Гадәттә, язгы чәчү кампаниясе башлану белән, игенчеләр янына журналистлар да командировкаларга юллана. «Интертат» журналисты Теләче ягы уңганнары белән әңгәмә корып, гапләшеп кайтты.

Татарстанда бөтен көченә чәчү эшләре бара. Авыл хуҗалыгы һәм азык-төлек министрлыгы мәгълүматы буенча, чәчүлек мәйданының 44 процентына иген чәчелгән. Игенчеләрнең хезмәте белән танышу өчен «Интертат» хәбәрчесе Теләче районы басуларында булып кайтты.

Яз иртә килде, кыр эшләре бик иртә башланачак дип сөрән салсак та, чәчү барыбер үз вакытына кайткан. Татарстан игенчеләре шул хакта әйтә. Без республикада язгы чәчүнең кайда тизрәк, кайда акрынрак баруын белештек.