвәлиева Азат белән курс ачу кыенлыклары, татар теле тарихы һәм киләчәккә хыяллар турында сөйләште.

2023 елда кайсы блогерлар аеруча активлашкан? Кайсы, нинди юллар белән танылу алган? «Интертат» Татарстан һәм Башкортстан блогерлары тормышына күзәтү ясады.

Милли китапханәдә урнашкан MOÑ театраль мәйданы «Прима» документаль спектаклен чыгарды. Аның беренче тамашачылары арасында безнең хәбәрчебез Рузилә Мөхәммәтова да бар иде.

«Блогерларсыз яшәп була, ә тракторчы һәм урманчысыз – юк». Саба урман хуҗалыгында булган «Казанские ведомости» журналистлары шул сүзләрне ишетеп кайта. Чиста һавасыз яшәү исә тагын да начаррак. Безнең өчен кирәкле бу продуктны кемнәр җитештерә соң?

Һәр елны әти-әниләр Яңа ел бәйрәмнәренә, балаларны котларга Кыш бабай һәм Кар кызын чакыралар. Быел бу геройларны чакыручылар бармы, бәяләре ничек үзгәргән? Тулырак - «Интертат» язмасында.

Мәдәни күзәтчебез Рузилә Мөхәммәтова татар театрларында ел вакыйгаларына анализ ясый.

Бөтендөнья татар конгрессының Милли шура рәисе Васил Шәйхразыев, 2023 елга нәтиҗә ясап, журналистлар белән очрашты. Җитәкче журналистларның сорауларына җавап бирде. Милләт, тел, Сабантуй, янгында каза күргән Йолдыз авылы, 600 мең татар «югалган» җанисәп, шәхесләр, геройлар, читтәге татарлар, «Слово пацана» сериалы – барысы турында сораулар булды.

«Интертат» электрон газетасы «Татар журналисты» сәхифәсендә татар журналистикасында үз эзен калдырган журналистлар белән таныштыруны дәвам итә. Бүгенге кунагыбыз – «Татарстан яшьләре» газетасында чирек гасырга якын эшләгән, кыю язмалары белән танылган журналист Флюра Низамова. Интервьюның беренче өлешен тәкъдим итәбез.

«Кем инде шәһәрне авылга алмаштыра, булмас хәл!» – дип әйтер идегез... Себердә туып үсеп, Салават кафедрасында белем алып, җырчы карьерасын башлаган кыз авыл егетенә кияүгә чыга. Ире – фермер, ә үзе – вокал укытучысы, җырчы. Тамырларында татар, рус, чегән каны ага! «Интертат» Рада Әхмәтгаязова белән әңгәмә тәкъдим итә.

1988 елның 7 декабрендә Әрмәнстанда көчле җир тетрәве була: ярты минут эчендә Спитак шәһәре юкка чыга, Ленинакан, Степанаван һәм тагын 19 шәһәр, 58 авыл җимерелә, 25 меңнән артык кеше үлә, 40 меңнән артык кешене коткаралар. Шушы хәлләрне үз күзләре белән күргән кешеләрнең хатирәләрен «Интертат» укучыларына тәкъдим итәбез.

Татарстанлылар «Газпром трансгаз Казань» офисларында яртышар көн чират тора. Сәбәбе – техник хезмәт күрсәтүгә килешүләрне яңадан төзү ихтыяҗы, югыйсә 2000 сумлык штраф яный.

Озакка сузылган авырудан соң, 61 яшендә ТР Дәүләт Советы матбугат хезмәте җитәкчесе Резида Макуева вафат булды. Танылган журналистны «Курган» зиратына җирләделәр.

Узып баручы 2023 ел шоу-бизнес өлкәсендә нинди вакыйгалар белән истә калачак? Кайсылары халык арасында аеруча киң яңгыраш алды? Кайсылары гаугалы хәлләргә юлыкты? Кемнәр үз парын тапты, әти-әни булды? «Интертат»тан еллык язмаларга күзәтү.

КФУның Филология һәм мәдәниятара багланышлар институтында Татарстанның атказанган фән эшлеклесе, Татарстанның атказанган мәдәният хезмәткәре, әдәбият галиме, фольклорчы, тюрколог һәм профессор Марсель Бакировның 90 яшьлек юбилеена багышланган «ОСТАЗ, ГАЛИМ» исемендәге кичә булды. Институт студенты Илзирә Хәйруллина кичәдән репортаж тәкъдим итә.