Россиянең 17 төбәгендә сукбай хайваннарга эвтаназия ясауны, «йоклатуны» законлаштырдылар. Бу хакта РБК сайтына сылтама белән РИА Новости яза.
«Хәзерге вакытта мондый законнар 15 субъектта гамәлдә, тагын 2 төбәктә: Мордовиядә һәм Хакасиядә озакламый гамәлгә керәчәк», – диелә хәбәрдә.
Мондый чаралар 2023 елда төбәкләр сукбай хайваннар белән мөстәкыйль эш итү хокукы алгач кертелә башлады.
Баштарак гаиләләрне саклау комитеты рәисе Нина Останина җитәкчелегендә депутатлар төркеме сукбай хайваннардан янаган куркынычлардан гражданнарның гомерен һәм сәламәтлеген саклау турында закон проектын Дәүләт Думасына керткән иде.
Исегезгә төшерәбез, соңгы арада эт талау аркасында фаҗигаләр күбәйде.
- Этләр талап үтергән Жаннаның ире Рөстәм: «Кеше итен ашаган эт качкан булса, бик куркыныч»
- 8 яшьлек кызга паркта этләр өере һөҗүм иткән
- «Тире кисәкләрен эт ашказаныннан алдылар». 9 яшьлек малайны этләр талап, йөзен өзгәләгән
- Кыз баланы эт талаган
- Мәктәпкә барырга чыккан кызны этләр талап, баш тиресен салдырган, битен тешләгәннәр
