Һәр милләттәге кебек, татар шоу-бизнесы иң тиз хәрәкәтләнә торган өлкәләрнең берседер, мөгаен. Артист халкы тамашачыны яңа күренешләр белән шаккаттырып кына тора. Үз идеяләре бетсә дә, югалып калмыйлар: башка ил йолдызлары нәрсә кылана, безнекеләр дә шуны эшли. «Интертат» электрон газетасы соңгы арада татар эстрадасында күзәтелгән кабатлау очракларын туплады.

26 сентябрьдә игезәк җырчы кызлар Рамилә һәм Рәзилә Батыроваларның берсе - Рамилә әни булды. Кыз балага матур исем дә сайлап куйганнар.

Казанның Спорт Сараенда Татарстанның халык артисты Зәйнәб Фәрхетдинованың юбилей концерты узды. Татар эстрадасы кызлары юбилярга истәлекле һәм телне йотарлык бүләк ясады - торт бүләк итте. Чарада "Татар-информ" хәбәрчесе дә катнашты.

Көз җитү белән эстрадада яңа сезон ачыла, артистлар тамашачыга җәй буе әзерләгән яңа программасын тәкъдим итә башлый. 28 сентябрь көнне Казанда эстрада сезоны ачылды.

Кичә "Вечерний Ургант" тапшыруында, очраклы рәвештә генә Нюшаның үз туенда Хәния Фәрхи репертуарыннан җыр башкаруы билгеле булды. Сүз нинди җыр турында баруын белергә теләп, "Татар-информ" хәбәрчесе Нюшаның тормыш иптәше Игорь Сивов белән элемтәгә керде.

“Вечерний Ургант” тапшыруында җырчы Нюша яшерен үткән туйларында сюрприз турында сөйләде. “Шәхси тормышыңны сакларга кирәк”, - дип аңлатты ул бу серлелекнең сәбәбен аңлатып.

Татарстанның атказанган артисты Лилия Муллагалиева Мәскәүне шаккатырып кайтты. Җырчы бөтен Останкинога "Гөлҗамал"ны яңгыратуын һәм әле дә шул көн хисләре белән яшәве турында сөйләде.

Казанда татар эстрадасы йолдызларыннан оешкан "Кызлар пати"ның чираттагы очрашуы узды. Бу юлы "Кызлар пати" "Кызыл пати"га әверелде, кызлар алдан сөйләшеп, төнге клубка кызылдан киенеп килде...

Хәния Фәрхинең вакытсыз вафатыннан соң, “Татарстанда “Бәйрәм” бетте” дип сөйләде халык. Моны ике мәгънәдә аңларга кирәк. Икенчесе – легендар ансамбльнең язмышы белән ни булыр дигән сүз. Таралырмы, яңарырмы?

23 сентябрь көнне Р.Ваһапов фестиваленең Яшь башкаручылар конкурсы гран-при иясе Рәнис Габбазов Казан кызы Гөлия Сагиева белән гөрләтеп туй итте. Гадәттә, кияү белән кәләшне кочак-кочак чәчәккә күмәләр, ләкин бу туйда яшьләргә чәчәк бүләк итүче булмаган.

Уфаның Көньяк зиратында җирләнгән Татарстанның һәм Башкортстанның атказанган артисты Вәсилә Фәттаховага һәйкәл куелды. Бу хакта Intertat.ru хәбәрчесенә Вәсиләнең ире Илгиз Габдерәкыйпов хәбәр итте.

Бар нәрсә хәрәкәттә булган кебек, татар эстрадасы да бер урында гына тормый. Җырчы Илназ Сафиуллин Russian MusicBox телеканалы премиясенең финалисты булды. Моңа кадәр татар эстрадасыннан эстрадада мондый уңышка беркемнең дә ирешкәне юк иде. «Интертат» бу хакта Илназның үзе белән сөйләште.

Җырчы Лилия Хәйруллина "Мин дә кошлар нәселеннән" исемле яңа җыентыгын һәм "Тәкыяләр" җырына төшерелгән клибын тәкъдир итте. Күпләр клипта төшкән ир-егетне җырчының тормыш иптәше дип уйлады.

Ришат Төхвәтуллинның продюсеры Рифат Фәттахов белән ызгышуы җырчының иҗатын яратучыларга күптән мәгълүм. Бәхәс башлыча җырчының иң популяр җыры – “Тыңлачы, сандугач”ны бүлешүгә бәйле. Җырның хокуклары продюсерында булгач, Ришат Төхвәтуллин бу җырның сүзләрен үзгәртеп җырлый.

