«Илгиз ил гизә» влогының җиденче чыгарылышында Илгиз Шәкүров ислам дине белгече булу өчен кайда укырга кирәклеген ачыклый. Яңа чыгарылышта: ни өчен яшь муллалар авылга кайтмый? Дин әһелләренә спорт белән шөгыльләнү нәрсәгә кирәк? Мулла хатыннары тавыш чыгарамы?

Бу юлы Илгиз Шәкүров «Татар кызы» конкурсында катнашучылар янына кунакка барган. Чын «Татар кызы» нинди булырга тиеш? Бәйгедә катнашучылар тормышта татарча сөйләшәме? Кызлар ни өчен елый һәм «шорты» кими? Бөтен җаваплар - видеода!

Татарстанда яшәгән һәр кешенең бер генә тапкыр булса да «Сәләт» турында ишеткәне бардыр. Җәй саен Биләрдә «Сәләт»нең уку-укыту форумнары уза. Влогның әлеге чыгарылышы шул форумнарның берсендә төшерелгән.

Кызының кабере янына әнисе Фәния апа килгән.

Влогның бу чыгарылышында Илгиз Шәкүров Нурминский исемле егет белән таныштыра. Кем ул дисезме? Влогны карагыз!

«Илгиз ил гизә» влогының икенче чыгарылышы республиканың иң зур Сабан туенда төшерелгән. Ул ел саен Саба районы Миңгәр авылында уза. Әмма Сабан туемы соң ул? Әллә акча туемы?

2018 елның иң истәлекле вакыйгаларының берсе - Футбол буенча Дөнья чемпионаты. «Илгиз ил гизә» влогының өченче чыгарылышы Казандагы җанатарлар фестивалендә төшерелгән. Татарларга футбол кызыкмы?

Җәй җитүгә һәр татар кешесенең иң көтеп алган вакыйгасы - Сабан туе. Бу милли бәйрәмебезнең нинди генә төрләре юк хәзер. Саба районы Миңгәр авылында республикадагы иң зур Сабан туйларының берсе уза. Быел Миңгәр Сабан туе кысаларында көрәш буенча Дөнья чемпионаты да үтте.

Влогның беренче чыгарылышы Әтнә районында төшерелгән. Проект авторы Илгиз Шәкүров Әтнә спорт мәктәбенең футбол командасына йөрүче малайлар һәм аларның остазлары Минтаһир Вәлиуллин белән таныштыра. Влогта команданы борчыган иң зур проблема, тренерның хезмәт хакы һәм авыл баласыннан чын футболчы чыга аламы дигән сораулар күтәрелә.

Язучы, драматург, шагыйрь, композитор, автор-башкаручы Зөлфәт Хәким "Татарстан - Яңа гасыр" каналында чыга торган «Ком сәгате» тапшыруында катнашты. Тапшыруда әдип уңышка ирешү серләре, ришвәтчелек, бәйрәм итү турында үз фикерләрен белдерде.

Кышкы салкын кичләрдә тәнгә генә түгел, җанга да җылылык кирәк. Җылы кичәләр, җылы кешеләр белән очрашулар, җылы сүзләр. 15 декабрь көнне Кәрим Тинчурин исемендәге Татар дәүләт драма һәм комедия театрында әнә шундый бер кичә узды. Татарстанның атказанган артисты Лилия Мәхмүтованың иҗат кичәсе иде ул.

Казандагы берәр урамга Татарстанның һәм Башкортстанның халык артисты Хәния Фәрхи исеме бирелергә мөмкин. Җырчының иҗатын яратучылар, шуны сорап, интернетта петиция ачкан. Якын арада тамашачылар башкала мэриясенә гариза белән мөрәҗәгать итәргә җыена.

Язучы, публицист, җәмәгать эшлеклесе. Тәүфикъ Әйдине кем генә дисәң дә аз кебек. Әдипнең гади укучы өчен билгеле булмаган сыйфатлары күп булган. Моны без аның замандашлары сөйләгән хатирәләрне ишеткәч аңладык.

Instagramның күпчелек татар телле кулланучыларына Айзилә Вахитова исеме яхшы таныш. Популяр татарча җырларны фортепианода уйнап башкаручы һәм җырлавын видеога төшереп интернетка кертүче бу кызның тавышы күпләрне таң калдыра. Айзилә эстраданың танылган җырчылары белән дә эшләргә өлгергән инде. Үзе белән якыннан танышу һәм интернет аның тормышын ничек үзгәртүен белү өчен аны агентлыгыбызга чакырдык.

