Бүген төнлә Башкортстанның Чишмә район үзәгендәге авариядә популяр блогер, 3 бала әнисе Диана Сәфәрова-Юнысова һәлак булды.
«Комсомольская правда» язуынча, кунактан кайтып барган Диана автомобилен бәрдергәннәр. Юл инспекторлары әлегә комментарийлар бирмәде.
Диана Сәфәрова Чишмәдә яшәгән, 3 бала – ике игезәк малай һәм олы кызын ялгызы тәрбияләгән. Аның блогы башта рецептлар, дөрес туклану темасына багышланган иде. Аннары ул көлкеле вайннар һәм балаларының тормышын күрсәтә башлады. Блогына 80 меңнән артык кеше язылган.
Диана Сәфәрованың ирләр, аерылышуы һәм ничек яхшы ир табарга, кияүгә чыгарга дигән шаян вайннарын укучылары бик яратып кабул итә иде.
«Агыйдел дулкыны» «Телеграм» каналы хәбәр итүенчә, Диана Юнысова – Бөтендөнья татар конгрессының Башкортстандагы вәкиллеге оештырган «Татар Дресс» проектында катнашкан.
Диана – җырчы Әнвәр Нургалиевның туганы. Ул: «Гаепле кешегә – тәмугта янарга», – дип язган.
- «Китмә, дидем би-и-ит» – Әнвәр Нургалиевның өч балалы сеңлесе, популяр блогер Диана һәлак
- Гүзәл Хөснетдинова Диананың үлеме турында: «Сабыйлары уянып, «әни кайда» дип сораячак»
- «Балаларына да күрсәтергә булдылар» – Чишмәдә Диана Сәфәрова белән хушлашалар
- «Ул миңа абый да, дус та»: Диана Сәфәрова Әнвәр Нургалиев турында сөйли – видео
- Диана Сәфәрованы соңгы юлга озатканнар – видеолар
- Диана Сәфәрованың үлемендә катнашы бар дип шикләнелгән кешене тоткарлаганнар
