Уфада банк хезмәткәре иминият полислары ярдәмендә 70 миллион сум урлаган
Банк хезмәткәре берничә ел дәвамында килешүләр төзи, тик акчаны кассага салмый.
Уфадагы банкта эшләгән хатынга карата җинаять эшен Уфаның Калинин районы судына тапшырганнар Банк хезмәткәре «акча сарыф итүдә» һәм «мошенниклыкта» гаепләнә. Бу турыда «Башинформ» хәбәр итте.
Тикшерү версиясе буенча, 2016-2019 елларда Уфадагы банкларның берсендә сату төркеме менеджеры булып эшләүче хатын-кыз өстәмә офис идарәчесе һәм өлкән кассир белән килешеп, берничә махинация ясый.
Банк менеджеры клиентларның гомерен иминиятләштерү килешүләре төзи, иминият полисы һәм касса ордерларын рәсмиләштерә, ләкин ул акчаны кассага салмый.
Шуннан соң бу хатын-кыз полислар һәм килешүләр төзегән өчен түләүләр ала.
Банкка килгән матди зыян 70 миллион сумнан артык дип бәяләнә. Хатын-кыз гаебен тулысынча таный, ул тикшерү белән хезмәттәшлек итә, дип сөйләгәннәр Башкортстан судларының берләштерелгән матбугат хезмәтендә.
Берничә ел элек Башкортстанда банктан 20 миллионнан артык акча урлаган Луиза Хәйруллина турында язган идек. Хәзер Луиза да, аның ире дә ирегеннән мәхрүм ителде.
- Луиза Хәйруллина банктан урлаган 20 миллионнан артык акчаның күбесе кайда булуы ачыкланган
- Банктан акча урлаган Луизаның ире гаепне үз өстенә алган: «Акча урларга аны мин котырттым»
- Банктан акча урлауда шикләнелүче Луизаның иренә балалары белән йөрергә рөхсәт иттеләр
- Банктан 25 миллион сум акча урлап качкан Луиза Хәйруллинаны үтергәннәрдер дип фаразлыйлар
- «Өйгә бик кайтасым килә»: 20 миллион урлауда гаепләнүче Башкортстан кассиры Луиза Хәйруллина гаебен таныган
- «Луиза балаларын сагына»: 20 миллион урлауда шикләнелүче хатын адвокатлар алмаштыра һәм сорауларга җавап бирми — видео
- Банктан миллионнар урлауда гаепләнүче Луиза Хәйруллина эшен тикшереп бетергәннәр
- Банктан миллионнар урлауда шикләнелүче Луиза Хәйруллина 13 килога ябыккан
- «Үземә зиннәтле әйберләр алмадым»: Луиза Хәйруллина хөкем алдыннан соңгы сүзен әйтте