Хәзер татар җырчылары рус тамашачысының күңелен күрергә омтыла. Elvin Grey, башкорт һәм татар телләреннән кала, русча да җырлар яздыра. Илназ Сафиуллин татар телендәге берничә җырын русчага тәрҗемә итеп башкара. Менә шулай татар җырчылары җырларын русчага әйләндергәндә, милләте буенча удмурт булган Николай Анисимов татар җырларын үз телендә яңгырата. Иң кызыгы шунда: ул җырлар удмурт халкында бик популяр.

Казанда «Төркиләр алтыны» II Бөтенроссия яшьләр форумы уза. «Татар-информ» хәбәрчесе форумның берничә катнашучысы һәм аларның проектлары белән танышты.

Һәр милләттәге кебек, татар шоу-бизнесы иң тиз хәрәкәтләнә торган өлкәләрнең берседер, мөгаен. Артист халкы тамашачыны яңа күренешләр белән шаккаттырып кына тора. Үз идеяләре бетсә дә, югалып калмыйлар: башка ил йолдызлары нәрсә кылана, безнекеләр дә шуны эшли. «Интертат» электрон газетасы соңгы арада татар эстрадасында күзәтелгән кабатлау очракларын туплады.

Бүген әдәбиятның әһәмияте көннән көн югала, диләр. Әмма дөньяда иҗат тукталып тормый. Иҗатчылар яши, аларның саны арта, олыларны яшьләр алыштыра. Гөлүсә Батталова − Әтнә районында яшәүче шундый иҗатчыларның берсе. Күптән түгел аны Татарстан язучылар берлегенә дә алдылар.

Бар нәрсә хәрәкәттә булган кебек, татар эстрадасы да бер урында гына тормый. Җырчы Илназ Сафиуллин Russian MusicBox телеканалы премиясенең финалисты булды. Моңа кадәр татар эстрадасыннан эстрадада мондый уңышка беркемнең дә ирешкәне юк иде. «Интертат» бу хакта Илназның үзе белән сөйләште.

Капка төбе, үлән һәм чалгы. Саба районы халкының җәй айларын әлеге өч сүз тулаем ачып бирә кебек. Күптән түгел кайбер матбугат чаралары бу районда «яңа» кагыйдәләр кертелүе турында сөйләде. «Сабаның капка төпләрендә үсә торган үлән 15 смдан артмаска тиеш, арткан очракта − штраф», − диде алар. Әлеге яңалык дөресме? Җитәкчелек «яңа» кагыйдәләрне ничек аңлата? Халыкның моңа карата фикере нинди? Бу һәм башка сорауларга җавап эзләп, юлга кузгалдык.

Болгарда Мөселман яшьләренең IV форумы кысаларында Сабан туе узды. Бәйрәмдә ТР мөселманнары Диния нәзарәте рәисе, мөфти Камил хәзрәт Сәмигуллин да бар иде. Мөфти үзен чүлмәк вату уенында сынады һәм "Татар-информ" хәбәрчесенә мөселманнарга Сабан туенда катнашу тыелмавы турында сөйләде.

Күпләр Казанга ял итәргә дип килә дә, Бауман урамы, Кремль, андагы яр буеннан ерак китә алмый. Ә бит башкалада вакытны күңелле уздыру өчен башка кызыклы җирләр дә бар. Intertat.ru Казанда гаилә белән ял итү өчен үзенчәлекле урыннарны барлады.

«Иҗатымның уңышы − ихласлыгымда», − ди ул үз иҗаты турында. Исеме күпләргә таныш автор-башкаручы Оксана Ильюп белән үзешчән иҗат, альбом чыгару, зур сәхнәгә менү турында сөйләштек.

Үз тыңлаучыңны булдыру өчен көн-төн сәхнәдә булмасаң да, радио-телевидение аша тамашачыга барлыгыңны белдереп тормасаң да була. Чаллыда яшәүче җырчы Фларид Минкаһиров моның шулай булуына ачык мисал. Интертат электрон газетасы cезне сәнгать дөньясыннан үзешчәннәр белән таныштыруын дәвам итә.

Татарстанның Балтач районы үзәгендә яңа зират узган елның июнь аенда ачылган. Тик бүгенге көнгә кадәр анда бер кеше дә җирләнмәгән. Безгә килеп ирешкән мәгълүматлар буенча, яңа зиратта кешеләр күмелмәүгә халык арасындагы сүзләр сәбәпче. Имеш, яңа зиратка беренче күмелгән кешенең бөтен нәселе корый...

Кешенең кесәсеннән җиргә төшеп киткән акча янчыгын урлыйлармы, әллә хуҗасына кайтаралармы? Шуны ачыклау максатыннан "Intertat.ru" социаль эксперимент уздырды.