Казанда рус эстрадасы җырчысы Ольга Бузованың концерты узды. Мәскәү кунагын гореф-гадәтләргә туры китереп, бал-май белән каршы алдылар. Иң кызыгы Ольганың концертында булды: анда татарча җырладылар!

Беркөнне татар эстрадасы җырчысы Ильмира Нәгыймовадан хәбәр килеп иреште: “Сәлам! Мин телефон номерымны алмаштырдым!” Ни өчен икәнен үзеннән сорадык.

Бүген Россиядә Әниләр көнен бәйрәм итәчәкләр. Татар сәнгате дөньясында танылган һәм үзләре дә әни булган шәхесләр Әниләр көнен билгеләп үтәме? Алар балаларын ничек тәрбияли, үзләре нинди тәрбия алган? Бу хакта сораштыру үткәрдек.

16 декабрьдә Казанда «Татар җыры” халыкара эстрада фестивале узачак. Быел әлеге проектның оешуына 18 ел тула. Концертта катнашачак җырчыларның исемнәре әлегә сер итеп сакланса да, проектны оештыручылар “Татар-информ”га ике җырчының исемен әйтте. Ул – Фирдүс Тямаев һәм Илсөя Бәдретдинова. Әлеге җырчыларның “Татар җыры”на әзерләнүен күрү максаты белән “Барс Медиа”га барып кайтырга булдык.

Татарстанның халык артисты Азат Тимершәех татар теленә кагылышлы уй-фикерләре турында “Татар-информ” хәбәрчесе белән уртаклашты.

Владимир Ильич Ленин – каршылыклы шәхес. Берәүләр аны үз бабасыдай якын күрә, икенчеләре - тәнкыйтьли. Тик төрле фикер-бәхесләрдән кала, Ленин - табышмак кебек серле юлбашчы да әле ул. Аның турында нинди генә риваятьләр юк. Беркөнне редакциябезгә Питрәч районы Чыты авылында клуб мөдире булып эшләүче Миңнур Шәмсетдинов шалтыратты. “Ленин бабай турында тарихта беркая да язылмаган мәгълүматым бар иде”, - диде ул.

Җырлы гаилә Зинира һәм Ризат Рамазановларның “Бер пәп итеп үпкәннән” җырына төшерелгән яңа клиплары табадан төште. Клиптагы хәлләрнең артистлар тормышыннан алынганмы, юкмы икәнен Ризат Рамазанов "Татар-информ" хәбәрчесенә сөйләде.

Казанда беренче тапкыр мөселман хатын-кызлары өчен хәләл ярминкә узды. Бу ярминкә балигъ булган бер генә ир-ат заты булмавы һәм тәкъдим ителгән продукциянең эксклюзив булуы белән үзенчәлекле иде.

Моннан 3-4 ел элек җырчы Дилә Нигъмәтуллина сәхнәдә сирәк күренә башлады, хәтта Казандагы концертын күчергән иде ул. Җырчы шәхси тормышы турында беркемгә берни дә сөйләмәде. Ләкин соңыннан билгеле булганча, ул авыру әнисен караган. Кызганычка каршы, Флүрә ханымны коткара алмаганнар, яман чир аны алып киткән. Бу хәлләргә шактый вакыт узса да, Дилә бары хәзер генә ул чакларны искә төшерергә үзендә көч тапты. Җырчы газиз әнкәе турында сөйләгәндә, әрнүен, күз яшен тыя алмады... Игътибарыгызга Дилә Нигъмәтуллина белән эксклюзив әңгәмәбезне тәкъдим итәбез.

Альбина Кармышева – катнаш гаиләдә, чит төбәктә үскән, татар телендә иркен аралашучы хатын-кыз. Татар теленә булган мәхәббәте, балаларына татар исемнәре кушып, аларда да шундый ук мәхәббәт тәрбияләү теләге – зур мактауга лаеклы күренеш. Альбина белән әңгәмәбез дә үзе кебек үк ихлас, күңелгә ятышлы булды.

Казанның «Сәйдәш” мәдәният йортында 5 яшьлек Лилиана Сабировага ярдәм йөзеннән хәйрия концерты узды. Бала хәзерге вакытта Мәскәүдә, ул сөяк җелеген күчереп утырту буенча катлаулы операция кичергән. Лилиананы тернәкләндерү һәм сәламәтләндерү максатыннан эстрада артистлары кабат изге эшкә – хәйрия концертына җыелды.

Эстраданың яшь җырлы-моңлы гаиләсе Рафил Җәләлиев белән Эльмира Гыйльфанова Казанда фатир алган. Бүген алар яңа фатирларына күченү белән мәшгуль.

Казанда Татарстанның атказанган артисты Филүс Каһировның концертлары узды. Эстрадабызның йөзек кашы булган җырчының концерты зәвык белән оештырылган: биредә халык җырлары да, эчтәлекле, матур шигырьләр дә, милли көйләр дә яңгырады.

Татарстанның атказанган артисты Гүзәл Уразова һәм Илдар Хәкимов 14 сезонга аяк басты. Алар Казан тамашачысына “Эксклюзив” дип исемләнгән яңа шоу программаларын тәкъдим итте. Ни өчен тамаша “Эксклюзив” дип атала? Концертның үзенчәлеге нәрсәдә? Интертат хәбәрчесе барысын да үз күзләре белән күреп кайтты.

Чаллыда Татарстанның атказанган артисты Равил Галиев җитәкчелегендә музыкаль театр оешты. Бу театр артистлары Чаллыда “Алай да була икән” дип исемләнгән музыкаль комедиянең премьерасын да тәкъдим итте инде.

