"Мин бабамнарның кендек каны тамган туфракка барыбер кире кайтачакмын", - дип кечкенәдән Кытайдан Татарстанга килергә ашкынып яшәгән Базарбайның иң олы хыялы тормышка ашты. Беренчедән, ул хәзер Казанда яши, икенчедән аның баласы Татарстанда дөньяга аваз салды... Бу хакта ул "Татар-информ" хәбәрчесенә сөйләде.

Искәндәр Шакиров үзен яңа буын җырчысы дип атый. Сәхнәгә чыгып җырлау өчен моң кирәк түгел дип саный. "Татар халкы 50 ел буе бер гармунны уйнатып туйган инде. Үзгәрергә вакыт", - дип чаң суга. Сүз уңаеннан, танылган даһи җырчыларыбызның хезмәтләрен дә - шул исәптән әтисе Җәвит Шакиров һәм әнисе Зөлфия Шакированың җырларын да бер сүз белән юк итеп ташлады ул "Татар-информ"га интервьюсында.

Байлар Сабасында җырчы Элвин Грей псевдонимы белән чыгыш ясаучы Радик Юльякшинның туганы яши икән, дигән хәбәрне ишеткәч, сабалылардан сорашасы иттем. "Бездә бер башкорт апае бар, шулдыр ул",– диде бер танышым. "Татар-информ" хәбәрчесе танылган җырчының Сабадагы дәү әнисен эзләп тапты!

Кичә Казанның Г.Тукай исемендәге Татар дәүләт филармониясендә “Ваһапов фестивале йолдызлары” дип исемләнгән концерт узды.

Кышның соңгы көнендә «Казан егетләре» төркеме Казанның «УНИКС” концертлар залында беренче тапкыр концерт бирде.

Дистә еллар дәвамында халык күңеленнән төшмәгән җырлар авторы, легендар композитор Илгиз Закиров чын җырлар иҗат итү серләрен бүлеште, хәзерге эстрадага мөнәсәбәтен белдерде һәм социаль челтәрләр белән "дуслыгы" турында сөйләде.

Талантлы җырчы Гөлназ Асаева "Җәннәт" (Джаннат) псевдонимы белән Россия киңлекләрен яуларга әзерләнә. Тиздән ул Мәскәүгә күченеп үз проектын башлап җибәрә. Мәскәү татарларының "Хәрәкәт" тантанасына килгән Гөлназ белән "Татар-информ" хәбәрчесе сөйләште.

Ваһапов фестивале җырчылары - Гөлсирин Абдуллина, Азат Абитов, Айсылу Габдинова һәм Рәнис Габбазов әле анда, әле монда җыелышып, нәрсәдер уйлап чыгара. Дүрт җырчы үзләре белән бергә боулинг уйнарга чакыргач, каршы килә алмадым. Уйнаган арада сөйләшкәндә шундый нәтиҗәгә килдем – шушы арада гына да әллә ниләр булып беткән болар белән!

23 февраль көнне ирләргә игътибар аеруча арта. Менә "Интертат" электрон газетасы татар сәхнәсендәге буйдакларны барлап, рейтинг төзеде. Рейтинг егетләрнең яше буенча төзелде: олыраклардан - яшьрәкләргә. Кызлар, сез әзерме?

Режиссер, күп кенә сценарийлар авторы Нурания Җамали “Чәршәмбе көн кич белән” дип аталган яңа проект башлаган. Хәзер ул һәр чәршәмбе ресторанда әдәби-музыкаль кичәләр оештыра.

Лилия Хәйруллинаның яңа образы интернет челтәрендә берәүне дә битараф калдырмады. Җирән чәчле "галәм" кызына әллә нинди комментарийлар яуды.

Татарстанның һәм Башкортстанның халык артисты Айдар Галимов “Татар-информ” агентлыгына интервьюсында бүгенге татар эстрадасына бәя бирде. Җырчы шулай ук ни өчен соңгы елларда хит булырлык җырлары юклыгы, кызларының ни өчен татар әдәби телендә сөйләшә алмавы, Элвин Грейга нинди мөнәсәбәттә булуы, Хәния Фәрхинең вафатын әле дә кабул итә алмавы турында сөйләде.

Мәхәббәт - дөньядагы иң сәер хис бит ул. Ул кешене тулысынча үзгәртергә мөмкин. Сөю аркасында кеше әллә нинди ахмак адымга барырга мөмкин.

Кәрим Тинчурин исемендәге театр бинасы залында «Мең рәхмәт» дип аталган зур хәйрия концерты узды. Концерт күп җырлар авторы, инвалид Ирек Габдрахмановка ярдәм итү максатыннан оештырылды.

Women Day хатын-кызлар журналы җырчы Ришат Төхвәтуллинга “Ел буйдагы” номинациясен тапшырган. 2017-нче елда популяр басма үзенең 10-еллык юбилеен билгеләде. Шул уңайдан, журнал "WDay-сайлавы" дигән бәйге игълан итте. 5 номинацияле конкурсның этаплары илнең зур шәһәрләрендә үткән. Халык биргән тавыш исәбе буенча Ришат Төхвәтуллин федераль турга узып, номинацияне яулауга ирешкән.

