Башкортстанда яшәп иҗат итүче яшь татар җырчыларын барларга булдык. Татарстанда инде билгеле булган Филүс Каһиров, Ришат Төхвәтуллин, Радик Юльякшин, Гөлназ Асаева һ.б. искә алмадык. Без Башкорстанда инде популярлык яулаган, бүгенге көндә Татарстан сәхнәсенә беренче адымнарын ясаган татар җырчыларының иҗатлары белән таныштырабыз. Сезне Алмаз һәм Айдар Юнысовлар, Илнар Гильманшин, Айдар Ракипов, IZI, "Бәхетле" төркемнәре белән таныштырабыз.

19 сентябрь Татарстанның атказанган артисты, шагыйрә, күренекле композитор, журналист Тәслимә Низами үзенең иҗат кичәсен үткәрде. Габдулла Тукай исемендәге филармония залында оештырылган мәдәни чарада татар эстрадасы артистлары чыгыш ясады, ике бүлектән торган зур концертта авторның популяр җырлары яңгырады. Күп яклы сәләткә ия шәхесне котларга иҗатташ дуслары, туганнары һәм якташлары да килгән иде.

Татар эстрадасының популяр җырчысы Илназ Гәрәев тамашачылар күңеленә Илгәрәй булып килеп керде. Аның “Кара-каршы”, “Җәй кызы”, “Күрмәгәнгә салышма” җырларын күпләр хәтерли торгандыр. Җырчы "Интертат"ка үзенең иҗаты, тормышы һәм татар эстрадасы турында сөйләде.

Римма Никитина Казанның бер төнге клубында үзенең тәүге концертын бирде. Концертта тамашачы дүрт төрле Римманы күрде. Ул романтик та, кыю да, елак һәм шат күңелле итеп тә күрсәтте үзен. Концерт башланганчы “Татар-информ” хәбәрчесе Римма янына кереп, җырчының үзе, аның әнисе, игезәге һәм апасы белән әңгәмә корды.

"Бер төн эчендә дистәләгән, йөзләгән шалтырату булды, килгән хатларның санын төгәл генә әйтә дә алмыйм. Әлеге алым киң җәмәгатьчелектә шундый шау-шу уятыр дип уйламаган идек. Рәшит Ваһапов фонды, фестивале, шәхсән Рифат Фаттахов үзе, Рәшит Ваһаповны хөрмәт итми, дип әйтсәләр, мин бу сүзгә берничек тә җавап бирә алмыйм", - диде Рифат Фәттахов. Танылган продюсер "Интертат"ка ни өчен Рәшит Ваһаповның йөзен сызып ташлаган баннер урнаштыруы турында аңлатма бирде.

Татарлар җыр сәнгатендә камилләшеп киләләр, Башкортстан җырчыларына караганда аларның дәрәҗәсе югарырак. Ләкин башкортлар тәртиплерәк. Татар җырчылары кебек берсен-берсе чәйнәшеп, ямьсез сүзләр әйтешеп йөрми, ди Мирхәт Гайсин.

Җырчы Айгөл Гардисламованың “Болгар кызлары” триосыннан китүенә бер ел булды. Ялгыз җырлау әйбәтрәкме, әллә төркемдәме? Айгөл китүенә үкенмиме? Кызлар белән бүгенге мөнәсәбәтләре нинди? Айгөл бу хакта "Интертат"ка сөйләде.

Алмаз Мирзаянов үзенә "тамада" дип атауга каршы чыкты. "Мин артист, нәфис сүз остасы, бәйрәмнәр алып баручы" ди ул һәм үзенә тамада дип әйтүчеләрә карата бик катгый чаралар күрергә җыена.

Артык килограммнар - хатын-кыз өчен эч пошыргыч, кәеф төшергеч нәрсә. Ә таза ир-атлар бу проблемага нинди мөнәсәбәттә икән? “Интертат” хәбәрчесе иң таза егетләрне барлап, үзләреннән фикер сорады.

Танылган алып баручы Илшат Вакказов элек укытучы иде. Мәктәптән китәргә аны нәрсә мәҗбүр иткән? Бу хакта Илшат ачылып сөйләде.

