Казан дәүләт төзелеш-архитектура университеты — техник уку йортлары арасында республикада татар телендә белем бирүче бердәнбер.

2016 елның декабрендә узган “Татар җыры-2016” бәйгесендә Хәния Фәрхигә берьюлы ике “Алтын барс” сыны тапшырылды. Җырчы фатиха дип әйтерлек белдерү ясады.

2-6 августта Казанда узачак Бөтендөнья татар конгрессының VI съездында 41 илдән һәм Россиянең 73 төбәгеннән 1000 делегат катнашачак. “Интертат” газетасы татарларның корылтайга нинди өметләр баглавын белеште.

3-6 август көннәрендә Казанда Бөтендөнья татар конгрессының VI корылтае узачак. Анда Татарстан һәм Башкортстаннан гына түгел, чит илләрдән дә күп милләттәшләребез чакырулы. “Интертат” электрон газетасы әлеге делегатларның быелгы съездан нәрсә көтүләре, нинди өметләр баглаулары белән кызыксынды.

Татарстанга моңа кадәр билгеле булмаган инфекция яный. Ул мөгезле эре терлекләрнең сәламәтлегенә зыян китерә. Ветеринарлар чаң суга. “Төенле дерматит”, ягъни икенче төрле итеп әйткәндә, нодуляр дерматит очраклары Россиядә 2015 елның көз аенда гына теркәлгән. Шулай булуга да карамастан, ул инде шактый зыян салып өлгергән.

Татар дөньясын берләштереп, бәйрәм мохитенә төреп, дөньяның төрле почмакларында Сабан туйлары үтә. Әлеге бәйрәм элек-электән авылларда үткәрелгән, авыл хезмәтчәннәрен зурлаган, данлагаган, аларның күңеленә бәйрәм алып килгән. Хәзер исә аны чит илләрдә дә, калаларда да зурлап үткәрәләр. Сабан туе һәм аның күрке булган көрәш хакында "Татар-информ" мәгълүмат агентлыгы хәбәрчесе Татарстан Премьер-министры урынбасары — республиканың авыл хуҗалыгы һәм азык-төлек министры Марат Әхмәтов фикерләрен белде.

Бала көтүче хатын-кызны һәр оешма дакочак җәеп эшкә алырга атлыгып тормый. Күпчелек очракта сәбәп бер: сез еш авырыйсыз, бала тапканнан соң да тиз генә эшкә чыкмаячаксыз, чыксагыз да, яшь бала белән “больничный”га йөриячәксез. Тик законда хатын-кызның көмәне ничә айлык булуга да карамастан, аны эшкә алырга тиешләр, диелгән. Җитәкчелек эшкә алмыйм, дигән очракта, бала көтүче ханым нәрсә эшләргә тиеш? Аның нинди хокуклары бар? Бу хакта “intertat.ru” электрон газетасы хәбәрчесенә Татарстан Республикасында дәүләт хезмәт инспекциясенең бүлек мөдире Юлия Лазарева аңлатма бирде.

Төрекләр һәм татарлар. Төркия һәм Татарстан. Терле географик киңлекләрдә яшәсәләр дә, әлеге милләтләрне бер нәрсә берләштерә — дин. Канкарлдәш булган бу ике халык һәрчак бер-берсенә ярдәм итеп яшәгән. Сәясәттә ни генә булмасын, гади халык барыбер-бер-берсенә тартылган. Доцент, тарих фәннәре кандидаты Камил Әхсәновның “Беренче Балкан сугышы һәм Истанбулда татар журналистлары” лекциясе дә шуңа багышланган иде.

Милли мәгариф, татар телендә белем бирү һәм алу, аның укучылар, укытучылар, ата-аналар тарафыннан ни рәвешле кабул ителүе көн үзәгендәге иң “янып торган” сораулар булмаса да, актуаль булудан беркайчан да туктамый. Туган телгә, ана теленә бәйле әйберләр милли җанлы кешеләр күңелендә һәрвакыт кызыксыну уята. Икенче берәүләр исә кызыксынып кына калмый, ә ул мәсьәләлрне чишү юлларын да эзли. Мисал өчен, Татарстан Премьер-министры урынбасары —республиканың мәгариф һәм фән министры Энгель Фәттахов. Республика парламентында ясаган чыгышында да ул милли мәгарифкә кагылышлы барлык “авырткан нокталарны” күрсәтте. “Интертат” хәбәрчесе чыгышның иң кызыклы өлешләрен укучыларыбызга да тәкъдим итә.

Габдулла Тукай исемендәге Татар дәүләт филармониясендә сезон саен ниндидер яңалык. Яшь, төрле идеяларга бай директор Кадим Нуруллин үзе дә тик тормый, хезмәткәрләрне дә активлыкка этәрә. Моның өчен шартлар да тудыра. Мисал өчен, филармония янындагы паркны яңартуы. Анда Габдулла Тукай шигырьләре язылган стендлар кую, танылган шәхесләргә багышлап агачлар утырту, Татар зиратларында мәрхүм артистларның каберләрен яд итү — башкарган эшләрнең кайберләре генә. Филармония директоры Кадим әфәнде “Интертат” хәбәрчесе белән киләчәкккә булган планнары белән бүлеште.

Ана теленә мәхәббәт, аны өйрәнү, көндәлектә куллану гаиләгә, әти-әни тәрбиясенә бәйле булуына мин кабат инандым. Татар теле һәм әдәбияты буенча IV халыкара олимпиада җиңүчесе Зилә Мөбәрәкшина да моңа мисал булып тора. Intertat.ru электрон газетасына Зилә телне үстерүче һәм юк итүче факторлар, татар теленең, милләтенең, мәдәниятенең проблемалары хакында фикеләрен җиткерде.

2020 елда Татарстан Республикасы оешуга 100 ел тула. Әмма аның оешуы 1920 ел белән генә башланмый, чишмә башы инкыйлабка кадәр барып тоташа. 1917 ел татарлар арасында дәүләтчелеккә карата булган карашларны өскә чыгара. Ул елда татар һәм мөселманнар өчен берничә төп вакыйга була. Алар белән Intertat.ru укучыларын тарих фәннәре кандидаты Айрат Фәйзрахманов таныштырды.

Үткәнен белмәгәннең киләчәге юк, ди халык. Ата-бабаларыңны, нәсел тамырларын белү – татар халкында борынгыдан килгән матур гадәт. Ул нәсел җепләре торак пунктлар, авыл һәм шәһәрләр, табигать һәйкәлләре тарихлары белән тыгыз үрелеп бара. Шуңадырмы, нәсел җебен барларга керешүчеләр еш кына авыл тарихларын да өйрәнеп, җыелган мәгълүматларны туплап, киләчәк буынга җиткерергә тырыша.