Татарстанның халык артисты, виртуоз баянчы, композитор Рамил Курамшинның хатыны Розалия ханым вафат булган. Бу хакта Ваһапов фонды директоры, продюсер Рифат Фәттахов социаль челтәрдә хәбәр итә.
«Розалия ханым вафат. Розалия ханым соңгы вакытта шактый сүз ишетте: нахагын да, гайбәтен дә... Уйламыйча-тикшермичә, белер-белмәс язучы «сары» журналистларга нык рәнҗеп китте Розалия ханым...
Бәхил бул, урының оҗмахта булсын!» – дип язган Рифат Фәттахов.
Искәртеп үтик, Татарстанның халык артисты, виртуоз баянчы, композитор Рамил Курамшин узган ел 18 декабрьдә вафат булды. Аны Мәрҗани мәчете янында соңгы юлга озаттылар. Хушлашу мәрасимендә Рамил Курамшинның хатыны Розалия ханым оныгы Данил белән килгән иде:
– Дөньяда Рамилдән дә яхшырак, зыялырак кеше юк иде. Аның кебек кешеләр күбрәк булса, дөньяларыбыз бөтенләй икенче төрле булыр иде. Ул шундый чиста кеше – йөрәгендә беркайчан да ялган хис булмады. Шуның өчен дә без аның белән бик яхшы гомер иттек. Бик әйбәт кеше иде ул», – дип сөйләгән иде ул.
-
Рамил Курамшин: «Мин бит әле хәзер дә сәхнәгә чыгып уйнарлык хәлдә идем»
-
Рамил Курамшинның соңгы көннәре: «Картлар йортына да урнаштырып булмады, кызганыч...»
-
Легендар баянчы Рамил Курамшин белән хушлашу: «Күп сөйләшми торган тыйнак кеше булды»