"Интертат" электрон газетасында Татарстанның халык артисты Зөһрә Сәхәбиеваның җырчы Филүс Каһировка булган шелтәсе турында материал чыкканнан соң, укучыларыбыздан, социаль челтәрләрдә безне күзәтеп баручылардан күп фикерләр килде - берәүләр Зәһрә ханымның теләге дөрес дип саный, икенчеләр исә аңа катгый каршы чыга. Исегезгә төшерик: Зөһрә Сәхәбиеваның шелтәсе Филүс Каһировның Хәйдәр Бигичев җырларын рөхсәтсез җырлавына риза булмавыннан гыйбарәт. "Аның җырларын кабатларга кирәкми, Хәйдәр Бигичевнең үзен тыңласыннар", - дигән иде ул "Интертат" электрон газетасына биргән интервьюсында. Инде Татарстанның атказанган артисты Филүс Каһировның да бу шелтәгә карата фикерен сорадык.

Җәй – яллар чоры. Бүгенге көндә күп кенә җырчылар чит илләрдә ял итә. Күбесе инде барып кайтырга да өлгерде. Артистларның Instagram челтәрендә ял вакытында төшергән фотосүрәтләре яңарып тора, карап кына өлгер. Кайберәүләре үзләренең нинди отельдә торулары хакында мәгълүмәт тә бирә. “Интертат” хәбәрчесе җырчылар ял иткән отельләрнең бәяләрен белеште.

“Болгар радиосы” тыңлаучыларына кайнар яңалыклар җиткерүче Артур Фәләхов университетта укыганда ук Чаллы радиосында хезмәт куя. Алга таба ул шәһәр телевидениесендә корреспондент, аннары “Яңалыклар”да алып баручы булып эшли. Укуны тәмамлагач, армиядә хезмәт итеп кайта. 2013 елда Артур Казанга килеп, “Болгар радиосы”на урнаша.

Күпләр аның шәхси тормышы белән кызыксына, ләкин эстраданың талантлы җырчысы Эльвира Хамматова бу хакта ачылып сөйләргә яратмый. Шулай да, без аның кайбер планнары хакында белдек...

Беренче карашка, җырчы тәмәке тартмаска тиеш кебек - тәмәке тавышны бетерә бит ул! Әмма чынбарлык киресен исбатлый - җырчылар тәмәкене бик тә ярата бугай. Берәр концертта сәхнә артында торсаң, җырчыларның тәмәкене үз итүләрен аңлап аласың. “Татар-информ” хәбәрчесе җырчылар, белгечләр, гади кешеләр белән тәмәке турында сөйләште.

Берара эстрада җырчысы Гөлдания Хәйруллина телевизор экраннарыннан да да, сәхнәдән дә югалып торды... Хәзер яңадан иҗат дөньясына чумган ул. Бик күп концертларда катнаша, күптән түгел генә ”Шөкер ит булганына” җырына төшерелгән яңа клибы чыкты. Шушы көннәрдә “Татар-информ” хәбәрчесе җырчы белән бер хәйрия концертында очрашып, серләрен сорашты.

“Болгар радиосы”ның “Иртәнге чәй” тапшыруы бер айлык ялдан соң кабат эфирга чыкты. Аның алып баручылары Илфак Хафизов, Рөстәм Гайзуллин һәм Индира нинди планнар белән эшкә керешкән? Бу хакта “Иртәнге чәй” тапшыруының продюсеры һәм алып баручысы Илфак Хафизов белән сөйләштек.

“Ак чәчәкләр” фильмындагы җырны башкарган Зәринә Хәсәншинага күп егетләр мөкиббән. Шуңа да Зәринәнең шәхси тормышы турында беләсе килү теләге көчле. Шушы көннәрдә “Татар-информ” хәбәрчесе Зәринәне бер хәйрия концертында очратып, кияүгә чыгуы-чыкмавы турында сорашты.

“Гран-прига машина откач, кайбер дусларымның сөйләшүләре бөтенләй үзгәрде. Кара-каршы очрашканда, котлыйм, брат, дип, үзе кул суза, үзе “тизрәк китәргә иде” дигән кебек як-ягына карана. Андый вакытларда үземә дә уңайсыз. Озак вакыт кешедән читенсенеп йөрдем. Көнчелек шулай итә. Кеше өчен сөенә белми икән минем күп дусларым, дип нәтиҗә ясадым”, - дип сөйләде Рәнис Габбазов Интертатка.

Татар эстрадасына “Сөярмен” җыры белән килеп кергән Дилия Әхмәтшина - тыйнак җырчы. Аны тамашачы нәкъ менә тыйнак һәм моңлы булганы өчен яратты бугай. Дилия Мәскәүдә яши, әмма без аны Казанда "тоттык".

