Татар яшьләре көннәренә Россиянең 30 төбәгеннән һәм Үзбәкстан белән Төркиядән делегатлар җыелган иде. Алтай, Ташкент, Пермь, Оренбург, Кырым, Махачкала, Пенза һәм башкалар, һәм башкалар. Дөнья буйлап сибелгән татар яшьләре татар татар дигән исемне горурланып йөртүләрен һаман саен исбатлап тора. "Татар-информ" Татар яшьләре көннәренә килгән җиде шәхес белән таныштыр.

26-30 август көннәрендә Борис Полевой теплоходында татар яшьләре көннәре узды. Казан - Түбән Новгород - Ярославль - Чабаксар - Казан маршруты, 30 төбәк һәм Үзбәкстан белән Төркиядән килгән татар яшьләренең нәрсә өчен янып-көеп йөрүләре - "Татар-информ" хәбәрчесе репортажында. 

Мәктәпләрдә татар теле дәресләре кимегәндә "татар телен башка урыннарда - дәрестән тыш чараларда, музыка, рәсем дәресләрендә куллануны беркем тыймый" дигән фикерләр дә ишетелгән иде. Музыка дәресләрендә балаларга татар җырларын өйрәтеп, татар музыкантлары белән таныштыралар микән? Бу мәсьәлә ни дәрәҗәдә кискен? Мәктәпләрдә татар җырын укытырдай белгечләр җитәме? “Татар-информ” хәбәрчесе әлеге сорауга әти-әни, укытучы һәм белгечләрнең фикерләрен сорашты. 

Яшел Үзән районында Исаково дигән рус авылы янында “Татар авылы” этнографик музее бар. Анда җил тегермәне, тимерче һәм чүлмәкче йорты, чип-чиста татар мунчасы белән татар миче, сиртмәле кое һәм таган. Бу дәүләт байлыгы түгел, ә Миңледамир абый Камалетдиновның үз акчасына үз куллары белән төзегән байлыгы. Бердәнбер этнографик музейдагы страусларны һәм кәҗә бәтиләрен ашатып, сугыш чорындагы җил тегермәнен карап кайттык.

Биектауның “Элита” нәселле эре терлек оешмасында 41нче тапкыр ясалма орлыкландыру операторлының конкурсы узды. Икенче кат зоотехник-селекционерлар - осеменаторлар арасында иң яхшы һөнәр иясен дә ачыкладылар. “Татар-информ” хәбәрчесе катнашучылар белән аралашып, гадәттә мәзәк итеп телгә алынган профессия вәкилләренең конкурсы ничек узуын үз күзләре белән күреп кайтты. 

Спорт министрлыгында «Татар көрәше: кичә, бүген, иртәгә» дигән шигарь белән Спорт министрының беренче урынбасары Хәлил Шәйхетдинов көрәш федерациясе вәкилләре, көрәшчеләр, көрәш дип җан атып йөрүчеләр һәм журналистлар белән түгәрәк өстәл оештырды. Тик түгәрәк өстәл бераз кителгән иде, чөнки көрәшчеләр дә, Россия көрәш федерациясе вәкилләре дә килмәгән иде. Элек әти-әнисе кызны үзеннән сорамыйча гына кияүгә биреп куйган бит әле, шуның кебек була язды көрәш турында көрәшчеләрдән башка гына сөйләшү. 

Аксубай районы Иске Кыязлы авылында кеше сөякләре тапканнар дигән хәбәр бөтен дөньяга тиз арада таралды. Фото, видеоларны тегеннән дә җибәрәләр, моннан да. Башта ул хәлләргә кеше ышанмады, «фотошоп» дип әйтүчеләр дә булды. «Татар-информ» хәбәрчесе дә Аксубай якларына барып, каберлекләрнең чынлыгына ышанып кайтты.

Быелгы сезон умартачылар өчен зур югалтулар алып килде. Татарстанда рәсми мәгълүматлар буенча 3 мең бал корты оясы үлүе теркәлгән. Хәзер белгечләр бөтен Россия буенча килгән зыянны исәпләп чыгарганнар. Умартачылар һәм умарта продукциясен эшкәртүчеләр милли ассоциациясе президенты, Тимирязев исемендәге Авыл хуҗалыгы академиясенең умартачылык кафедрасы мөдире Маннапов Әлфир Габдулла улы "Татар-информ"га басуларны химик матдәләр белән эшкәртү нәтиҗәсендә умартачыларның күпме зыян күргәне һәм алга таба нәрсә эшләргә кирәклеге турында сөйләде.

