"Татар-информ" мәгълүмат агентлыгы журналисты матбугат битләрендә һәм социаль челтәрләрдә кабынган бәхәсләр турында фикер йөртә.

"Интертат" электрон газетасында яшь хәбәрчебез язмасын укыгыз. Арча мәктәбенең 11нче сыйныф укучысы Талия Төхфәтуллина Уфага сәяхәттән соң кичерешләре белән уртаклаша. Киләчәктә ул татар журналисты булырга хыяллана.

"Татар кызы" бәйгесеннән ни көтәбез? Зәмирә Сәмигуллина шул хактагы фикерләре белән уртаклаша.

"Сукыр күп күрә, чукрак күп ишетә", ди халык. Өйдә бала белән утыргач, көн саен иртән торып эшкә чапмагач, тирә яктагы тишек-тышыклар аеруча да күзгә нык чалына икән.

Быел Актаныш Сабан туенда Магнитогорсктан “Татар рухы” дип аталган “Татарларның милли-мәдәният оешмасы” вәкиле Рафаил Мөхәммәдшин беренче тапкыр катнашкан. “Интертат” электрон газетасы өчен язылган блогында ул Актанышның ни өчен Татар Швейцариясе исемен йөртергә лаек булганын аңлата.

Россия Федерациясе Дәүләт Думасы депутаты, Татарларның Федераль милли-мәдәни автономиясе Советы рәисе Ильдар Гыйльметдинов милли телләрне мәктәпләрдә ата-аналар теләге буенча укытуны кертүче закон проекты буенча эшләрнең бүгенге торышы, татар телен укытуның яңа юллары һәм Берәм Дәүләт имтиханын (БДИ) туган телләрдә бирү мәсьәләсенең ничек хәл ителергә мөмкин булуы турында сөйләде.

Кичә Казахстан Президенты Нурсолтан Назарбаев Казанда булды. Аның Татарстанга 13 ел килгәне юк иде.

Башкорт дәүләт университеты доценты, Башкортстанда нәшер ителүче "Тулпар" журналы баш мөхәррире урынбасары Илдус Фазлетдинов әдәби иҗат белән шөгыльләнүче яшьләрнең кимүенә борчыла.

Танылган татар драматургы Мансур Гыйләҗев журналист Рузилә Мөхәммәтованың “Татар театрына татар драматургиясенең кирәге калмады” дигән язмасына карата фикерен әйтә һәм тәкъдимен җиткерә.

Быел 11 апрельдә Дәүләт Думасына Россия составына кергән республикаларның дәүләт телләрен укучылар һәм ата-аналар теләге белән генә укыту турында закон проекты кертелде. Закон проектын парламентарийлар Алена Аршинова, Олег Николаев, Шамсаил Саралиев, Олег Смолин, Елена Строкова һәм Борис Чернышев керткән. “Татар-информ” мәгълүмат агентлыгы хәбәрчесе әлеге закон проекты Россия составына кергән республикаларга нинди йогынты ясавын белү максатыннан төрле милләт вәкилләре белән сөйләште.

Төрки дөнья белән икътисади элемтәләр Россиягә суверен финанс системасы булдырырга ярдәм итәчәк, дип саный белгеч.

"Казан Кремле" музей-тыюлыгының Исламият музее мөдире Илнур Низамиев "Шәмаил" спектакле турында фикерләрен уртаклаша.

25 апрельдә узган Дәүләт Советы сессиясендә Бөтендөнья татар конгрессы башкарма комитеты рәисе Ринат Закиров Дәүләт Думасы депутатларының туган телне ата-аналар теләге белән генә укыту турындагы закон проектына каршы кискен чыгыш ясады. "Татар-информ" агентлыгына интервьюсында ул туган телне укытуга кагылышлы вәзгыятьтә артка чигенү һәм йомшаклык күрсәтү нәрсәгә китергәнен әйтте.

Владимир Путин инаугурация тантанасында тормыш сыйфаты, иминлек, куркынычсызлык, кеше сәламәтлеген сәясәтнең төп критерийлары дип атады. Россия Президенты вазифасына керешү тантанасыннан Владимир Путин чыгышының тулы текстын тәкъдим итәбез.

Танылган чәчһәвәс Илназ Кадыйров эштә клиентлары белән татарча сөйләшүен тасвирлап яза.

Бүген Татарстан Президентының элеккеге ярдәмчесе Тимур Акулов 65 яшендә вафат булды. Әле быел апрель аенда гына Тимур Юрьевич "Татар-информ"га биргән интервьюсында узган гасырның туксанынчы елларында Татарстанның яңа шартларда чит илләр белән тышкы элемтәләре, Шәймиевнең чит илләргә визитлары, әһәмиятле очрашулары, Әфганстанга баруы турында сөйләгән иде. Аның соңгы интервьюсын сезгә тәкъдим итәбез.

