Комадан чыккан МакSим беренче сторисын куйган: анда үзе дә, гаиләсе дә түгел
Җырчы медицина хезмәткәрләренең батырлыгын искәртеп тора.
Җырчы МакSим комадан чыкканнан соң үзенең Инстаграмына беренче «сторис» керткән. Анда туганнары белән күрешү мизгеле дә, балаларын кочаклаган фото да түгел. Фотода — «скафандр» кигән медицина хезмәткәре.
Медицина хезмәткәренең ковидтан саклык киемендә төрле төстәге язулар һәм рәсемнәр бар. Киемнең алгы өлешенең бер ягында «МакSим» дип язылган һәм бер кыз рәсеме ясалган. Икенче өлешендә берничә тапкыр кабатлап «Здесь и сейчас» дип язылган. Җырчының шулай дип исемләнгән җыры да бар.
Җырчы үзе исә «Хезмәткәрләр һәр көнне кешеләрне теге дөньядан чыгара. Һәр кешене туганы кебек күрә», — дип язган.
- 19 июньдә җырчы МакSим комада ята, дип язган идек. Ул 12 июньдә Казандагы концертта 39 градус температура белән чыгыш ясавын әйтте.
- Комада ятучы җырчы МакSимның хәле начарланган
- Җырчы МакSим үзе авыр хәлдә ята, аның клипларын төшерүче режиссер ковидтан үлде
- Җырчы МакSимның үпкәсе начар эшли башлаган
- Комада ятучы җырчы МакSимның хәле яхшырган
- Август башында ул комадан чыкты.
- Әле бу көннәрдә генә җырчыны реанимациядән палатага күчерделәр.
