Салмачы һәм Көек халкыннан мәзәк акция: кешеләр кар чистарта торган техникага «табына»

Салмачы һәм Көек халкының юл проблемалары күптән килә. Алар җәен дә, кышын да «бөке»ләрдән интегә, ә кышын әле аларның юлларын да чистартмыйлар. Юл проблемасына игътибар иттерергә теләп, төрле акцияләр дә узды инде – әйтик, шәрә килеш пычрак юлга ятып фотога төштеләр.

• Юлсызлыкка яңа караш: Казан кызлары шәрә килеш пычрак юлда фотога төшә

• Блогер «Көек диңгезе»ндә су керергә чакыра - Казан янындагы бистәне су баскан

Юлсызлык куркыныч та тудыра – әйтик, бер бала, таеп, машина астына кергән иде, бәхеткә, зур зыян килмәде. Соңгы арада карлар явып, Көек урамнарында зур проблема чыкты.

Кышын юлларны чистартмауларына игътибар иттерергә теләп, мәзәк видео төшергәннәр. Видеодан аңлашылганча, алар бик озак кар чистартучылар килүен көткән. Аннары кар чистарта торган техника килеп чыккач, аңа «табынган» кыяфәт чыгарганнар. Бу ролик «В Татарстане поймут» төркемендә чыкты.

Укучыларның бу видеога фикерләре төрле булган. Көлүчеләр дә, гаепләүчеләр дә бар.

«Кулыгызга көрәк алсагыз, файдасы күбрәк булыр иде»;

«Бөтен шәһәр карга күмелеп ята. Метрога кергән юлларда кар тездән. Родина урамында тротуарлар юк»;

«Сектант-блогерлар, кыланмагыз»;

«Акылсызлар, техникага комачау гына итәләр».