Абыйлы-энеле Мазовларны җирләгәнне әбисе белән бабасы белми калган
Кайгыга баткан өлкәннәр оныкларының мәете табылганын очраклы кешеләрдән генә белеп алган.
Уфада яшәүче алты яшьлек Вячеслав һәм сигез яшьлек Илья былтыр октябрьдә әтиләре Артем Мазов белән чыгып китеп югалды. Узган атнада аларның мәетләрен елгадан таптылар. Балаларны җирләргә Артем Мазовның әнисе белән әтисен — балаларның әбисе белән бабасын чакырмаганнар. Бу турыда Уфа.Онлайн хәбәр итте.
Аркадий Мазов оныкларын исән килеш күрергә өметләнгән булган. Тик, кызганычка каршы, балалар вафат. Аркадий Мазов UFA1.RU хәбәрчесе белән аралашкан. «Ышана алмыйм», — ди ул.
Балаларның мәетләре табылганын бабай очраклы кешеләрдән генә белеп алган. Хатыны Татьяна Мазова белән бакчага барганда бер хатын аларга кайгылы хәбәр җиткергән.
«Ул балаларны тапканнарын әйтте. Мин аңа ышанмадым, без китеп бардык. Аннары мин тикшерүчегә шалтыраттым. Ул миңа Эльмираның (Аркадий Мазовның килене) балаларны киемнәреннән таныганын әйтте», — дип сөйли Аркадий Мазов.
Вячеслав белән Ильяны 25 июньдә җирләделәр. Аркадий Мазов һәм аның хатыны балаларны җирләргә бара алмаган. Алар җеназа турында белми калган, мәетләр әле дә экспертизада дип уйлаганнар, диелә бу хәбәрдә.
- Уфада урамга уйнарга чыгып киткәннән соң югалган ике бала һәм әти кешене эзлиләр
- Уфада ике баласы белән югалган ирнең әтисе: «Ул якты дөньяда юк инде»
- «Аерылмыйм, кайт зинһар»: Уфада ике баласы белән югалган иргә хатыны мөрәҗәгать итте.
- Уфада ике баласы белән ир-ат югалу сәбәбенең өч версиясе бар
- «Ничек телисең, шулай яшә». Уфада ике баласы белән югалган ир хатынына хат калдырган
- Уфада абыйлы-энеле Мазовларны җирләделәр