«Хөкемне ишеткәч, елап җибәрде». Миллионнар урлаган Луиза Хәйруллина төрмәгә китә
Салават шәһәре суды карарын ишеткәч, Луизаның ире Марат Хәйруллин наручниклар кидерәселәрен көтмәвен әйткән.
Башкортстанның Салават районы суды ирле-хатынлы Хәйруллиннарга хөкем карары чыгарды. Алар 2019 елның маенда банктан 25 455 862,50 сум урлаган. Бу турыда «Башинформ» хәбәр итте.
Банкта кассир булып эшләгән Луиза Хәйруллина судка кадәр СИЗОда утырды. Аның ире Марат исә өй сагында иде. Луиза Хәйруллинаны гомуми режимлы колониягә биш елга хөкем иттеләр. Аның ире Марат Хәйруллинны гомуми режимлы колониягә алты елга озаталар. Моннан тыш, алар банкка урланган 25 миллион сумны кире кайтарырга тиеш була.
Бүгенге суд утырышына беренче булып Марат Хәйруллин килгән. Аннары Луизаны да китергәннәр. «Башинформ» агентлыгы хәбәрчесе суд залыннан хәбәр иткәнчә, кассир хатын акчаны өлешләп (биш меңнән 100 мең сумга кадәр) алып чыккан. Ул ире сораганча эшләгән. Ире исә барысын да казинода уйнап оттырып барган. Юкка чыгар алдыннан Луиза банктан 1 миллион сум һәм 1 мең евро алып чыккан. Ул чын акчаларны ялган купюралар белән алмаштырырга җыенган, ләкин моны эшләмәгән.
Хәйруллиннарның балалары әти-әниләренең җинаяте турында телевизордан белеп алган, диелә җинаять эше материалларында.
Марат Хәйруллин сүзләренчә, ул хатыны белән бергә хөкем карарын югары инстанциядә шикаять итәчәк. Ул журналистларга шул хакта сөйләгән. Суд залыннан наручниклар киеп чыгуын да көтмәгәнен әйткән. Луиза исә хөкем карарын ишеткәч, елап җибәргән.
- Луиза Хәйруллина банктан урлаган 20 миллионнан артык акчаның күбесе кайда булуы ачыкланган
- Банктан акча урлаган Луизаның ире гаепне үз өстенә алган: «Акча урларга аны мин котырттым»
- Банктан акча урлауда шикләнелүче Луизаның иренә балалары белән йөрергә рөхсәт иттеләр
- Банктан 25 миллион сум акча урлап качкан Луиза Хәйруллинаны үтергәннәрдер дип фаразлыйлар
- «Өйгә бик кайтасым килә»: 20 миллион урлауда гаепләнүче Башкортстан кассиры Луиза Хәйруллина гаебен таныган
- «Луиза балаларын сагына»: 20 миллион урлауда шикләнелүче хатын адвокатлар алмаштыра һәм сорауларга җавап бирми — видео
- Банктан миллионнар урлауда гаепләнүче Луиза Хәйруллина эшен тикшереп бетергәннәр
- Банктан миллионнар урлауда шикләнелүче Луиза Хәйруллина 13 килога ябыккан
- «Үземә зиннәтле әйберләр алмадым»: Луиза Хәйруллина хөкем алдыннан соңгы сүзен әйтте