Хакасиянең Шира авылында 8 яшьлек кызга этләр өере һөҗүм иткән. Баланың башы, бите, тәне яраланган. Бу хакта төбәк буенча Тикшерү комитетына сылтама белән РИА Новости телеграм-каналы хәбәр итә.
Бу хәл кыз парк аша мәктәпкә барганда була. Этләрне узып баручы бер хатын-кыз куып җибәргән. Кызны хастаханәгә алып киткәннәр.
Бу өердәге этләрнең кайберсе шушы парк янында шәхси йортта яшәүче бер хатын-кызныкы булган. Җирле халык сүзләренчә, этләр йорт территориясеннән еш чыгып китә һәм үзләрен бик ярсу тота.
«Ваемсызлык» буенча җинаять эше ачылган.