Махсус операциядән ялга кайткан җырчы Радик Динәхмәтов мактаулы бүләккә лаек булган
Башкортстанның халык артисты, махсус операциягә үз теләге белән киткән Радик Динәхмәтов генерал Шәйморатов ордены белән бүләкләнгән. Бу орденга 30га якын хәрби һәм гуманитар конвой машиналарын йөртүчеләр лаек булган. Сөенечле хәбәрне җырчы «Интертат»ка үзе җиткерде.
Радик Динәхмәтов махсус операциядән кыска вакытлы ялга кайткан иде. Башкортстан Башлыгы Радий Хәбиров кулыннан әлеге мактаулы бүләкне җырчы кабат юлга кузгаласы көнне алган.
«Әлеге бүләк минем өчен зур сюрприз булды. Мин 200 солдат белән 16сы көнне иртән махсус операциягә китәргә тиеш идем. Юлга чыгарга 1 тәүлек кала тантаналы чарага чакырдылар. Мондый көтелмәгән бүләк алу – минем өчен бик зур горурлык», – диде «Әсән» позывнойлы Радик Динәхмәтов.
Радик Динәхмәтов – редакциябезнең якын дусты. Ул безне үзе хезмәт иткән ел дәвамында махсус операциядәге хәлләр белән таныштырып, андагы геройлар турында сөйләп торды. Җырчы белән бик күп язмаларыбыз дөнья күрде. Моңа кадәр телефон аша гына аралашып торган җырчы белән бу кайтуында күрешү мөмкинлеге дә чыкты. Вакыт ягы тыгыз булуга карамастан, хәлләрен белешергә, бергәләп фотога төшәргә өлгердек.
Радик Динәхмәтовны әлеге мактаулы бүләк белән чын күңелдән тәбрик итәбез һәм аның исән-сау хезмәт итүен теләп калабыз!
- Радик Динәхмәтов: «Яралы солдатларның авыртудан кычкыруы йөрәкне телгәли»
- Яраланган Радик Динәхмәтов 3 млн сум компенсациясен солдатларга ярдәмгә юнәлткән
- «Без Кызыл Лиман юнәлешендә»
- Радик Динәхмәтовтан хат: «Командирым Солтаннан үрнәк алам»
- Хәрби госпитальдә «Интертат» геройлары Радик Динәхмәтов белән Илнур Тимергалиев очрашкан