Гүзәл Уразова, елый-елый, Элвин Грейның гаепләвенә җавап бирде: "Бу нинди кабәхәтлек?!"

6 октябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Бүген Элвин Грей - Радик Юльякшин Гүзәл Уразованы "Красивая, хороший" җырының авторлык хокукларын үзләштерүдә гаепләде. Бүген концертты чыгыш ясаган Гүзәл Уразова Инстаграм аша тамашачыларына һәм Радик Юльякшинга мөрәҗәгать ясады. Ул гаепләүләрне кире кага.
"Бу җырның авторы 4 кеше - Бабек Мамедрзаев, Эльвира Сафина сүзләре, Радик Юльякшин. Гүзәл Уразова көе", - дип язган Гүзәл Уразова. 

"Сәлам, дуслар, дөресен яздырырга булдым. Без концерт биргәндә дөнья әйләнгән икән. Радик Юльякшин миңа гаепләүләр ягып, мине җинаятьче ясаган икән. Нинди кабәхәтлек бу? Күпме кеше алдап яшәргә була? Мин Радикны, аның продюсерын яхшы кешеләр дип белеп, дуслар дип санап, бер сүз әйтми яшәдем", - дип, елый-елый башлый Гүзәл Уразова Радик Юльякшинга видеомөрәҗәгатен.  

Алга таба ул Радик Юльякшин белән эшли башлавы хакында сөйли. Гүзәл Уразова әйтүенчә, ул Радик Юльякшин әле тамашачыга билгеле дә булмаган чакта аңа ярдәм иткән. 

"Красивая, хороший" җырының яздыру тарихы турында сөйләп, Уразова бу җырның Радик Юльякшинныкы булуын кире кага. Уразова әйтүенчә, бу җырның аранжировкасы, кушымтасы Радикныкы. Әмма җырның сүзләре булмаган. Аларны Гүзәл Уразова үзе сорап Эльвирадан яздырганын әйтә. "Әмма ул вакытта уйлыйсыңмыни аны?" - ди ул. Мөрәҗәгатьтә болай дип әйтүенең мәгънәсе аңлашылып бетми. "Җырлагач, син Радикның подпевкасында диделәр, заказлы концертлар китте", - дип гаепли Уразова. Бу сүзләрне әйткәндә, видеокадрда Радик Юльякшинның продюсеры фотосы күрсәтелә.

 "Ничек инде мин кеше җырын өч ел җырлап йөргәч, ул Радикныкы булды икән?" - ди җырчы. 

Уразова Радик Юльякшинны концертларны өзүдә дә гаепли. 

"Мондый алдакчы булуыңа түзә алмыйм, бөтен халык күрсен. Оятсыз син. Син булмасаң, синең продюсерың. Балаларым хакына әйтәм, мин беркемне алдап яшәмәдем. Бер тапкыр да кеше җырын җырламадым. Бу җырны да (ягъни, "Красивая, хороший" җыры - ИТ) җырламаган булыр идем, үзем язмаган булсам. Син бу очракта үзең алдакчы булып чыктың. Синең кабәхәтләгеңә Ходай Тәгалә генә бәя бирер", - ди Уразова, Радикка мөрәҗәгать итеп.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла