Радик Юльякшин (Элвин Грей) үзенең Инстаграм челтәрендә Гүзәл Уразова караклыкта гаепләп язма урнаштырган иде.

Шагыйрь юбилееннан соң эстрада һәм шигърият турында уйланулар.

Түбән Кама татар дәүләт драма театры кыю адым ясады: Әлмәндәр карт ролен башкарган Шәүкәт Биктимеров киткәннән соң кагылгысыз булып тоелган «Әлдермештән Әлмәндәр» спектаклен сәхнәләштерде. Спектакльнең беренче тамашачылары арасында безнең хәбәрчеләребез дә бар иде.

Татарстанда әле кино күп төшерелми, аларның сыйфаты да гел сөендереп тормый. Профессиональләр да күп түгел. Ә артистның кинода төшәсе килә. Бу табигый. Кино - Мәскәү драма артистларының ипие дә, популярлык чыганагы да. Ә безнең драма артистлары өчен тегесе дә, монысы да бик елмаймый. Шундый вазгыятьтә кайбер татар артистларын Мәскәү проектыннан баш тартырга нинди хисләр этәрде икән?

Нияз Игъламов татар милләтен һәм аның сәнгатен глобаль фикерли ала торган милләтпәрвар татар яшьләре генә коткара ала, дип саный. Безнең буынга ышаныч юк, бигрәк тә өлкән буынга, ди. Яңа буын татар яшьләре татар мәдәниятенә, теленә, халыкка тугрылыклы булырга, әмма Сидней белән Нью-Йорк барлыгын, Сидни Поллак белән Чак Паланик барлыгын, Исхакыйның Достоевский белән Горькийдан өйрәнүен белергә тиеш. Дөнья культурасын белсәң генә, үз мәдәниятеңне этәрә аласың, дигән фикердә Нияз.

Татарстан журналистлары "Русское" кинокомпаниясе рөхсәте белән Казан университеты алдында "Зөләйха күзләрен ача" сериалын төшергәнне тамаша кылдылар.

Кичә Г.Кариев исемендәге татар дәүләт яшь тамашачы театры яңа сезонын "Алтын битлек" милли театр премиясе лауреаты Нурбәк Батулланың перформансы белән ачып җибәрде. Әмма бу перфоманс татар җәмәгатьчелеге вәкилләре арасында шау-шу куптарды: кайберәүләр аны милләтнең символларын бетерү фалы дип бәяләделәр. "Татар-информ" мәгълүмат агентлыгы тамашачыларның фикерләрен туплап, перфомансның чын идеясен ачыкларга тырышты.

Композитор Эльмир Низамов - соңгы ун елда музыка дөньясына гына түгел, гомумән, татарлар дөньясына ташкын булып килеп кергән иҗатчы. "Шәһәрчеләр" кавеменең иң нәтиҗәле эшләүче вәкиле, дияргә була.

“Зөләйха күзләрен ача” сериалында Мортаза нинди булачак? Татар ир-аты Мортаза Мәскәү күзлегеннән нинди булып тасвирланачак? Әлегә бу билгесез. Хәбәрчебез Мортаза ролен башкарачак актер Рамил Сабитов белән аралашып, Мортаза образын күзалларга тырышты.

“Сөембикә” операсының авторлары Казан ханлыгының соңгы символын җимерделәр. Сөембикә ханбикәне гап-гади татар хатыны итеп күрсәттеләр. Милли опера премьерасында булган хәбәрчебез Рузилә Мөхәммәтова Бөек дәүләтнең зур сәясәтен алып бара торырга тиешле Ханбикәнең сөяркәсе белән яратышкан, хатынлык вазифаларын үтәмәгән өчен ире тарафыннан көчләнгән, гади хатынга төшү процессын күреп кайтты.

"Тыпыр-тыпыр грамматика" һәм "Инкыйраз таймер"ны күргәнегез бардыр? Аларның авторы - дизайнер Илдар Әюпов.

Тукай исемендәге Әтнә татар дәүләт театры үзенең 100 еллык юбилее уңаеннан "Татар-информ"да матбугат конференциясе үткәрде. Бүген без театрның иң тәҗрибәле артистларының берсе Марат Хәбибуллинның журналистлар алдындагы чыгышларын бирергә булдык. Чөнки бу чыгышлар үзе бер моноспектакль. Афәрин, Марат абый! Без сезне бик яраттык.

Кама ярының оҗмахтай бер урынына вакытлыча Мәскәү рөхсәте белән генә үтеп кереп була – Лаеш шәһәре янында “Россия 1” каналы “Зөләйха күзләрен ача” сериалын төшерә. “Русское” кинокомпаниясе “Татар-информ” хәбәрчеләренә берничә сәгать дәвамында кино төшерү төркеменә һәм артистларга комачаулап йөрергә рөхсәт иттеләр. 

Илгиз Зәйниев - "шәһәрчеләр"нең театрдагы хәзинәсе. Күпкырлы һәм күп эшләүче иҗатчы: талантлы драматург һәм режиссер буларак билгеле.

