“Татарча диктант – 2019” белем бирү акциясе 19 октябрь көнне Казан вакыты буенча 13:00 сәгатьтә бөтен дөньяда узачак. Бөтендөнья татар конгрессы Башкарма комитетының яшьләр иҗтимагый оешмалары белән эшләү комитеты башлыгы, Бөтендөнья татар яшьләре форумы рәисе Ленария Мөслимова, КФУ доценты, филолог Гөлназ Мөгътәсимова акциягә багышланган матбугат конференциясендә быелгы акциянең үзенчәлекләре турында сөйләде. 

Казанда “Милләт йортында” татар зыялылары Мәскәү татарлары Штабы катнашында Татарстанның 100 еллыгы уңаеннан киләчәккә татар карашы турында сөйләштеләр. Татар теле, милләт, бөеклек төшенчәләре ташып торды, катнашучылар берсеннән-берсе уздырып татар телен ничек сакларга икәнен сөйләде.

Павел Шмаков - Казан үзәгендәге махсуслашкан олимпиада-фәнни үзәге - "Солнце" ("Специализированный олимпиадно-научный центр") мәктәбе директоры. 11 ел Финляндиядә яшәгән һәм мәктәптә укытган Павел Шмаков татар телен барлык милләт укучыларына да укыту кирәклеге хакында "Татар-информ" журналистына сөйләде.

Кичә Төмән шәһәре Татар мәдәнияте үзәге директоры Лилия Кәримова 45 яшьтә кинәт вафат булган. Бүген мәрхүмәне Тубыл шәһәре зиратында җирләделәр. 

А.Н. Туполев исемендәге Казан милли тикшеренү техник университетында физика-математика факультетының гомуми физика кафедрасы мөдире, профессор, физика-математика фәннәре докторы Борис Ахунович Тимеркәев татар телендә югары белем бирү, бердәм дәүләт имтиханының татар теленең үсешенә йогынтысы, мәктәптә төгәл фәннәрне татарча укыту, укытучылар әзерли торган аерым уку йорты булдыру, туган телне саклап калу турында фикерләре белән уртаклашты.

Удмуртия Республикасы Ижау шәһәрендә "Татар кызы-2019" халыкара бәйгесе финалы үтте. Бәйрәм шоу булып барды. Биредә балет та, татар театры да, кызларның татар халкы һәм ирләре турында фикерләре дә булды.

КФУның филология һәм мәдәниятара багланышлар институтына быел 1292 студент кабул ителгән. Билингваль белем бирү белгечлегенә мәгариф министрлыгы белән шартнамә төзесәң генә кереп була. Читтән торып укып, укытучы буласың килүнең нинди шартлары бар? Кайсы студентлар 15 мең сум стипендиягә өметләнә ала? “Татар-информ” мәгълүмат агентлыгында узган матбугат конференциясендә "татфак"ка кагылышлы саннар.

“Казан утлары” журналының май санында Ринат Мөхәммәдиевнең “Ак кәгазь нидән саргая” дип аталган романы басылып чыкты. Романда Сталин репрессиясе чорында татар зыялысы саналган кешенең әләкләп көндәшләреннән котылуы һәм аларның әсәрләрен үзләштерүе сурәтләнә. “Татар-информ” әләкчеләрне фаш итәргә кирәкме дигән сорауны күтәрә.

Россиядә ире дә, хатыны да Россия фәннәр академиясе академиклары булган бер генә гаилә бар. Алар - Рамил һәм Талия Хәбриевлар. "Н.А.Семашко исемендәге иҗтимагый сәламәтлек саклау илкүләм фәнни-тикшеренү институты җитәкчесе Рамил Усманович һәм РФ Хөкүмәтенең закон чыгару һәм чакыштырма хокук институты директоры Талия Ярулловна "Татар-информ"га интервьюда Татарстан турында фикерләре белән уртаклашты.

“Татар кызы-2019” халыкара бәйгесенә багышланган матбугат конференциясе үтте. Билгеле булганча, матбугат конференциясе журналистларның сорауларына җавап бирү өчен үткәрелгән чара. "Татар кызы" матбугат конференциясеннән берничә нәтиҗә: оештыручылар нигезләмәне белми, сораулар бирергә ярамый, кызлар белән аралашу тыелган.

11 сентябрь көннәрендә “Ак калфак” Бөтендөнья татар хатын-кызлары иҗтимагый оешмасы Кукмара районында күчмә утырышын уздырды. Кунаклар Вахит, Зур Сәрдек авылларында һәм Кукмара шәһәрендә булды.

Татар яшьләре көннәренә Россиянең 30 төбәгеннән һәм Үзбәкстан белән Төркиядән делегатлар җыелган иде. Алтай, Ташкент, Пермь, Оренбург, Кырым, Махачкала, Пенза һәм башкалар, һәм башкалар. Дөнья буйлап сибелгән татар яшьләре татар татар дигән исемне горурланып йөртүләрен һаман саен исбатлап тора. "Татар-информ" Татар яшьләре көннәренә килгән җиде шәхес белән таныштыр.

"Төрки-татар иҗатчылар һәм әдәби ядкярләр" сәхифәсен татар язма әдәбиятына нигез салган, “Кыйссаи Йосыф” поэмасының авторы буларак билгеле булган дөньякүләм танылган шагыйрь Кол Галидән башлыйбыз. Аның иҗатының үзенчәлеге, тарихи фактлар, сәхнәләштерү һәм музей булдыру проблемасы турында “Татар-информ” хәбәрчесенә Тел, әдәбият һәм сәнгать институты әдәбият белеме бүлеге мөдире, галим Әлфәт Закирҗанов сөйләде.

26-30 август көннәрендә Борис Полевой теплоходында татар яшьләре көннәре узды. Казан - Түбән Новгород - Ярославль - Чабаксар - Казан маршруты, 30 төбәк һәм Үзбәкстан белән Төркиядән килгән татар яшьләренең нәрсә өчен янып-көеп йөрүләре - "Татар-информ" хәбәрчесе репортажында. 

"Дәрдемәнд" спектакле чыгу сәбәпле, ХХ гасыр башының бөек татар шагыйре әсәрләренә кызыксыну артты. "Интертат" Дәрдемәнднең дүртьяюллыкларын тәкъдим итә.

30 августта Татар Автономияле Совет Социалистик Республикасы союздаш республика - Татар Совет Социалистик Республика булуы турында, РСФСРдан суверенлыгы турында игълан итә. Шул еллардагы вакыйгалар, гомумән, Татарстанның суверенлыгы белән бәйле вакыйгаларны беләсезме? Сынауны үтеп, үзегезнең белемнәрегезне сынап карый аласыз.

Бу көннәрдә Казанда татарның атаклы улы, шагыйрь Муса Җәлилнең тууына 110 ел тулуга багышланган чаралар оештырылды. Әдип хөрмәтенә халыкара конференция дә узды. Кунакларны Германиядән кадәр үк кабул иттек. Тик, ни хикмәттер, шушы чараларда, хәтта М.Җәлил һәйкәле янында үткән юбилей митингында да шагыйрьнең кызын – Люция Җәлилованы күрмәдек...