“Өйгә! Берәр вакыт уйлап караганыгыз булдымы? Бу никадәр җылы сүз”, – әле бер көн элек кенә әнә шулай дип язып калдырган булган 2 июль төнендә Зәй янында һәләкаткә тарып мәңгегә күзләрен йомучы Зәй шәһәре кызы Мария Галимова үзенең В контактедагы битенә. Самара дәүләт медицина университетын тәмамлап өенә кайтып баручы 24 яшьлек кыз котычкыч фаҗигагә тарыды. Мария шул шәһәрнең Калинин хастаханәсендә шәфкать туташы булып эшләгән. Берничә көн элек диплом алган һәм чыгарылыш кичәсендә төркемдәшләре белән таң каршылаганнар. Аны якты киләчәк һәм хыялларының тормышка ашуы көтә төсле иде.

Татарстан Югары суды рәисе Илгиз Гыйләҗев газетабызга биргән интервьюсында судья булу өчен кешенең нинди сыйфатларга ия булырга тиешлеге, аларның хезмәт хаклары һәм ни өчен дәрәҗәле тармакта кадрларга кытлык күзәтелүе, җинаять кылган хөкемдарларны нәрсә көтүе һәм судьяларны социаль изоляцияләү хакында сөйләде.

Яңа өзеп алынган кыяр белән йомыркадан тиз генә салат ясарга мөмкин.