Бүген татар эстрадасы артистлары Казан хосписында дәваланучы балалар белән күреште. Бу очрашу 28 ноябрьдә Казанда узачак "Мең рәхмәт!" хәйрия концерты уңаеннан оештырылды. Чараның төп максаты – концерттан җыелган акчаларны Анжела Вавилова фондына Казан хосписына һәм тумыштан артык авырлыктан интегүче Ирек Габдрахмановка тапшыру.

Җырчы Гүзәл Идрисованың өр-яңа клибы табадан төште. Клип Илназ Баһның Казанда узган “Серле мөгез” концертында тәкъдим ителде һәм ул беркемне дә битараф калдырмады...

Казанның Филармония концертлар залында популяр җырчы Илназ Баһның концерты узды. Хәер, Баһ гаиләсенең матур концерты үтте дисәк, дөресрәк булыр, чөнки тамашада артистның тормыш иптәше Гүзәл Идрисова белән уллары да катнашты.

“Әкият” Татар дәүләт курчак театры бинасында театрның иң көләч йөзле актрисаларының берсе, Татарстанның атказанган артисты Фәнзилә Сабированың 50 яшьлек юбилей кичәсе узды.

6 ноябрьдә республикабыз истәлекле вакыйганы бәйрәм итә – Татарстан Республикасы Конституциясе кабул ителүгә 25 ел тула. Әлеге Конституция, Татарстан Республикасының күпмилләтле халкы ихтыярын чагылдырып, кеше һәм граждан хокукларының һәм ирекләренең өстенлеген гамәлгә ашыра, халыкларның гомумтанылган үзбилгеләнү хокукына, аларның тигез хокуклылыгы, ихтыяр белдерүнең иреклелеге һәм бәйсезлеге принципларына нигезләнә.

Журналист, язучы, җырлар авторы Илфак Шиһапов гомеренең соңгы елында җырчы Айсылу Габдинова белән эшләде. Шушы бер ел эчендә Илфак Айсылуны күпмедер дәрәҗәдә халыкка танытты, концертларын оештырды. Ләкин алар нибары 1,5 ел эшләп өлгерде. Хәзер исә Айсылу Илфакның якын дусты, продюсер Рифат Фәттахов белән хезмәттәшлек итә. Тарихта беренче тапкыр Рифат Фәттахов белән Айсылу Габдинова “Татар-информ”га интервью бирделәр.

Казанда популяр җырчы Илсөя Бәдретдинованың концерты узды. Үзенчәлекле язмышка ия булган, 15 ел дәвамында тамашачысына тугры булган көчле рухлы Илсөя халыкка ачылды. Үзе әйтүенчә, эчендәгесе - тышында. Залда утырган ирләргә дә күз яшен йөгәнләү кыен булды.

Замана әтиләре бала тормышында актив катнаша. Һәм әйтергә кирәк, бала туганчы ук. Ир-ат башта хатынына ияреп УЗИга бара, аннан бала табу йортына - бала табарга ярдәм итә. Инде хәзер ирләребез декретта да утыра башлады!

Килешәсездер, телефонга көйләнгән ватсап – иң популяр, җайлы, уңайлы һәм арзан аралашу чарасына әверелде. Ватсапта төркемнәр ачу да киң таралды хәзер. Алар арасында нинди исемлеләре генә юк! Ә эстрада артистлары нинди төркемнәрдә утыра икән? Бу хакта үзләреннән сораштык.

Татар теленең язмышы өчен тел белгечләре генә түгел, эстрада артистлары да хафалана башлады. Кичә җырчыларның “Туган тел” җырын башкарган аерым видеолары бөтен интернет челтәрен шаулатты. Иң беренче булып моны җырчы Фирдүс Тямаев башлады, аннан башкалар да бу чарага кушылды.

Татарстан Республикасы Президенты Рөстәм Миңнеханов үзенең 2017 елгы юлламасында татар телен укыту методикасын камилләштерергә, телләр өйрәтүгә зур игътибар бирергә кирәк, дип белдергән иде.

Көчле тавышка ия булган яшь җырчы Чулпан Йосыпова, башка артистлардан аермалы буларак, үзе турында сөйләргә яратмый. Күпләргә аның кайда, кем белән яшәве, ниләр белән шөгыльләнүе кызык. Ниһаять, Чулпан шәхси тормышындагы яңалыклары, зур үзгәрешләре турында Intertat.tatarга сөйләде. Әңгәмәгә Чулпан 1 яшьлек улы Солтан белән килде. Солтан - бик шук, тиктормас бала, тавышына караганда, әнисе кебек үк җырчы булыр, мөгаен.

Казанның "Пирамида" концертлар залында "Татар радиосы"ның туган көненә багышланган, елның иң җанлы музыкаль чарасы - "Җанлы концерт" узды. Тамашаның үзенчәлеге шунда - артистлар инструменталь ансамбльгә кушылып тере тавышка җырлады.

Казанның “Люксор” төнге клубында узган татар дискотекасында беренче тапкыр “Кызлар Пати” чыгыш ясады. Моңа кадәр бирегә ял итәргә генә йөргән кызлар бу юлы клубны үзләре гөрләтте. Араларында дискотекада беренче тапкыр җырлаучы артистлар да бар иде.

Казанда җырчы Лилия Хәйруллинаның тәүге концерты узды. “Мин дә кошлар нәселеннән” дип аталган концерт программасында тамашачы җырчы белән бергә сәяхәт итте: аэропорт, хушлашу, моң илен гизү, туган якка кайту, күрешү.