Бүгенге халәтебезгә туры килгән иң милли киноны, гафу итегез... “Мунча ташы” төшереп ята. Ул “Яу” дип атала һәм әлегә ул тулысынча эшләнеп бетмәсә дә, авторлары аны Казан халыкара мөселман киносы фестиваленә тәкъдим иттеләр. Фильм тамашачыга Милли бәйге кысаларында күрсәтелде - кинофестиваль кинозалларының берсендә премьера алды күрсәтүе буларак тәкъдим ителде.

Казан кинофестивале - безнең хәбәрчебез күзлегеннән.

Соңгы арада татар дөньясын мәдәни яктан да, рухи яктан да иң нык баеткан шәхесне атагыз, дисәләр, мөгаен, Нурбәк Батулланы атап булыр иде. Нурбәк - татар тарихы турында биеп, данлыклы "Алтын маска" алган шәхес. Батуллалар бергәләп тә, аерым-аерым да игътибарга лаек. Язучы Марат Кәбиров, Рабит, Нурбәк һәм Байбулат Батуллаларга ишарәләп: "Татар бетми. Татар үрчи. Татарлар - ялкын алар. Элек бер Батулла иде, хәзер өч Батулла бар", - дип язды. "Шәһәрчеләр" проектының чираттагы герое - Нурбәк Батулла.

Галим, драматург Илшат Сәетов - моннан 13 ел элек, фикердәшләре белән берләшеп, "Үзебез" яңа буын хәрәкәтен һәм Казанда "Мин татарча сөйләшәм" проектын башлап җибәргән шәхесләрнең берсе. Бу акция хәзер Казан кысаларыннан чыкты - Татарстанның барлык шәһәрләрендә, Россия күләмендә, хәтта башка илләрдә үткәрелә. Быел Илшат Сәетов үзен драматург буларак та күрсәтте - аның "Ку" спектакле татар шәһәр зыялы яшьләрен үзбилгеләнү, милләтнең киләчәге турында уйланырга һәм фикерләргә мәҗбүр итте.

Казанда халыкара мөселман киносы фестивале башланды. Журналист Рузилә Мөхәммәтова быелгы фестивальгә күзәтү ясый.

"Татар-информ" мәгълүмат агентлыгы махсус проект башлый: “Шәһәрчеләр”. Шәһәрчеләр - яңа буын татар иҗатчы яшьләре. Алар XXI гасырда яңа татар мәдәниятен булдыручылар. Алар - глобальләшү шартларында, шәһәр мохитында татар халкының тоткан урынын яңача күрүчеләр. Татар халкы аксакалларсыз, ил агаларысыз яшәргә мәҗбүр булган заманда бу яшьләрнең фикере киләчәккә өмет уятамы? Шәһәрчеләрнең төп вәкиле дип без шагыйрә Йолдыз Миңнуллинаны атыйбыз. Яңа хәрәкәт Йолдыздан башланды, шуңа “Шәһәрчеләр” проекты бары тик Йолдыз Миңнуллинадан гына башлана ала. Башкача мөмкин түгел.

Казанның Камал театры залында Салават Фәтхетдиновның 30 нчы юбилей сезоны концертлары башланып китте. Беренче концерттан хәбәрчебез фикерләре.

Татар язучыларының традицион җәйге йөзүләренә безнең хәбәрчебез карашы.

Гомере буе театр дип яшәгән – татар театрының артисты, режиссеры һәм драматургы булган, Камера театры дип хыялланган Гафур Каюмовның 60ы туларына җиде ай кала халык театрының сәхнә артында фаҗигале төстә гомере өзелә. “Татар-информ” татар драматургия дөньясында югары бөеклекләргә күтәрелгән һәм иҗади яктан “янып бетеп” мосафирлыкка чыккан, ахыр чиктә туган ягына кайтып егылган татар шәхесенең тормышына һәм иҗатына күзәтү ясады.

Салават утызынчы концерт сезоны алдыннан "Татар-информ"да журналистлар белән очрашты.

Тинчурин театры Туфан Миңнуллин скетчлары буенча моннан 40 ел элек куелган «Алай түгел, болай ул» спектаклен яңадан чыгарды.

Театраллар, игътибар итәсезме - соңгы елларда Тинчурин театры сүнеп бара. Ул төрле дәрәҗәдәге фестивальләргә әллә катнашмый, әллә катнашып та җиңми. Театраль җәмәгатьчелектә танылу алган премьералар да юк. Кайчандыр дөнья шаулатып күчмәлектән стационар статусы алган, татар халкының бөек шәхесе Тинчурин исеме бирелгән, шәһәр үзәгендәге затлы бинасын менә дигән итеп ремонтлаткан, әле уйнап йөргән чагында ук татар театрының легендасына әверелгән Исламия Мәхмүтова эшләгән театр сүнеп бара.

Татарстанда бүгенге заманда ике хатынлылык темасына кино төшерелә.

"Татар-информ" Лаеш районына барып, Сәмруг авылы һәм аны төзүчеләр белән танышып кайтты.

Өч китап чыгарып, бестселлер авторы булган Айгиз Баймөхәммәтов белән әңгәмә.

Хәбәрчеләребез Әтнә районында узган театраль сабантуйда булып кайтты.