«Там гора, тут гора, уртасында Кукмара» дигән сүзне һаман кабатлап йөрим әле. Кайсы якка карама - тау тау. Үземне Урал тауларына сәяхәт итеп кайткан кешедәй хис итәм. Аннары тагын Кукмара киез итеге, Кукмара шәле, Кукмара табасы дигән нәрсә дә бар бит әле. Данлыклы Вахит авылы, данлыклы Вахит колхозы турында да ишеткән бар иде. Йөз кат тыңлаганчы, бер тапкыр күрүең яхшы диләр бит. Кукмараның гына түгел, Татарстанның да бренды була алырлык Вахит җирлегендә күргәннәремне язып китәргә булдым.

"Яшьләр тукталышы" тапшыруы алып баручысы Айзилә Батырханова инстаграмда "Минем дә дүрт еллык тукталышым азагына якынлашты. "Яшьләр тукталышы" миңа бик күп танышулар бүләк итте. Рәхмәт сезгә", - дип, саубуллашу сүзләре язып куйган. 

Балалар белән эшләгән кешенең төшенә дә балалар керә торгандыр. Апас районы Танай-Турай авылы “Гөлбакча” балалар бакчасында инде 31 ел тәрбияче булып эшләүче Фирания Әгъләм кызы бакча балалары өчен шигырьләр һәм әкиятләр язу белән мавыгып, үзлегеннән җыентык та бастырып чыгарган. 

Кукмара районы “Восток” хуҗалыгында яңа азык эшкәртү проектын башлап җибәргәннәр. Шул рәвешчә, бер сыердан 30 литр сөт савып алалар. “Татар-информ” хәбәрчесе “Восток” хуҗалыгында сенаж әзерләү һәм азык җитештерү эшләре ничек барганын күреп һәм салам белән печән заманы үткәнен күзәтеп кайтты. 

Татарстанда 3 мең бал корты оясы үлүе теркәлгән. Интернет челтәрләрендә җирдә өемнәре белән ятучы бал кортларының фотолары һәм видеолары артканнан арта бара. Күпчелек умартачылар фикеренчә, проблема агулы химикатларны көндезен кояшлы яки көчле җил вакытында, умартачыларга хәбәр итмичә генә кертү белән бәйле. “Татар-информ” хәбәрчесе белгечләр һәм зыян күрүчеләр белән бу проблемага ачыклык кертте.

Лаеш районы Кече Елга авылында 5 июль көнне зур янгын чыга. Бертуган Әсәтулла белән Хәйдәр Вәлиуллиннарның йорт-җирләре янып, көлгә әйләнә. "Татар-информ" хәбәрчесенә янгынның ничек килеп чыгуы турында Әсәтулла мөәзиннең улы Алмаз сөйләде һәм ярдәм итүчеләргә рәхмәтләрен җиткерде. 

Язучылар берлеге рәисе Данил Салихов Биектау районында уза торган Туфан Миңнуллин исемендәге драматурглар фестивален “язучыларны берләштерергә кирәк!” дигән шигарь астында уздырды. Икенче фестиваль Кече Битаман авылында Данил Салиховның шәхси йортында булды. Барып кайттык, бөтенроссия семинарын күрми калып була димени! 

Бурдан кала, уттан калмый диләр. Арча районы Кәче авылында яшәүче Вәлиәхмәтовлар гаиләсендә янгын булып, алты балалары булган гаилә бернәрсәсез урамда утырып калган. "Татар-информ" хәбәрчесенә зыян күрүче Фәридә Вәлиәхмәтова үзе сөйләде. 

Җәйнең иң рәхәт һәм җиләкле чоры килеп җитте. Кая карама җиләк саталар, алалар, җыялар. Тик җиләк җыю сезоны артыннан елан чагу сезоны да ияреп йөри. Безнең территориядә нинди еланнар бар? Алар куркынычмы? Елан чагудан ничек сакланырга? Чаккан очракта нәрсә эшләргә һәм нәрсә эшләмәскә? Мондый очраклар инде күпме булган? Гомумән, еланнар турында нәрсәне һичшиксез белергә кирәк? “Татар-информ” хәбәрчесе шушы өлкә белгечләре белән әлеге сорауларга җавап эзләде.

Бүген ТНВ “Рәхәт яшибез!” дип аталган беренче татарча ситкомны төшерә башлады. "Сериал төшерү тәҗрибәсе бар, инде ситкомы ничек булыр икән?" - дигән сорауга бер артист “татарча “Санта-Барбара” була инде диде. Ситком төшерүнең үзенчәлекләре белән “Татар-информ” хәбәрчесе дә танышып кайтты.

