Барлык язмалар news_header_top_970_100
news_header_bot_970_100
Язманы тыңлагыз

Энгель Фәттаховның улы Илнар федераль эзләүгә бирелгән

Илнар Фәттахов Актаныш районы башкарма комитеты җитәкчесе булып эшләгәндә, район башлыгы Фаил Камаев иде. Ул 14 ноябрьдә тикшерү белән хезмәттәшлеккә бару турында килешү төзеде.

news_top_970_100
Энгель Фәттаховның улы Илнар федераль эзләүгә бирелгән
Фото: http://mamadysh-rt.ru/

Актаныш районының элекке башлыгы, элекке мәгариф һәм фән министры Энгель Фәттаховның 39 яшьлек улы Илнар федераль эзләүгә бирелгән, дип хәбәр итә «БИЗНЕС Online».

Илнар Фәттахов Актаныш районы башкарма комитеты җитәкчесе булып эшләгәндә зур күләмдә акча үзләштерүдә гаепләнә, дип яза сайт.

Ул вакытта район башлыгы Фаил Камаев иде. Ул, акча үзләштерүдә гаепләнеп, 23 апрельдә сак астына алынды. Бу атнада Фаил Камаев, тикшерү белән килешүгә барып, сак астыннан өй арестына чыгарылды. Тикшерү белән килешүгә барган очракта, җәза срогы кыскара, килешүгә баручы тикшерүчеләргә үзендә булган мәгълүматларны җиткерергә бурычлы. «Сhelny-biz.ru» хәбәр итүенчә, Камаев «бер төркем җитәкчеләргә каршы күрсәтмә биргән». Ул гаебен таныган, моңа кадәр 5 ришвәт алуда гаепләнгән Камаев хәзер 2 эпизодта гына гаепләнә, калган эпизодлар «ришвәт алу» дип түгел, «вазифаларын арттырып үтәү» дип үзгәртелгән. Камаев бизнесменнардан 1,3 миллион сумлык төзелеш материаллары алуда гаепләнә, шуның өчен ул бизнесменнарга яхшы подрядлар вәгъдә иткән, дип фаразлана. Шулай ук Камаев җир кишәрлекләрен туганнарына биргән, дип гаепләнә.

Илнар Фәттахов 1985 елның 7 ноябрендә туган. КГТУ тәмамлаган. Беренче эш урыны – 2001 елда Актаныш МТСында комбайнер ярдәмчесе, «Актаныш» супермаркетында оператор, коммуналь сервиста, Актаныш райпосында оператор, Актаныш электр челтәрләрендә электромеханик, «Таттелеком»да инженер, 2010 елда – Мәгълүмат технологияләре дәүләт предприятиесендә бүлек җитәкчесе, 2013-2016 елларда – Актаныш башкарма комитеты җитәкчесе, 2016 елдан – Мамадыш районында.

2017 елда ул вакыттагы мәгариф һәм фән министры Энгель Фәттахов эшеннән китүгә, Илнар Фәттахов та Мамадыш районы башкарма комитеты вазифасыннан «бизнеска» китүе хакында белдерде. Энгель Фәттахов Актаныш районы башлыгы булып кайтты, ул вакыттагы Актаныш җитәкчесе Фаил Камаев Тукай районына җитәкче булып китте.

Илнар Фәттахов, быел май аенда әтисе кулга алынгач, Россиядән киткән, хатынының аккаунтындагы мәгълүматлар буенча Лондонда һәм Дубайда яши.

Энгель Фәттахов ришвәт алуда гаепләнеп кулга алынды. Тикшерү версиясе буенча, ул төзелеш фирмасыннан өенә 22 миллион сумлык ремонт ясаткан, шуның өчен райондагы «Яшьлек» үзәгенә 28 миллион сумлык ремонтны тапшырырга һәм бюджеттан вакытында түләү булачагын вәгъдә иткән. Энгель Фәттахов гаебен танымый.

Фото: ©Таңсылу Галимова архивыннан / Интертат

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100