Дубайга күченеп киткән блогер Илүсә Фәләхова шатлыгы белән уртаклаша. Ул ире Рушан белән тиздән әти-әни, ә Мамадыш кодалар белән Азнакай кодалар беренче тапкыр әби-бабай булачак.
Блогер тест ясаганнан соң хис-кичерешләрен видеода төшергән. «Безнең тормыш инде элеккечә булмаячак. Барлык туганнарга хәбәр иттек, аларның хис-кичерешләрен төшердек. Без бу хакта хыялландык, бу – көтеп алынган бала», –дип язган Илүсә Фәләхова.
Блогерның язылучылары яшь гаиләне куанычлы хәбәрләре белән котлаган. Шулай ук тестагы полосаның икенчесе ачык күренмәве, шундый кечкенә срокта бөтен дөньяга белдертмәү хәерле булуы, 9 ай күтәреп йөрисе барлыгын да искәртүчеләр бар.
Блогер Илүсә Фәләхова ире һәм дуслары белән Дубайга күченгән.
Дубайга күченгән блогер Илүсә Фәләхованың әти-әнисе, туганнары белән аралары суынган.
Блогер Илүсә Фәләхова башкаларны да Дубайга чакыруын дәвам итә.
