Авариягә эләгеп һәлак булган блогер Диана Сәфәрованың әнисе, кызының фан-төркеме аша, халыкка мөрәҗәгать итте.
«Кызымның кадерле подписчиклары, дуслары! Мин сезгә шушы авыр вакытларыбызда янәшәбездә булуыгызга, балаларга ярдәм күрсәтүегезгә чын күңелемнән рәхмәтемне белдерәм. Бу сез җибәргән акчалар барысы да өч баланы үстерергә тотылачак», – дигән ул.
Диананың язылучылары Рәйсә Марваровнага шундый кыз тәрбияләп үстерүе өчен хөрмәт белдерә. Алар бердәнбер баласын югалткан ананың озын гомерле, сау-сәламәт, Диананың ятим калган сабыйларын аякка бастыру өчен көчле булуын теләгәннәр.
Диана 9 май төнендә Башкортстанда юл фаҗигасендә һәлак булды. Аның 1нче сыйныфта укучы кызы һәм 5әр яшьлек игезәк уллары ятим калды. Диана сабыйларын ялгызы гына үстерә иде.
-
«Китмә, дидем би-и-ит» – Әнвәр Нургалиевның өч балалы сеңлесе, популяр блогер Диана һәлак
-
«Балаларына да күрсәтергә булдылар» – Чишмәдә Диана Сәфәрова белән хушлашалар
-
Диана Сәфәрованың үлемендә катнашы бар дип шикләнелгән кешене тоткарлаганнар