Салават Юлаевның исемен аклау максаты белән башкорт җәмәгатьчелеге башлаган хәрәкәт ил күләмендә билгеле вакыйгага әйләнде. “Татар-информ” хәбәрчесе юморчының милли каһарманны кимсетеп әйткән чыгышына бәя бирүне сорап шәхесләргә мөрәҗәгать итте.

Быел Габдулла Тукай исемендәге Дәүләт премиясе гамәлгә куелуга 60 ел һәм бу дата рәсми чараларның нигезендә яткан иде. "Татар-информ" журналисты Рузилә Мөхәммәтова премия тарихына күзәтү ясый.

Кичә ТМТV премияләрен тапшыру тантанасы булды. Журналист Рәмис Латыйпов концерт һәм татар эстрадасы турындагы фикерләре белән уртаклаша.

Россия Дәүләт Думасы Милләтләр эше комитеты рәисе һәм татарларның федераль милли-мәдәни автономиясе советы рәисе Илдар Гыйльметдинов “Татмедиа” акционерлык җәмгыяте генераль директоры Андрей Кузьминга “Татар-информ” өчен интервью бирде. Әңгәмә барышында ул Кемерово фаҗигасенә мөнәсәбәте, милләтара мөнәсәбәтләр өлкәсендәге проблемалар һәм татар теле турында сөйләде.

Бүгенге театр дөньясын күзәтеп барган журналист татар драматургиясенең кризистан чыга алмаячагын фаразлый.

Журналист Рузилә Мөхәммәтова Тукай исемендәге Дәүләт премиясенә дәгъва итүче өч прозаик арасыннан берсен сайлап алуның республиканың милли һәм мәдәни сәясәте өчен ни дәрәҗәдә әһәмиятле булуы турында фикер йөртә.

Быел Түбән Каманың Туфан Миңнуллин исемендәге татар дәүләт драма театры “Анам кыры” спектакле өчен Тукай премиясенә тәкъдим ителде. Бу премия тирәсендә кызу бәхәсләр, фикер алышулар барган чорда театр Казанда традицион гастрольләрен үткәрде. Әмма аның “Карурман аша” дип аталган балалар спектаклен җәмәгатьчелек уңай гына кабул итмәде: социаль челтәрләрдә фикер алышулар башланды. Тискәре фикерләр нигездә спектакльнең Тукай образын пычратуы турында иде... Аерым алганда, тәнкыйть сүзен әдәбият галиме Миләүшә Хәбетдинова әйтте, бу уңайдан аның берничә мәкаләсе басылып чыкты. “Татар-информ” мәгълүмат агентлыгы Түбән Кама театрының сәнгать җитәкчесе, баш режиссеры һәм директоры Рөстәм Галиевка да үз фикерен әйтергә тәкъдим итте.

Бүген Казанның Бауман урамында Кемерово фаҗигасендә һәлак булган корбаннарны искә алдылар. "Татар-информ" хәбәрчесе бу матәм чарасында катнашты.

Г. Тукай исемендәге Дәүләт бүләге иясе, язучы, публицист Ркаил Зәйдулла журналист Рәмис Латыйповның "әдәби тел" турындагы фикерләренә үз карашын белдерә.

Колагына аю басып кына калмыйча, таптый-таптый "полька" биегән хатын-кыз да әни булганнан соң атказанган исеменә лаек булырдай җырчыга әверелә. Җырлый беләсеме син, юкмы - балаң йокыга талсын өчен бар сәләтеңне эшкә җигеп, борын астыннан булса да бишек җыры көйли башлыйсың.

18 мартны уздырып җибәргән халык бүген җиңел сулап куйды. Сайлау комиссиясе әгъзаларының да, экспертлар, хәтта гади халыкның да җилкәсеннән тау төшкәндәй бүген. Үзебезнең эшне эшләдек: Россия язмышы өчен киләсе 6 елга җаваплы кешене сайладык. 24 сәгать нон-стоп режимында эшләгән сайлау комиссиясе нәтиҗәләрне игълан итте.

Бүген ил халкы Россия президентын сайлады. Әлегә сәгатькә билгеле булган мәгълүматлар буенча, сайлауда Владимир Путин җиңеп чыкты. Әлегә эшкәртелгән бюллетеньнардан чыгып нәтиҗә ясәгәндә, Россиянең хәзерге президентына 70 проценттан артык сайлаучы тавыш биргән.

Республика җитәкчеләре, элита вәкилләре, Татарстан халкы белән беррәттән, Россия Президенты сайлауларында катнашып, илебез киләчәген билгеләүдә үзләреннән өлеш кертте.

"Интертат" газетасында Рәмис Латыйпов язучылар, журналистлар тарафыннан уйлап чыгарылган, махсус рәвештә матурлап, бизәкләп язылган ясалма телне "әдәби тел" дип атауга каршы чыкты. Аның фикеренчә, ясалма телдән котылган очракта, китапларны, матбугатны күбрәк кеше укый башлаячак. "Әдәби тел" дип күпчелек халык сөйләшкән гади татар телен атарга кирәк дигән фикер белдерде Рәмис Латыйпов. Радик Сабиров бу тәкъдимгә үз фикерен белдерде.