Танылган җырчы, популяр жырлар авторы Мурат Гайсин ике ай эчендә 22 килограммга ябыккан. Сер түгел, ябыгырга күптән теләде. Тик мондый нәтиҗәне ул үзе дә, якыннары да көтмәгән.

Татар эстрадасы җырчысы Ринат Рәхмәтуллин әнисен югалтты. 6 сентябрьдә Буа районы Түбән Наратбаш авылында яшәүче Нурия апаның китүенә бер ай булды. Ул инфаркт булып, 79 яшендә мәңгегә күзләрен йомды. Ринат ул кайгылы көн турында intertat.tatar хәбәрчесенә сөйләп, кабат күңелендә яңартты.

Җырчы Азат Абитовның өр-яңа "Онытыл" җырының клибын күргәч, әнә шундый сүзләр йөри башлады. Клипта төшкән төп героиня Айбикә - Азат Абитовның продюсеры Рифат Фәттаховның кызы.

Интернет челтәрендә җырчы Гөлназ Асаева турында "наркотик маддәләр кулланып, Уфадагы төнге клубта тавыш куптарган" дигән мәгълүмат пәйда булды. Әмма Гөлназ "инцидент булды, ләкин мин берни дә кулланмадым, ул көнне, гомумән, рульдә идем", - дип, бу мәгълүматны кире какты.

20 еллар элек үк Габделфәт Сафинның “Кычыткан чыпчыгы” дигән бик популяр җыры бар иде. Күптән түгел исә Рифат Зариповның шундый ук исемдәге җыры барлыкка килде. Җырның атамасы гына түгел, кайбер юллары да кабатлана – икесендә дә “кычыткан чыпчыгы” сүзтезмәсе “яратуның чып-чыны” сүзләре белән рифмалаша.

Җырчы Алинә Шәрипҗанова Татарстан Республикасының атказанган артисты исеменә лаек булды. Алинәне әлеге сөенечле хәбәр белән котлап үзенә шалтыраттык. Җырчы гаиләсе белән диңгездә ял итә икән.

"Мәйдан" каналы уздырган “Казан кичләре” концертын "интерактив концерт" дип атадылар. Җырчылар җырлап кына калмадылар, тамашачыларның һәм алып баручыларның сорауларына да җавап бирделәр.

Татарстанның атказанган, Башкортстанның халык артисты Идрис Кәлимуллин тормыш иптәше, скрипкачы Гүзәл Кәлимуллина белән аерыла, бергә тормыйлар, дигән сүзләр килеп иреште.

Башкортстанда яшәп иҗат итүче җырчы Флорида Исмәгыйлева бөтерчек кебек кечкенә, тиктормас, шулкадәр ачык, киң күңелле ханым! Сәхнәдә нинди гади булса, тормышта да шундый икән ул! "Йолдыз чире"нең, икейөзлелекнең әсәре дә юк анда.

"Яратам сүзсез генә" җырына төшерелгән клипта артистларның беренче тапкыр төпчек уллары Ильяс та уйнаган.

Тамашачы күңеленә үтеп керерлек, хит булырлык татар җыры ничек языла? Бүгенге татар эстрадасына нәрсә җитми? Танылган җырчы-energizer Фирдүс Тямаевтан рецепт.

"Интертат" электрон газетасы кызыклы видеоны кулга төшерде. Җырчы Ришат Төхвәтуллин өр-яңа җырын - "Мин бәхетле"не яңа амплуада башкара.

Татар эстрадасының җырчылары һәм шул өлкәдә кайнаучы кызлар "Кызлар пати" кичәләре оештыра башлады. Гадәттә, бу очрашулар төнге клубларда татар дискотекаларында уза. "Кызлар пати"ның чираттагысында Элвин Грей да бар иде.

16 ел буе “Татар радиосы” дулкыннарында сәламләгән Булат Бәйрәмов бүген соңгы эфирын үткәрде.

Туй үткәрү ничә сумга төшә? Туй үткәрү өчен каян акча табарга? Туйга күпме акча салалар? 11 августта туен уздырган җырчы Илназ Хәнәфиевка әнә шундый сораулар юлладык.

2015 елда Ваһапов исемендәге Яшь башкаручылар конкурсында катнашып, икенче урынга лаек булган җырчы Артур Шөгаепов Ваһапов фонды белән килешүен өзгән. "Мәдинәм", "Янам да янам, иркәм" җырлары аша халык күңеленә кергән җырчы ни өчен Ваһапов фондыннан киткән? Артур продюсеры белән ачуланышканмы, әллә дусларча аерылышканмы? Бу хакта үзеннән сораштык.