Гүзәл Уразова: “Без Радик белән очрашырга тиеш түгел”

4 ноябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Алинә АЙДАРОВА
Фото: Салават Камалетдинов, Рамил Гали, архивтан
Элвин Грей белән Гүзәл Уразова башкаруындагы "Красивая, хороший" җыры тирәсендәге низаг әле тынмады. Элвин Грей да "соңгы сүзне әле әйтмәдем", дип белдерде. Гүзәлнең дә әйтелмәгән фикерләре калган булып чыкты.

  • 2 октябрь Радик Юлъякшин (Элвин Грей) зур матбугат конференциясендә Гүзәл Уразова белән концертлардан очрашкач, нәрсә эшлисен сөйләп бирде: “Күрешкәч, исәнләшеп, хәлләрен сорашачакмын. Әмма “Красивая, хороший”га бәйле эш әле бетмәде. Гүзәл дә әле соңгы сүзен әйтмәде, минем дә әйтелеп бетмәгән сүзләрем бар. Монысын инде сөйләшербез. Кыскача әйткәндә, “продолжение следует”, - дип вәгъдә итте ул.

Ә Гүзәл үзен җыр хокукларын үзләштерүдә гаепләгән кеше белән аралашырга тели микән соң? “Интертат” моны Гүзәл Уразованың үзеннән белеште. Әңгәмәдә Гүзәлнең тормыш иптәше Илдар Хәкимов та катнашты.

- Элвин Грей “Татар информ”га килгән иде. Әлеге матбугат конференциясен тыңладыгызмы?

- Конференциянең өлешләрен кисәк-кисәк җибәрүчеләр булды. Без төшенеп утырмадык. Өстәвенә, бернәрсә дә ишетелмәде, сүзе аңлашылмады...

- Радик: “Красивая, хороший” җырына бәйле эш әле бетмәде. Әйтелмәгән сүзләр калды”, - дип әйткән икән...

- Аның нәрсә әйтәсе килгәнен без кайдан белик инде? Килсә, әйтсә, җавап кайтарыр идек.

- Үзегез аның белән элемтәгә керергә уйламыйсызмы?

- Миңа нәрсәгә соң ул? Алар башлаган бит, аларга кирәк бит ул. Минем җавабымны ишеттеләр.

- “Татар җыры” белән Мәскәүгә сәфәр кыласыгыз бар. Анда кисешмичә калмассыз, шулай да?

- Без аның белән очрашырга тиеш түгел – бу шарт. Бер бүлектә җырларга тиеш түгел. Оештыручылар әлеге хәлне булдырырга тиеш түгелләр. Аны бер дә күрәсебез килми әле.

- Бәлки үзегезгә дуслашу ягын кайгыртыргадыр?

- Юк, алар (Элвин Грей – авт.) ягыннан болгатылган әйбер бит бу. Үз арада гына хәл итеп була иде бит, аны массакүләм чараларына чыгару кирәкмәс иде. Безнеңчә, максатлары пиар, хайп ясау булгандыр. Әле нигезендә дә ялган ята.

- Сезгә пиар кирәкмиме?

- Кайчан минем “хайповать” иткәнем булды?! Гомер буе халыкка хезмәт иттем!

- Радик Юльякшинның җырчы Гүзәлия белән дә авторлык хокуклары белән бәйле низагы булган иде бит. Әлеге факт сезне дуэт өстендә эшләгәндә уйландырмадымы?

- Ул вакытны без Гүзәлия гаепле дип уйлый идек. Дөресрәге, алар (Элвин Грей – авт.) безгә шулай дип сөйләделәр. Хәзер аңладым инде: монда бер үк система эшли. Тәҗрибәләре тупланган, кыскасы.

- Илдар, сез нишләп,Гүзәлне яклап бер сүз дә әйтмәдегез?

- Гүзәл үзе җаваплы булырга тиеш дип уйлыйм. Мин генә сөйләп торсам, дөрес булмас иде.

- 1 декабрь Elvin Grey лейблының туган көне. Чакырсалар, барыр идегезме?

- Безнең Чаллыда билетлар сатылып беткән шул... Ә болай, ничектер барыбер... Безнең адреска әйтелгән сүзләре өчен әле ул һаман гафу үтенмәде.

- Ялгышын танып, сезгә мөрәҗәгать итсә?

- Сөйләшергә теләк белдерсә, кире какмабыз. Барыбыз да ялгышабыз.


  Без Инстаграмда

Фикерләр








Шоу-бизнес

"Хатын-кызны ничек кулда тотарга?" Ләйлә Дәүләтованың "Адәм белән Һава" концертының икенче сериясе

Татар дәүләт филармония залында “Адәм белән Һава”ның икенче концерт программасы узды. “Адәм белән Һава йолдызлары - 2” әңгәмә рәвешендә булуы. Тамашачыларның кайбер чыгыш ясаучыларга үзләренең сорауларын бирергә, теләкләрен әйтергә мөмкинлекләре бар иде.

Шоу-бизнес

Казан филармониясе директоры Рәис Шакиров: "Хәзер җырчыларның 80 проценты кирәк түгел"

Казан шəһəр филармониясе башкалабызда 20 ел гөрләп эшли икән. Тик ни өчендер сәнгать сөючеләр Татар дəүлəт филармониясе белән күбрəк таныш, шəхсəн үзем дə Казанда тагын бер филармония барлыгын күптəн түгел генə белдем. Бу уңайдан “Казан” милли мәдәният үзәгенә караган Казан шәһәр филармониясе директоры Рәис Шакиров белән әңгәмә кордык. Ул “Татар-информ” хәбәрчесенә Казан шəһəр филармониясе, татар шоу-бизнесындагы иң зур кимчелек, Элвин Грей белән Гүзәл Уразова арасында туган бәхәс һәм татар телле радиоларның дәрәҗәсе турында сөйләде.

Шоу-бизнес

Нурминский: "Мин урамнарга чыгам"

Татар рэперы Нурминский иҗаты ВК социаль челтәрендә ТОП-100гә эләкте. Ул Тимати һәм башка популяр җырчыларны аста калдырып, җырлары белән өченче урынга менде. YouTube каналында ул миллионник - аның клипларын 5-10 миллион мәртәбә караганнар. Шаккаттым! Балтач районының Норма авылында туып үскән һәм әле дә шунда яшәп ятучы егет бу нәтиҗәгә ничек иреште икән? Нурминский әкәмәт кеше. Аның белән сөйләшкәндә дөньям әллә-ничә тапкыр үзгәрде.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла

ИНТЕРТАТ
Яндекс.Дзенда
Язылу
×