Авариягә эләгеп һәлак булган 33 яшьлек Диана Сәфәрова белән Әнвәр Нургалиевның Уфадагы концертында «Туган тел» телеканалындагы «Сер итеп кенә» тапшыруы алып баручысы Роза Хәйруллина сөйләшкән булган.
«Диана Сәфәрова фаҗигале рәвештә бакыйлыкка күчте. 3 сабый әнисез калды. 2021 елда Диана белән әңгәмәләшкән идек. Бик ачык, чиста күңелле иде ул. Диананың якты истәлегенә багышлап, әңгәмәдән бер өзек», – дип, әлеге видеоны тапшыруның социаль челтәрдәге сәхифәсенә куйганнар.
Роза:
Сезнең каршыгызда – Әнвәр Нургалиевның бертуган апасының кызы, билгеле блогер. Аны «Диана дөрес туклану» дип күпләрегез белә. Диана, карап торам, син монда бик күп вазифалар башкарасың. Әнвәр абыйга ярдәм итәргә килдеңме син? Аның төркемендә эшлисеңме?
Диана:
Ярдәм дә итәм, таяныч та булырга тырышам, концертын да яратып карыйм.
Роза:
Син камера тотып төшереп йөрисең, тәнәфестә флешкалар сатасың. Син аның төркемендә рәсми эшлисеңме? Эш хакы түлиләрме сиңа?
Диана:
Әйе.
Роза:
Син һәр шәһәргә гастрольләргә йөрисеңме?
Диана:
Бөтен гастрольләрдә дә йөрим
Роза:
Алайса син аның турында сөйләп кит әле. Нинди абый ул?
Диана:
Иң яхшы күңелле, иң якын абый. Ничек дип әйтим икән тагын.
Роза:
Ул сезгә ничек ярдәм итә? Сез аңа, күбесенчә, киңәш сорап мөрәҗәгать итәсезме? Матди ярдәм сораганыгыз бармы?
Диана:
Ул миңа абый да, әни дә, әти дә, дус та. Бөтен яклап та ярдәм итә.
- «Китмә, дидем би-и-ит» – Әнвәр Нургалиевның өч балалы сеңлесе, популяр блогер Диана һәлак
- «Гаепле кешегә – тәмуг»: Блогер Диана Сәфәрова авариядә һәлак булды
- Гүзәл Хөснетдинова Диананың үлеме турында: «Сабыйлары уянып, «әни кайда» дип сораячак»
- «Балаларына да күрсәтергә булдылар» – Чишмәдә Диана Сәфәрова белән хушлашалар
- Диана Сәфәрованы соңгы юлга озатканнар – видеолар
- Диана Сәфәрованың үлемендә катнашы бар дип шикләнелгән кешене тоткарлаганнар