2024 елда Татарстанда 14,5 мең яңа яман шеш очрагы ачыкланган. Авырулар арту сәбәпле, республика онкодиспансерына хәзерге корпусларда кысан була башлаган, һәм тиздән ул Казанның Себер трактындагы элеккеге тубдиспансерның күрше бинасын да биләячәк.

1 февраль көнне Чирмешән районы Иске Кади авылы мәдәният йортында Фәния апа Хәмидуллинаның «Үткәннәрнең моңын кем тыңлар?» китабын тәкъдир итү чарасы узды. Кичә җыр-биюләр, иҗади чыгышлар, авторга җиткерелгән теләкләр белән үрелеп барды. Гөрләп узган китап бәйрәмендә «Интертат» хәбәрчесе дә бар иде.

Саба районы Шәмәрдәндә яшәүче Лена Шаһиевага 1 ел эчендә ике олы хәсрәт килгән. Әле былтыр гына 18 гыйнварда махсус хәрби операциядә һәлак булган бертуган энесе белән бәхилләшкән ул. Тик нәкъ 1 елдан нәкъ шушы көнне тагын бер яман хәбәр тормышында кара пәрдә булып төшкән: газизе – олы улы Мараты да яу кырында башын сала.