ТР атказанган артисты Равил Галиев “Балачагыма кайтам”, “Әй хатын-кыз” дигән яңа җырлар яздырган. Җәй һәм көз айларында тамашачыларын яңа клиплары белән дә сөендерәчәк.

Казанда Татарстанның атказанган артисты Вадим Захаровның концерты узды. Җырчы ничек кенә тырышса да, концерт алдыннан да, сәхнәгә чыккач та каушавын яшерә алмады. Вадим тамашачы каршына чыкты да, “йөрәк кага, алдан да кага, арттан кага”, - дип, үзе дә сизмәстән тамашачыны көлдерде.

Татар җырчылары арасында Интернетта җанатарлары тарафыннан төзелгән фан-төркемнәр саны буенча Радик Юльякшин беренче урында. ВКонтактеда җырчыга багышланган 390нан артык төркем теркәлгән. Шуларның иң зурысы – рәсми дип билгеләнгән төркемдә 98 700 кеше исәпләнә. Instagram челтәрендә фан-төркемнәр саны 72 дән артык. Фан-төркемнәр арасында иң кызыклысы - “Әни, мин борындык” дигәнендә кулланучылар аз, әмма анысы иң кызыклысы. Аны алып барган кыз Радик Юльякшин турында интим хикәяләр иҗат итә.

Кичә Татарстанда буран булды. Шул вакыт Лилия Хәмитованың "Буран дулый" җырын исенә төшермәгән татар кешесе булды микән? Җыры белән бергә Лилия дә искә төште. Кайчандыр бик популяр булган җырчы соңгы елларда сәхнәдә күренми бит. Хәзер ул ни белән мәшгуль? Нишләп югалган? Лилиянең үзе белән элемтәгә кердек.

Популяр җырлар авторы һәм үзе дә җырчы булган Гүзәлия көйләрне ничек яза, кайсы артистлар белән эшләргә ярата, тормышындагы иң якын кешесе кем, иң бәхетле чагы кайчан булган? Гүзәлия белән күзгә-күз очрашып әңгәмә кордык.

Популяр җырлар авторы Анна Попова 30 яшьлек юбилее уңаеннан төнге клубта зур кичә оештырды. "Татар-информ" дискотекадагы иң кызык биш яңалыкны һәм фотолар тәкъдим итә.

Татар эстрадасында берьюлы җырлый да, сөйли дә, алып бара да белгән артистлар бармак белән генә санарлык. Шуларның берсе – популяр артист Рифат Зарипов. Гастрольләрдән кайтып керми торган, мәңге армас-талмас Рифатны, ниһаять, "Татар-информ" редакциясендә күрү бәхетенә ирештек.

Айдар Галимов Казанның Жилплощадка бистәсендәге концертын шыгрым тулы залда уздырды.

Җырчы Ландыш Нигъмәтҗанованы интервьюга чакыру теләге аны инстаграмда күзәткәннән соң туды. Аның тормышы күз алдында - җырчы булып үсүен дә күзәттек, тормышка чыгуын да белдек, өч бала үстерүен карап торабыз. Ландышның үрнәк әни, соклангыч ханым булып җитешүе дә күз алдында булды.

Кайчандыр Татарстанда популяр булган җырчы Иделия Марсның хәзер Майамида яшәгәнен беләсездер. Аның белән якыннан аралашу мөмкинлеге булмаса да, җырчы Иделия үзен оныттырмаска тырыша. Күптән түгел ул Инстаграмда туры эфирга чыгып, гәүдәсен - формада, авырлыгын - нормада тоту серен әйтте.

Популяр җырлар авторы Анна Попова 30 яшьлек юбилее уңаеннан төнге клубта зур кичә оештыра. Чараның төп мәгълүмати иганәчесе булган "Интертат" Анна һәм аның җырларын башкаручы танылган артистлар белән сөйләште.

Җырчы Алсу Фазлыеваның Дубайда тәүлеге 24 500 сумлык отельдә ял итүенең үзенчәлекләре ачыкланды.

Бүгенге көндә китап уку – сирәк күренеш, әмма китап укыган кешенең теле бай, акыл дәрәҗәсе югары була, диләр. Һәрвакыт халык белән элемтәдә булган артистлар өчен мөһим бу. Без җырчыларга "Соңгы укыган китабыгыз нинди?" дигән сорау белән мөрәҗәгать иттек.

Артист халкын матур, дибез. Ә, чынлыкта, бу матурлыкның ничә сумга төшүен белмибез дә һәм күз алдына да китермибез. Җырчылар чәчтарашханә, косметолог, фитнес өчен аена ничә сум акча туздыра? Интертат сораштыру үткәрде.

Вилли псевдонимы белән чыгыш ясаучы җырчының кыяфәте, кыланмышлары Элвин Грейга охшавы турында язган идек. Вилли-Вилданның дусты Искәндәр Шакиров "Интертат"ка дәгъвасын белдерде. Аның әйтүенчә, Вилли Элвинга бөтенләй охшамаган, ә "Интертат" сенсация артыннан куа.