Миллионнар урлаган Луиза һәм Марат Хәйруллиннарга карата хөкем карары үз көченә керде

Башкортстанда банк кассиры булып эшләгән Луиза Хәйруллинага һәм аның иренә карата суд чыгарган хөкем карары үз көченә керде. Алар кассадан 25 миллион сумнан артык акча алуда гаепле дип табылды. Суд коллегиясе, аларның апелляциясен тикшереп бетергән. Бу турыда «Башинформ» хәбәр итте.

Суд ачыклаганча, 2017 елның августыннан 2019 елның маена кадәр Луиза Хәйруллина иренең кушуы буенча, системалы рәвештә банктан акча урлый. Ул документларын алмаштырып, эзен яшерә. Акчаны иренә бирә, ире исә акчага комарлы уеннар уйный. Гаепләнүчеләр барлыгы 9 025 270 сум, 140 900 доллар һәм 101 315 евро урлаган.

Май азагында Луизаның ире Марат Хәйруллин качу планын кора. Луиза, Марат һәм аларның ике баласы эзсез югала. Аларны Казанда таптылар. Луиза Хәйруллинаның кулга алынуы кадрларын сайтка урнаштырган идек.

Быел сентябрьдә суд Луиза Хәйруллинаны биш елга ирегеннән мәхрүм итте. Марат Хәйруллинны исә алты елга төрмәгә озаталар. Шулай ук бу кешеләр «Россельхозбанк» АҖгә 25 455 862,50 сум зыянны капларга тиеш була.

Башкортстан Югары суды алдагы судның карарының бер өлешен үзгәрткән. Луиза белән Марат күрсәтелгән сумманы икесенә уртага бүлеп, банкка тулысынча кайтарып бетерергә тиеш. Хөкем карарының башка өлешенә үзгәрешләр кертелмәгән.

• Луиза Хәйруллина банктан урлаган 20 миллионнан артык акчаның күбесе кайда булуы ачыкланган
• Банктан акча урлаган Луизаның ире гаепне үз өстенә алган: «Акча урларга аны мин котырттым»
• Банктан акча урлауда шикләнелүче Луизаның иренә балалары белән йөрергә рөхсәт иттеләр
• Банктан 25 миллион сум акча урлап качкан Луиза Хәйруллинаны үтергәннәрдер дип фаразлыйлар
• «Өйгә бик кайтасым килә»: 20 миллион урлауда гаепләнүче Башкортстан кассиры Луиза Хәйруллина гаебен таныган
• «Луиза балаларын сагына»: 20 миллион урлауда шикләнелүче хатын адвокатлар алмаштыра һәм сорауларга җавап бирми — видео
• Банктан миллионнар урлауда гаепләнүче Луиза Хәйруллина эшен тикшереп бетергәннәр
• Банктан миллионнар урлауда шикләнелүче Луиза Хәйруллина 13 килога ябыккан
• «Үземә зиннәтле әйберләр алмадым»: Луиза Хәйруллина хөкем алдыннан соңгы сүзен әйтте
• «Хөкемне ишеткәч, елап җибәрде». Миллионнар урлаган Луиза Хәйруллина төрмәгә китә