Дубайга арзан турлар сатып, аннары аларның вакытын күчергән һәм тур алган кешеләргә 2024 елга кадәр акчаларын кире кайтарырга ышандырган Илүсә Миннегалиевага (Фәләхова) карата җинаять эшләре ачканнар. Бу турыда телеграмда «Маш Ипташ» каналы яза.
Искәртеп үтик, Дүбайга ире белән күченеп киткән блогер Илүсә Берләшкән Гарәп Әмирлекләрендә ял итү өчен турлар сатты. Күптән түгел аны мошенниклыкта гаепләп чыктылар, һәм ул бизнесын ябарга мәҗбүр булуын игълан итте.
Телеграм-каналда язуларынча, җинаять эшен аңа Чаллыда, Әгерҗедә, Чистайда, Йошкар-Олада ачканнар. Җинаять эше «мошенниклык» маддәсе буенча алып барыла.
«Интертат» блогерның вакыйгага карашын «Дубайга турлар саткан Илүсә: «Ашарга алыр өчен алтыннарыбызны саттык» дигән язмада язып чыккан иде. Анда ул: «Утырырга язган икән, димәк, утырачакмын. Баламны да шунда табармын», – диде.
-
Татар блогерлары Дубайга күченергә җыена: чынлап та китәләрме, әллә коткы таратумы?
-
Дубайга турлар саткан Илүсә: «Ашарга алыр өчен алтыннарыбызны саттык»
-
Дубайга тур алучыларны коры калдырган Илүсә турында адвокат Нагиев: «Бу – мошенниклык»
-
Дубайга күченеп киткән блогер Илүсә Фәләхова әни булачагын хәбәр итте
