Бари Алибасов кабат хастаханәдә: «Улын танымый ахрысы»

73 яшьлек продюсер Бари Алибасовның улы — кече Бари әтисен хастаханәдә видеога төшергән. Бари Кәримовичның аягы сынган икән. Аның хастаханәгә ятуы турында РЕН ТВ каналы 14 февральдә хәбәр иткән иде.

Улы сүзләренчә, Бари Алибасов баскычтан төшкәндә аягын сындырган.

«Синең хирургың „На-на“ продюсерыннан да текәрәк икән», — дигән Бари Алибасовка улы. Бари Кәримович моның белән килешкән. Ләкин аның халәтенә карагач, ул улының сүзләрен аңлап бетермәгәне дә аңлашыла.

Бари Кәримович улын танып та бетермәгән кебек, «Кемнең әтисе?» — дип сорау бирә.

Видео авторы исә Бари Кәримовичка үзенең кем икәнен аңлатырга мәҗбүр була. Аннары аякны күрсәтә.

«Менә бу - Бари Алибасов аягы. Ул селкетә ала инде. Идеаль операция. Ачык сыну иде, сөяге чыгып торды», — ди кече Бари Алибасов.

• Бари Алибасов торба чистарта торган химикат эчеп агуланган
• «Күзләре бәхетле»: Бари Алибасов хатынын кочаклап яткан фото белән шаккаттырды.
• Бари Алибасов: «Мин татар җырларында тәрбияләнеп үстем»
• Бари Алибасов хатыны Лидия Федосеева-Шукшина белән аерылыша
• Бари Алибасов васыятьнамә язган
• Бари Алибасов улын 20 миллион сум урлап качуда гаепли