"Хәйдәр белән беркемне дә чагыштырып булмый. Ул киңкырлы җыр һәм опера сәнгатендә иң югары планка. Хәйдәрнең әзер репертуарын алып җырлаганда, аның исемен әйтмәүләренә рәнҗим. Гомумән, Хәйдәр җырларын яздырып, дисклар чыгаручыларга мин каршы! Аның җырларын кабатларга кирәкми, Хәйдәр Бигичевнең үзен тыңласыннар. Һәр җырчының үз репертуары булсын!" - дип сөйләде Зөһрә Сәхәбиева “Интертат”ка.

Камал театрында Салават Фәтхетдиновның 30нчы юбилей сезоны концертлары башланып китте. “Татар-информ” хәбәрчесе аның концерты вакытында сәхнә артында Татарстанның атказанган артисты, популяр композитор Фирзәр Мортазин белән бүгенге эстрада, дуслык, гаиләсе турында әңгәмә корды.

Соңгы вакытта тамашачылар татар эстрадасын тавышсыз җырчылар, мәгънәсез җырлар "басты" дип зарлана. Чыннан да, акчаңны түләсәң, тавышыңны көйләп "менә дигән" җырчы ясыйлар үзеңнән! Хәзер көн аралаш телевизор экранында пәйда булган җырчыларны хәтта истә калдыру да мөмкин түгел. Бүгенге татар эстрадасы күренешләре - замана таләбеме? “Интертат” шул хакта сораштыру үткәрде.

“Интертат.татар” дан чираттагы тест. Бу юлы җыр сүзләрен "чәйнибез". Әлеге тестта популяр җырчылар хитларының ике юлы бирелгән. Калган икесен бирелгән вариантлар арасыннан сайлап алырга кирәк.

Саба районы Югары Шытсу авылы егете җырчы Илсөя Бәдретдинова төркемендә булырмын дип уйлап та карамагандыр, мөгаен.Үзенчәлекле җырчының коллективындагы егетләр дә үзенчәлекле. Фәнзил дә шундый. Ул Интертатка Илсөя Бәдретдиновада эшләүнең ни икәнен сөйләде.

2017 елның 15 сентябрендә "Барс Медиа" белән килешү төзедек. Акчасын вакытында түләдем. Ике көн үткәч, эшне башлап җибәрдек. Килешү буенча алар миңа клипны 30 көн эчендә, ягъни 1 айдан соң әзерләп тапшырырга тиешләр иде. Бер ай көттем, ике ай, өч... әле дә көтәм. Алар миннән тизрәк котылу өчен өч тиенлек клип җибәрәләр. Алар җибәргән клипның сыйфаты миңа ошамый. Әзер клип һаман юк. Документаль рәвештә клипны кайчан кулыма тапшырырлар, билгесез, дип сөйләде яшь җырчы Айдар Рәкыйпов Интертатка.

Камилла аралаша башлаганда нинди иде, һаман да шундый, чын. Төс-кыяфәте ягыннан да башкаларга охшамаган, икенче төрле экзотик чибәр, дип тәмләп сөйләде Айдар үзенең сөйгәне турында Интертатка.

Күптән түгел Казандагы бер затлы ресторанда җырчы Рамил Закиров һәм сөйгәне Илүзәнең туйлары узды. Туйны “Татар радиосы” ди-джее Рамил Шәрәфиев алып барган. Туйны кавышкан яшь пар бик оригиналь рәвештә - бассейнга сикереп тәмамлаган.

Күптән түгел генә Гөлсирин Абдуллинаның югары уку йортын тәмамлап, зәңгәр диплом алуы хакында язган идек. Җырчының зәңгәр төстәге дипломы укучыларыбыз арасында шау-шу уятты. Гөлсириннең продюсеры да ризасызлык белдерде. "Шаккатмалы хәл, инде Гөлсирингә дә кызыл диплом бирмәгәч... Башкалар үпкәләмәсен, әмма Венера Ганиеваның быелгы чыгарылышы арасында профессиональ сәхнәдә иң зур уңышка ирешкәне Гөлсирин Абдуллина!" - диде Рифат әфәнде Фәттахов Интертатка.

Тумышы белән Казаннан булган җырчы МакSим июнь аенда билгесез срокка иҗади ялга китүе турында белдерде. Фанатлары өчен бу яңалык аяз көнне яшен суккандай булды. Иҗатының һәм гомеренең чәчәк ату чорында җырчы сәхнәне ташларга карар кылган. Әле бит 10 июньдә генә үзенең 35 яшьлек юбилеен үткәргән иде һәм иҗатын яратучыларга яңа материаллар әзерләгән иде.