МакSимны комадан чыгарганнар, җырчы шаярта башлаган | intertat.tatar

МакSимны комадан чыгарганнар, җырчы шаярта башлаган

Директоры сүзләренчә, артистның хәтере бик яхшы, фикерләве йөгерек.

38 яшьлек җырчы МакSим (Марина Абросимова) комадан чыккан. Аны табиблар медикаментоз йокыдан уяткан. Җырчы шаярта башлаган инде. Бу турыда РЕН ТВ хәбәр итте.

Аның директоры шул хакта аңлатма биргән.

«Ул периодик рәвештә аңына килә иде. Әйе, хәзер аның хәле яхшырды, ул үз аңында. Ул аралаша, мин дә сөйләштем. Псевдотабибларның күбесе аны „хәтерен югалтачак, башы эшләмәячәк“ дип фаразлаган иде. Андый хәл юк, хәтере бик яхшы, фикерләве йөгерек. Без шаярттык, көлештек. Бар да яхшы була», — дигән Маргарита.