Ильмира Нәгыймова соңгы 2 елда еш сәяхәт итеп тора. Әле ул үзе генә диңгез ярында ял итеп кайта, «кайтып та өлгерми» дигәндәй, кабат дус кызы белән җылы якка оча. Шулай ук җырчы балалары һәм бертуган сеңлесе белән дә ял итәргә вакыт таба.
Хәтерләсәгез, Ильмира элек: «Беркая да ял итәргә барганым юк», – дип зарланган иде. Моның сәбәбен ул элекке ире Руслан Кираметдиновның билгеле сәбәпләр аркасында очарга рөхсәте булмау, ә үзен генә җибәрмәве белән бәйләде. Менә хәзер ул, ирекле кош сыман, җылы яктан «кайтып та керми».
Бу юлы алар сәфәргә дүртәү кузгалган: җырчы үзе, балалары һәм аның ярдәмчесе – бертуган сеңлесе.
«Хыяллар чынга аша, Нәгыймова! Мин кабат Дубайда, бу юлы «пупсик»лар белән. Дубай – ул сезнең күңелегездә эз калдыра торган урын», – дип язган җырчы.
«Молодец, Нәгыймова! Аталары эшли алмаганны үзең эшлисең. Син – супер молодец»;
«Мондый хатын-кызлар белән горурланам! Зарланып утырмыйлар, ә эшлиләр. Иң мөһиме, беркемгә дә бәйле түгел», – дигән комментарийлар белән хуплаганнар җырчыны.
Шулай ук җырчының шәхси тормышы һәм иҗаты белән кызыксынып баручылар күңелле ял теләгән.
«Иң мөһиме, башың исән» – Ильмира Нәгыймова ялда кирәкле әйберен югалткан.
Ильмира Нәгыймова сәяхәткә очкан.
«Ниһаять!» – Ильмира Нәгыймова тагын бер хыялын чынга ашырган.