Бүген иртән Казанга дроннар һөҗүме булды. Барысы 8 пилотсыз очкыч һөҗүме теркәлгән. Пилотсыз очкычлар бәрелү нәтиҗәсендә торак йортларга зыян килде, «Лазурные небеса» комплексында янгын чыкты. «Лазурные небеса» комплексы янында «Татар-информ» һәм «Интертат» журналисты Камилә Билалова булып кайтты.

Казан Федераль университетының император залында 58 ел буе эшләп килүче студентларның Татар халык хоры концерты булды. Ул Казан университетының ачылуына 220 ел тулу, 1967 елдан башлап хорның нигезен тәшкил иткән студентларның «альма матеры» – Татар теле һәм әдәбияты бүлеге оешуга 80 ел тулу уңаеннан уздырылды.