30 июнь көнне актер, драматург, режиссер Әмир Камалиев арабыздан китеп барды. “Татар-информ” аның 2006 елда "Татарстан" дәүләт телерадиокомпаниясеннең “Замандаш” тапшыруында әйткән кызыклы фикерләрен туплады. 

Статистика никахлашу яшенең елдан ел өлкәнәя баруын күрсәтә. Кияүгә чыгарга теләмәүче кызлар да бар, чыкмый калудан куркучылар да байтак. Татарның туй йолалары арасында кызны елап озату дигән күренеш бар. Кыз бала кияүгә киткәндә еларга тиешме? Хәзерге заман кызлары бу йолага ничек карый? "Татар-информ" "Кызны елап озату" йоласын күзәткәндә, шул сорауларга җавап эзләде.

2019нчы елның 19нчы гыйнвары көрәш дөньясында гади генә көн булмады. «Татар-информ» мәгълүмат агентлыгы хәбәрчесе «Манзара» спорт-музыкаль премиясен тапшыру тантанасындагы кичерешләре белән уртаклаша.

2018 нче елның 20 нче гыйнварында "Пирамида"да җыр һәм көрәшне берләштергән "Манзара" премиясе тапшырылды. Батырга – алтын белән йөгертелгән чемпион билбавы һәм 100 мең сум акча. «Татар-информ» мәгълүмат агентлыгы оештырган матбугат конференциясендә быелгы «Манзара»ның узган елдагыдан күп нәрсәләр белән аерылып торачагы билгеле булды. 19нчы гыйнвар көнне цирк бинасында безне нинди «Манзара» көтә?

23-24 нче ноябрь көннәрендә Казанның «Ак Барс» көрәш сараенда көрәш буенча Татарстан чемпионатында Республиканың иң көчле батырларын ачыкладылар. Икенче көнге ярымфинал һәм финал уеннарын «Татар-информ» хәбәрчесе дә күзәтеп кайтты.

Танылган көрәшчеләребез күп, аларга алмаш булырлык яшьләр бармы соң? Матур алымнар күрсәтергә кулыннан килгән чын татар егетләре дөрес эздән атлыймы? Минемчә, әйе, бар алар – чын батырлар. Шундый өметле көрәшчеләрнең берсе Россия җыелма командасы көрәшчесе Ислам Фәләхов белән көрәш, гаилә һәм киләчәк темаларына сүз куертып алдык.

Хәзерге тормышны Интернеттан башка күз алдына да китереп булмый. Яшьләрнең кулларыннан да төшерми торган «уенчыгы» дисәләр дә, әбиләрдә дә, бәбиләрдә дә шул ук хәл. Хәзер инде һәр районның гына түгел, һәр авылның үз төркеме бар! "Интертат" иң популяр авыл төркемнәренә күзәтү ясады.

Кайберәүләр бакачада үзләре өчен һәм «оныклар ашар» дип кенә казынса, ә кемнәрдер аны яшәү рәвешенә әйләндергән. Ул алар өчен хобби да, төп керем чыганагы да. Актаныш районы Такталачык авылында Әхнәф һәм Дания Сәетзадиннар бөтен гаиләләре белән, туган-тумачалары ярдәмендә ничәмә-ничә еллар буена бакчачылык белән шөгыльләнә. "Татар-информ" хәбәрчесенә алар җиләк үстерү серләре турында сөйләде.

ЕГЭ - БДИ. Баласы мәктәптә укыган һәркем өчен таныш һәм куркыныч сүзләр. Хәтта өлкәннәр аннан куркып тора, ә менә укучылар аны ничек кабул итә? Актанышның 1нче мәктәбе чыгарылыш сыйныфын тәмамлаган Энҗе Габдуллина БДИ тапшыру белән генә мәшгуль булмыйча, Интертат биреме буенча Бердәм Дәүләт имтиханнарын тапшыру турында мәкалә дә әзерләде.

"Яңа Гасыр" телерадиокомпаниясе яңа "йолдызлар" кабызу максатыннан "Әйдә ТНВга!" дигән бәйге игълан иткән иде. Җиңүчеләр телеканалның грантын отып, КФУда журналистика белгечлеге буенча уку мөмкинлегенә, соңыннан телеканалда эшләү хокукына ия булды. Бәйгенең финалына үтеп, төп имтиханда төшеп калган катнашучының - Актанышның 1нче мәктәбе укучысы Энҗе Габдуллинаның "Татар-информ" агентлыгы өчен әзерләнгән репортажын тәкъдим итәбез.